مورار جی دیسائی

مورار جی دیسائی
(گجراتی میں: મોરારજી રણછોડજી દેસાઈ)
مناصب
نائب وزیر اعظم بھارت (2  )
برسر عہدہ 13 مارچ 1967  – 16 جولا‎ئی 1969
ولبھ بھائی پٹیل   جگجیون رام
وزیر خزانہ
برسر عہدہ 13 مارچ 1967  – 16 جولا‎ئی 1969
سچندرا چوہدری   اندرا گاندھی
وزیر اعظم بھارت (4  )
برسر عہدہ 24 مارچ 1977  – 28 جولا‎ئی 1979
اندرا گاندھی   چرن سنگھ
وزیر امور داخلہ
برسر عہدہ 1 جولا‎ئی 1978  – 28 جولا‎ئی 1979
چرن سنگھ   یشونت راؤ چوان
معلومات شخصیت
پیدائش	29 فروری 1896ء   ولساڈ ضلع
وفات	10 اپریل 1995ء (99 سال)  ممبئی
جماعت	انڈین نیشنل کانگریس جنتا پارٹی (1969–)
عملی زندگی
مادر علمی	ولسن کالج، بمبئی
پیشہ	سیاست دان ،  جنگ مخالف کارکن ،  بیڈمنٹن منیجر
پیشہ ورانہ زبان	ہندی
اعزازات
بھارت رتن (1991)
دستخط
	IMDB پر صفحات

مورارجی دیسائی (29 فروری، 1896ء - 10 اپریل، 1995ء) بھارت کے تحریک آزادی کے فعال رُکن اور چوتھے وزیراعظم (1977ء سے 1979ء) تھے۔ وہ پہلے وزیراعظم تھے جو انڈین نیشنل کانگریس کی بجائے کسی دوسری سیاسی جماعت (جنتا پارٹی )سے تھے۔ وہ واحد شخصیت ہیں جنھیں بھارت کے سب سے محترم بھارت رتن اور پاکستان کے اعلی اعزاز نشان پاکستان سے نوازا گیا ہے۔ وہ 81 سال کی عمر میں وزیر اعظم بنے تھے۔ اس سے پہلے کئی بار انھوں نے وزیر اعظم بننے کی کوشش کی لیکن ناکام رہے۔ ایسا نہیں ہے کہ مورارجی وزیر اعظم بننے کے قابل نہیں تھے، بلکہ بھارت میں وہ کثیر الجماعتی سیاست کے حامی ہونے کی وجہ سے جدوجہد میں مصروف رہے اور کئی بار انڈین نیشنل کانگریس کی جانب سے اعلٰی عہدوں پر فائز ہونے سے انکار کیا۔ درحقیقت وہ سیاسی کارکن رہے اور اپنے نظریات کی وجہ سے سینئر رہنما ہونے کے باوجود پنڈت جواہر لعل نہرو اور لال بہادر شاستری کے انتقال کے بعد بھی وزیر اعظم نہیں بنایا گیا۔ مورارجی دیسائی مارچ 1977ء میں ملک کے وزیر اعظم بنے لیکن وزیر اعظم کے طور پر ان کی مدت مکمل نہیں ہو پائی۔ چودھری چرن سنگھ سے اختلافات کے سبب انھیں وزیر اعظم کا عہدہ چھوڑنا پڑا۔