سباتائی عہد عثمانی میں ظاہر ہونے والا یہودیوں کا ایک فرقہ ہے جس کی بنیاد سباتائی زیوی نے رکھی۔ اس نے 1666 عیسوی میں یہود کے مسیح موعود (Promised Messiah) ہونے کا دعویٰ کیا۔ کچھ یہودیوں نے اسے قبول کیا مگر ربیوں کی اکثریت نے اسے مسترد کر دیا۔ اس وقت کے عثمانی حکمراں سلطان محمد رابع (r. 1648-1687) نے سباتائی کو اپنے دربار میں بلایا اور کہا کہ یا تو کوئی معجزہ دکھاؤ ورنہ قتل کر دیے جاؤ گے۔ سباتائی نے اسلام قبول کر لیا۔ اس وجہ سے اس کے کئی مرید اسے چھوڑ گئے۔ سباتائی نے اپنے عقیدت مند مریدوں کو یہودی تصوف، جو قبالہ کہلاتا ہے، سے متعارف کروایا۔ ان کے ماننے والے آج بھی ترکی میں پائے جاتے ہیں۔
