جگدیش چندر بوس

جگدیش چندر بوس
(بنگالی میں: জগদীশ চন্দ্র বসু)
معلومات شخصیت
پیدائش	30 نومبر 1858ء   بکرم پور
وفات	23 نومبر 1937ء (79 سال)  گرڈی
شہریت	برطانوی ہند
رکن	رائل سوسائٹی ،  انڈین نیشنل سائنس اکیڈمی
عملی زندگی
مادر علمی	کرسٹس یونیورسٹی کالج لندن ہیئر اسکول جامعہ لندن
ڈاکٹری مشیر	جان ولیم سٹرٹ
تلمیذ خاص	ست یندرا ناتھ بوس
پیشہ	ماہر نباتیات ،  استاد جامعہ ،  طبیعیات دان ،  ماہر آثاریات ،  مصنف ،  کیمیادان
مادری زبان	بنگلہ
پیشہ ورانہ زبان	بنگلہ ،  انگریزی
شعبۂ عمل	طبیعیات ،  حیاتی طبیعیات ،  نباتیات ،  آثاریات
ملازمت	پریزیڈنسی یونیورسٹی، کولکاتا ،  جامعہ کیمبرج ،  جامعہ لندن
اعزازات
کمپینین آف دی آرڈر آف دی انڈین ایمپائر (1903) رائل سوسائٹی فیلو    نائٹ بیچلر
دستخط

جگدیش چندر بوس (بنگالی: জগদীশ চন্দ্র বসু جاگودیش چاندرو بوشو) (30 نومبر، 1858ء – 23 نومبر 1937ء) ہندوستان کا ماہر طبیعیات کلکتہ اور کیمبرج میں تعلیم پائی۔ 1896ء میں کیمبرج یونیورسٹی سے ڈی۔ ایس۔ سی کی ڈگری حاصل کی۔ 1885ء سے 1915ء تک کلکتہ کالج میں طبیعیات کا پروفیسر رہا۔ 1917ء میں کلکتہ میں ’’بوس ریسرچ انسٹی ٹیوٹ‘‘ کے نام سے ایک تحقیقی ادارہ قائم کیااور وفات تک اس کا ناظم رہا۔ بوس نے برقی شعاع کاری کے بارے میں تحقیق کرکے طبیعیات کے میدان میں اہم حصہ لیا۔ روشنی کے انعطاف اور انعکاس کے عالمگیر کلیوں کی توثیق کی اور تجربات کے بعد نتیجہ اخذ کیا کہ روشنی کی شعاعوں پرایسا اثر ڈالنا ممکن ہے کہ ان کے دونوں سروں پر مختلف خاصیتیں پیدا ہو جائیں (یعنی دو شعاعوں کے مخالف سرے یکساں خاصیت رکھتے ہیں) حیوانی عضویات، بالخصوص نباتاتی عضویات کے میدان میں اس کی تحقیقات اپنے وقت سے بہت آگے تھیں۔ اس نے ثابت کیا کہ درخت اور پودے بھی زندگی رکھتے ہیں۔ اس نے تجربے کرنے کے لیے نئے طریقے وضع کیے اور دواؤں کے اثرات ریکارڈ کرنے کا ایک آلہ ایجاد کیا۔ کئی ضخیم سائنسی کتابوں کے مصنف ہیں۔