احمد صغیر صدیقی

پیدائش	احمد صغیر صدیقی 20 اگست1938 بہرائچاتر پردیش ہندوستان
وفات	12 ستمبر 2017 امریکا
قومیت	پاکستانی
مذہب	اسلام

احمد صغیر اردو زبان کے ممتاز شاعر، نقاد اور افسانہ نگار۔

پیدائش

20 اگست 1938ء کو بہرائچ (بھارت) میں پیدا ہوئے۔

تعلیم

تقسیم ہند کے بعد احمد صغیر پاکستان آگئے۔ کراچی یونیورسٹی سے گریجویشن کیا۔

ملازمت

انھیں زرعی ترقیاتی بنک لمیٹڈ میں ملازمت مل گئی۔1994ء میں ڈپٹی ڈائرکٹر کے عہدے پر پہنچنے کے بعد انھوں نے اختیاری ریٹائرمنٹ لے لی۔

ادبی ذوق

انھیں لکھنے کا شوق لڑکپن سے تھا۔ 1954ء سے انھوں نے باقاعدہ طور پر لکھنے کا آغاز کیا۔ ابتدا انھوں نے نظموں اور افسانے سے کی۔ دوران ملازمت بھی انھوں نے لکھنے پڑھنے کا شغل جاری رکھا۔ وہ ایک اچھے کہانی نویس، ادیب، نقاد اور شاعر تھے۔

تصانیف

ان کی ترجمہ کردہ کہانیوں کے چار مجموعے شایع ہوئے، جن میں "دنیا کے بہترین کہانیاں" "دنیا کی مختصر بہترین کہانیاں" "دنیا کی بہترین عجیب کہانیاں" اور "دنیا کے بہترین اسیبی کہانیاں" شامل ہیں۔ انھوں نے نفسیات اور پر اسرار علوم پر بھی دو درجن سے زائد کتابیں لکھی۔ مترجم ہونے کے ساتھ وہ ایک بہترین شاعر، ادیب اور نقاد بھی تھے۔ بطور نقاد ان کے تنقیدی مضامین کا مجموعہ گوشے اور جالے کے نام سے 2002 میں شایع ہوا۔ اور بطور شاعر ان کے چار شعری مجموعے "سمندری انکھیں" 1972 "کاسنی گلپوش دریچے" 1982 "اطراف" 1992 اور "لمحوں کی گنتی" 2002 میں شایع ہوئیں۔ انھوں نے افسانوں کا انتخاب کرکے "ادھ کھلی کھڑکیاں" کے نام سے ایک کتاب بھی مرتب کی تھی۔ وہ پاکستان کے مشہور ڈائجسٹوں میں مسلسل لکھتے رہے،

وفات

12 ستمبر 2017ء کو امریکا میں وفات پائی،

حوالہ جات

• پیمانۂ غزل(جلد دوم)،محمد شمس الحق
• احمد صغیر صدیقی کی profile | ریختہ
• ممتازشاعر احمد صغیر صدیقی امریکا میں انتقال کرگئے