لیو ٹالسٹائی

آزاد دائرۃ المعارف، ویکیپیڈیا سے
(ٹالسٹائی سے رجوع مکرر)
Jump to navigation Jump to search
لیو تولستوئی
L.N.Tolstoy Prokudin-Gorsky.jpg
تولستوئی یسنایا پولیانا میں ۲۳ مئی ۱۹۰۸ میں اپنی ۸۰ وی سالگرہ کے چار مہینے پہلے۔[1]
مقامی نام Лёв Николаевич Толстой
پیدائش لیو نقولائیوچ تولستوئی
9 ستمبر 1828(1828-09-09)
یسنایا پولیانا، تولا، سلطنت روس
وفات نومبر 20، 1910(1910-11-20) (عمر  82 سال)
استاپوو، ریازن، سلطنت روس
آخری آرام گاہ یسنایا پولیانا
پیشہ مصنف، ناول نگار، ڈراما نگار، مضمون نگار، فلسفی
زبان روسی
قومیت روسی
دور ۱۹۱۰–۱۸۴۷
نمایاں کام جنگ و امن
انا کارینینہ
ایوان الیچ کی موت
ملکوت اللہ آپ کے اندر ہے
رستخیز
شریک حیات صوفیہ بیرس (شادی. 1862)
اولاد ۱۴

دستخط


لیو ٹالسٹائی یا لیو تولستوئی (روسی: Лёв Николаевич Толстой؛ ۲۸ اگست ۱۸۲۸ – ۲۰ نومبر ۱۹۱۰) ایک روسی مصنف، ناول نگار، ڈراما نگار، مضمون نگار اور فلسفی تھے۔ وہ نو برس کی عمر میں یتیم ہو گئے سولہ برس کی عمر میں کازان یونیورسٹی میں داخل ہوئے۔ لیکن انہوں نے ڈگری حاصل کیے بغیر تعلیم ترک کر دی۔ 1849ء میں اپنی جاگیر میں کاشت کاروں کے لیے ایک اسکول قائم کیا جس کے ناکام ہو جانے کے بعد ماسکو اور پھر سینٹ پیٹرز برگ چلے گئے۔ 1851ء میں ملازمت کر لی۔ اپنی سوانح عمری کی پہلی جلد "بچپن" اسی 1851ء ملازمت کے دوران میں لکھی۔ 1854ء میں فوج میں شامل ہوئے۔ اس عہد کے تجربات بعد میں اُن کے شاہکار ناول "جنگ و امن" کی بنیاد بنے۔ فوج چھوڑنے کے بعد کئی برس تک کبھی ماسکومیں رہتے کبھی اپنی جاگیر پر۔

ماسکو میں ایوان ترگنیف اور دوسرے ہم عصر ادیبوں سے دوستانہ مراسم پیدا ہو گئے۔ اپنے تمام مزارعوں کو آزاد کر دئے اور ان کی بہبود کے لیے ایک اسکول کھولا جو ناکام رہا۔ 1857ء اور پھر 1860ء میں مغربی یورپ کا دورہ کیااور جدید تہذیب سے براہ راست واقفیت حاصل کی۔ یورپ سے واپس آنے کے بعد 1862ء میں شادی کی اور آئندہ پندرہ برس تک مسلسل جاگیر پر رہے۔ 1876ء کے قریب وہ خیالات جو اس کے ذہن پر شروع سے چھائے ہوئے تھے۔ بہت شدت پکڑ گئے۔ سخت روحانی بحران کے بعد آخر کار اُنہوں نے انسانی محبت اور عدم تشدد کو اپنا مسلک قرار دیا۔ اور بقیہ زندگی خاندان اور غربا میں تقسیم کردی۔ اور زبان اور قلم سے جمہوریت، مساوات اور اخوت کی تلقین کرنے لگا۔ اس کے انقلابی خیالات روس سے باہر بھی مقبول ہونے لگے۔ لوگوں پر اس کا اثر و رسوخ اتنا زیادہ تھا کہروس کی حکومت کو اس کی سرگرمیوں کی مخالفت کرنے کی جرات نہ ہوئی۔ حالانکہ روسی کلیسا نے 1901ء میں خارج کر دیا تھا۔ مشہور ناول ایناکرنینا اور جنگ اور امن ہیں جو اس نے بالترتیب 1865ء تا 1869ء اور 1875ء تا 1877ء تحریر کیے۔

حالاتِ زندگی[ترمیم]

