فضل محمود

فضل محمود

ذاتی معلومات
مکمل نام	فضل محمود
بلے بازی	دائیں ہاتھ سے
گیند بازی	تیز رائٹ آرم
حیثیت	گیند باز
بین الاقوامی کرکٹ
قومی ٹیم	پاکستان
پہلا ٹیسٹ (کیپ 3)	16 اکتوبر 1952  بمقابلہ  بھارت
آخری ٹیسٹ	16 اگست 1962  بمقابلہ  برطانیہ
کیریئر اعداد و شمار
مقابلہ فرسٹ کلاس ٹیسٹ میچ 112 34 رنز بنائے 2662 620 بیٹنگ اوسط 23.35 14.09 100s/50s 1 / 13 -- / 1 ٹاپ اسکور *100 60 گیندیں کرائیں 9834 9834 وکٹ 466 139 بولنگ اوسط 18.96 24.70 اننگز میں 5 وکٹ 38 13 میچ میں 10 وکٹ 8 4 بہترین بولنگ 9/43 9/43 کیچ/سٹمپ 39 / -- 11 / --
ماخذ: [1]، 1 جنوری 2008

پاکستانی کرکٹر فضل محمود 18 فروری، 1927 میں لاہور میں پیدا ہوئے۔ انہوں نے متحدہ ہندوستان میں شمالی پنجاب کی کرکٹ ٹیم سے رانجی ٹرافی میں حصہ لے کر فرسٹ کلاس کرکٹ کا آغاز کیا اور قیام پاکستان کے بعد 16 اکتوبر 1952 میں بھارت کے خلاف کھیل کر پاکستان ٹیم سے اپنا کیرئر شروع کیا اور دس سال بعد سولہ سے بیس اگست انیس سو باسٹھ میں انگلستان کے خلاف آخری ٹیسٹ میچ کھیل کر کرکٹ کو الوداع کہا۔

لکھنؤ میں پاکستان نے بھارت کے خلاف جو ٹیسٹ میچ جیتا اس میں فضل محمود نے چورانوے رنز دے کر بارہ وکٹیں لیں اور جیت میں اہم کردار ادا کیا۔

فضل محمود دائیں ہاتھ کے بلے باز اور دائیں ہاتھ سے گیند کرانے والے فاسٹ میڈیم باؤلر تھے۔ انہوں نے چونتیس ٹیسٹ میچوں میں ایک سو انتالیس وکٹیں حاصل کیں اور تیرہ اننگز ایسی ہیں جن میں انہوں نے پانچ وکٹیں حاصل کیں۔

انہوں نے ایک سو بارہ انٹرنیشنل میچ بھی کھیلے جن میں انہوں نے چار سو چھیاسٹھ وکٹیں حاصل کیں۔

فضل محمود نے اوول کے میدان پر انگلستان کے خلاف ننانوے رنز دے کر بارہ وکٹیں حاصل کیں اور پاکستان نے انگلینڈ (ایم سی سی) کے خلاف اپنا پہلا ٹیسٹ میچ جیتا۔ اس میچ میں ان کے لیگ کٹرز نے بہت شہرت حاصل کی۔

وہ آف کٹر اور لیگ کٹر دونوں طرح کی گیندیں کرانے کے لیے بہت مشہور تھے اور میٹ کی پچوں پر خاص طور سے بہت مؤثر باؤلر سمجھے جاتے تھے۔ گیند پر زبردست کنٹرول اور پچ پر مسلسل موومنٹ کرانا ان کا امتیاز سمجھا گیا۔

جب انیس سوپچپن میں انہیں وزڈن کرکٹ کھلاڑی آف دی ائیر کا خطاب دیا گیا تھا تو کہا گیا تھا کہ وہ مردوں اور لڑکوں کے ہیرو اور عورتوں کے دلوں کی دھڑکن ہیں۔ وہ اپنے وقت کے عمران خان تھے۔

30 مئی، 2005 کو لاہور میں دل کا دورہ پڑنے پر انتقال ہوا۔

لاہور میں ان کے نام پر گڑھی شایو کے علاقے میں ان کے آبائی مکان والی گلی کا نام آج نھی ان کے نام پر فضل محمود سٹریٹ ہے

متعلقہ مضامین

• پاکستان کے ٹیسٹ کرکٹر
• فضل محمود