روزنامہ نوائے وقت

نوائے وقت

نوائے وقت، 22 مئی 2010ء کا سر ورق
قسم	روزنامہ اخبار
مالک	رمیزہ مجید نظامی (مجید نظامی کی منہ بولی بیٹی) نوائے وقت گروپ آف پبلکیشنز کی مینیجنگ ڈائریکٹر عارف نظامی (بانی حمید نظامی کے بیٹے)
مدیر	سید آفاق حسین
آغاز	سنہ 1940ء میں حمید نظامی نے قائم کیا
صدر دفتر	لاہور، پاکستان
ویب سائٹ	http://www.nawaiwaqt.com.pk

روزنامہ نوائے وقت ، پاکستان کے شہروں اسلام آباد، لاہور، کراچی اور ملتان سے شائع ہونے والا اردو زبان کا ایک اہم روزنامہ ہے۔ نوائے وقت کا آغاز 23 مارچ 1940ء کو ہوا۔ پہلے یہ ہفت روزہ تھا بعد میں روزنامہ میں تبدیل ہو گیا۔ اخبار کی بنیاد حمید نظامی نے رکھی۔ یہ پہلے پندرہ روزہ اخبار کی صورت میں جاری کیا گیا پھر ہفتہ وار چھپتا رہا اور بالآخر روزنامہ اخبار کے طور پر شائع کیا جانے لگا تھا اس کا دفتر لاہور میں پہلے بیڈن روڈ اور بعد میں مال روڈ پر شاہ دین بلڈنگ میں رہا۔

نوائے وقت گروپ

نوائے وقت گروپ کے تحت روزنامہ نوائے وقت کے علاوہ مندرجہ ذیل اخبارات اور رسائل شائع ہوتے ہیں۔

• دی نیشن انگریزی زبان کا روزنامہ
• ندائے ملت (میگزین) اردو زبان کا ہفت روزہ
• فیملی میگزین اردو زبان کا ہفت روزہ
• ماہنامہ پھول (لاہور) بچوں کے لیے اردو زبان کا ماہنامہ

وقت نیوز

وقت نیوز ایک پاکستانی نیوز چینل ہے یہ روزنامہ نوائے وقت کی ملکیت ہے نوائے وقت پاکستان کا ایک مشہور اخبار ہے۔ اس چینل کا آغاز 2008ء میں کیا گیا۔

لاہور دفتر

لاہور میں نوائے وقت کا آغاز حمید نظامی نے 23 مارچ 1940ء کو ہفت روزہ کے طور پر کیا تھا اس کا پہلا دفتر بیڈن روڈ پر بنایا گیا پھر روزنامہ نوائے وقت کا دفتر چیئرنگ کراس چوک کی شاہ دین منزل میں رہنے کے بعد عقب کی ذاتی عمارت میں منتقل کر دیا گیا تھا اب دفتر نوائے وقت کوئنز روڈ پر وارث روڈ کے قریب پایا جاتا ہے ۔

مزید دیکھیے

• پاکستان کے اخبار

بیرونی روبط

• نوائے وقت
• دی نیشن