لیو تولستوئی 9 ستمبر 1828ء کو روس کی ریاست تُلّا میں یسنایا کے جاگیردار کے گھر پیدا ہوئے۔ آپ کے والدین بچپن میں ہی انتقال کر گئے لہٰذا وہ اور اُن کے بہن بھائی مختلف رشتہ داروں کے ہاں پرورش پاتے رہے۔ بچپن میں فرانسیسی اور جرمن استادوں سے تعلیم حاصل کی، سولہ سال کی عمر میں اس نے کازان یونیورسٹی میں قانون کی تعلیم حاصل کرنے کے لیے داخلہ لیا لیکن اُن کے اساتذہ انہیں نالائق طالب علم خیال کرتے تھے، ساتھی طلٍبا اور اساتذہ کے منفی رویے کے باعث انہوں نے اپنی تعلیم ادھوری چھوڑ کر آبائی قصبے یسنایا لوٹ آئے۔ کئی سال تک ماسکو اور سینٹ پیٹرزبرگ میں لوگوں کی سماجی زندگی کا مطالعہ اورکسانوں کی حالت بہتر بنانے کے منصوبے بناتے رہے ۔1851ء میں فوج میں شامل ہوکر ترکو ں کے خلاف جنگ میں حصہ لیا لیکن جلد ہی وہ فوجی زندگی سے اکتا گئے اور سینٹ پیٹرزبرگ آ گئے۔ آپ نے پہلا ناول 1856ء میں "بچپن" کے نام سے لکھا لیکن آپ کی شہرت اس وقت پھیلی جب اس نے جنگ کی ہولناکیوں کے بارے میں سیواتوپول کی کہانیاں لکھیں۔ پھر مغربی یورپ کی طویل سیاحت کی، بعد میں اپنی جاگیر پر واپس آئے کسانوں کے بچوں کی تعلیم و تربیت میں مصروف ہو گئے۔ اس دوران اس نے اپنا زندہ جاوید امن اور جنگ اور اینا کرینینا لکھ کر بے پناہ شہرت حاصل کی۔

1876ء کے بعد سے روسی کلیساکے جمود زدہ نظریات کے خلاف خیالات آپ کے ذہن میں چھائے رہے اور آپ نے مسیحیت کی نشاۃ ثانیہ کا اپنا نظر یہ وضع کیا اور انسانی محبت، سکون اور اطمینان قلب اور عدم تشدد کو اپنا مسلک قرار دیا، ساتھ ہی ایک اعتراف کے نام سے ایک کتاب لکھی جس میں اپنے نظریات کو پیش کیا اور ذاتی ملکیت کے تصور کو رد کیا، انسان سے انسان کے جبرو استحصال کی شدت سے مذمت کی۔ وہ زبان اور قلم سے جمہوریت، مساوات اور اخوت کی تلقین کرنے لگے۔ آپ کے انقلابی خیالات روس سے باہر بھی مقبول ہونے لگے لوگوں پر آپ کا اثر و رسوخ اتنا زیادہ تھا کہ روس کی حکومت کو آپ کی سرگرمیوں کی مخالفت کرنے کی جرات نہ ہوئی۔ آپ اپنے نظریات کے مطابق زندگی بسر کرنا چاہتے تھے لیکن خاندان کے افراد اس کے مخالف تھے، لہٰذا دل گرفتہ ہو کر گھر چھوڑ دیا اور اپنے حصے کی ساری جاگیر اور دولت کسانوں اور مزدورں میں تقسیم کر دی، زندگی کے آخری لمحوں تک تن کے دو کپڑوں کے علاوہ آپ کے پاس کچھ بھی نہیں تھا۔ آخر کار 20 نومبر 1910ء کو ایک اسٹیشن کے پلیٹ فارم پر کسمپرسی کی حالت میں وفات پاگئے۔ شاعر مشرق علامہ اقبال کہتے تھے کہ مسیحی دنیا میں پاکیزہ زندگی، روحانیت، ترک و تجرید، درویشی و ایثار کے اعتبار سے آپ جیسی مثال مشکل سے ملے گی۔

کتابیں[ترمیم]

ناول[ترمیم]

افسانہ[ترمیم]

  • ایوان الیچ کی موت
  • شیطان
  • فادر سیرگی
  • جعلی کوپن
  • حاجی مراد
  • خوش خاندان
  • تین موت
  • البرت
  • پولیکشنہ
  • توخون اور ملانیہ
  • خدا
  • خدا کو سچائی دکھائی دیتی ہے
  • الیاس
  • جہاں محبت ہے وہیں خدا ہے
  • بے وقوف ایوان کی کہانی
  • دو بڈھے
  • تین پیر
  • مالک اور غلام
  • عبادت
  • الیوشہ گرشوک
  • کس کے لیے
  • کوئی گناہگار نہیں ہے
  • گاؤں میں تین دن
  • میرا خواب

ڈراما[ترمیم]

  • اندھیرے کی تاقت
  • پہلا شراب کشید کرنے والا
  • اندھیرے میں روشنی
  • زندہ لاش

مضمون[ترمیم]

  • اعتراف
  • چرچ اور ریاست
  • میری مذہب
  • زندگی پر
  • خدا کی محبت اور پڑوسی کی محبت
  • ملکوت اللہ آپ کے اندر ہے
  • استدلال اور مذہب
  • مذہب اور اخلاقیات
  • مسیحیت اور حب وطن
  • انجیل کیسے پڑھیں
  • مسیحی تعلیم
  • خودکشی پر
  • زمانے کی غلامی
  • مذہبی رواداری
  • خون نہ کریں
  • ایک دوسرے سے محبت کریں
  • نوجوانوں سے ایک درخواست
  • گی دہ موپاساں کے کام
  • شیکسپیر اور ڈراما

حوالہ جات[ترمیم]

  1. "Tolstoy in Color," Tolstoy Studies Journal, a publication of the Tolstoy Society of North America, n.d. Retrieved 27 June 2018.