محمد یوسف (کرکٹ کھلاڑی)

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
محمد یوسف
71457632.jpg
پاکستان.svg.png پاکستان
ذاتی معلومات
اصل نام محمد یوسف
تاریخ پیدائش 27 اگست 1974 (1974-08-27) ‏(39)
لاہور, پاکستان
کردار بلے باز
طریقہ بلےبازی دائیں ہاتھ سے
طریقہ گیندبازی رائٹ آرم آف بریک
بین الاقوامی کرکٹ
پہلا ٹیسٹ (کیپ 122) 26 فروری 1998ء: بمقابلہ جنوبی افریقہ
آخری ٹیسٹ 26 اگست 2011: بمقابلہ انگلینڈ
پہلا ایک روزہ (کیپ 152) 28 مارچ 1998: بمقابلہ زمبابوے
آخری ایک روزہ 8 نومبر 2010:  v جنوبی افریقہ
شرٹ نمبر 13
کیریئر شماریات
فرسٹ کلاس ٹیسٹ کرکٹ ایک روزہ 20/ٹوئنٹي
کل میچ 141 90 288 3
کل دوڑیں 10505 7530 9720 50
اوسط بلے بازی 47,96 52،29 41،71 16,66
50/100 30 / 51 24/33 15/64 --/ --
بہترین اسکور 223 223 141* 26
کل گیند کرائے 18 6 2 0
وکٹ 0 0 1 0
اوسط گیند بازی - -- 1.00 -
5 وکٹ 0 -- -- --
10 وکٹ 0 -- -- --
بہترین گیند بازی - 0/3 1/0 -
کیچ/سٹمپ 84 / -- 65 / -- 58 / -- 1 / --

آخری ترمیم 15 مارچ, 2012
حوالہ: [1]


محمد یوسف (English : Mohammad Yousuf) پیدائش27 اگست 1974ءلاہور۔ پاکستان کے مایہ ناز بلے باز ہیں۔ ان کا پرانا نام یوسف یوحنا تھا کیونکہ وہ عیسائی تھے مگر پھر دین اسلام کی روشنی ان کے دل میں گھر کرگئی اور وہ 2005ء میں دائرہ اسلام میں داخل ہوئے۔
وہ 1998ء میں پاکستان ٹیم کے ممبر بنےاور 2006ء میں اپنے فن کی عروج پر دکھائی دئے جب انھوں نے سر ویوین رچرڈ کا ٹیسٹ کرکٹ کے ایک کلینڈر سال میں سب سے زیادہ دوڑ بنانے کا ریکارڈ1788 دوڑ بناکراپنے نام کیا بلکہ ایک کلینڈر سال میں سب سے زیادہ 9 سنچریاں کرنے کا اعزاز بھی اپنے نام کیا۔


کیریر[ترمیم]

انہوں نے اپنا پہلا ٹیسٹ میچ 26 فروری 1998ء کو جنوبی افریقہ کے خلاف ڈربن میں کھیلا اور پہلا ایک روزہ بین الاقوامی میچ 28 مارچ 1998ء کو زمبابوے کے خلاف کھیلا۔ انہوں نے اب تک 288 ایک روزہ بین الاقوامی میچوں میں 41،71 کی اوسط سے 9000 سے زائد دوڑیں بنائی ہیں۔ جب کہ ٹیسٹ کرکٹ میں 52،29 کی اوسط سے 7530 دوڑیں بنائی ہیں۔

کیرئر میں نمایاں کارنامے[ترمیم]

محمد یوسف اس وقت جس مقام پر کھڑے ہیں وہاں تک صرف گنتی کے چند ہی کرکٹر پہنچ سکے ہیں اور ابھی ان میں بہت کرکٹ باقی بھی ہے اس لئے امید کی جاسکتی ہے کہ پاکستان کا یہ نامور سپوت کرکٹ میں بہت زیادہ آگے جائے گا۔ان کے چند کارنامے درج ذیل ہیں۔

  1. محمد یوسف 7530 ٹیسٹ دوڑ کے ساتھ پاکستان کے صرف تیسرے کھلاڑی ہیں ان کی 24 سینچریاں دنیا میں 15ویں اور پاکستان میں دوسرے نمبر پر ہیں۔
  2. محمد یوسف کا موجودہ ٹیسٹ دوڑ اوسط 52،29 پاکستان کے کسی بھی بلے باز کا سب سے زیادہ ہ اوسط ہے۔
  3. ویسٹ انڈیز کے خلاف 2006ء کی تین ٹیسٹ میچوں کی سیریز میں جب محمد یوسف کا بلا دوڑ اگلنے لگا تو 665 دوڑ بن گئے۔اور انہیں دنیا میں سر ڈان بریڈ مین 825 اور کلائڈ والکاٹ 806 دوڑ کے بعد تیسری پوزیشن پر براجمان کردیا۔واضح رہے کہ باقی دونوں بلےبازوں نے پانچ ٹیسٹ کھیل کر یہ دوڑ بنائے تھے۔
  4. 5 ٹیسٹ میچوں میں6 سینچریاں بناکر انھوں نےبریڈ مین کی6 میچوں میں 6 سنچریوں کا ریکارڈ توڑا۔
  5. 2006 ء کے ٹیسٹ کلینڈر سال میں 1788 دوڑ بنا کر ویوین رچرڈ کے1710دوڑ کا ریکارڈ توڑا۔
  6. اسی کلینڈر سال میں9 سنچریاں بناکر نیاء ریکارڈ قائم کیا۔
  7. اگرچہ محمد یوسف ٹیسٹ میچوں میں اب تک 4 ڈبل سنچریاں بنا چکے ہیں مگر وہ دنیا کے پہلے بلے باز ہیں جو تین مرتبہ 190تک پہنچ کر آوٹ ہوئے۔

بیرونی روابط[ترمیم]