کوٹا شیوارام کارناتھ

کوٹا شیوارام کارناتھ
معلومات شخصیت
پیدائش	10 اکتوبر 1902ء   اڈوپی ضلع
وفات	9 دسمبر 1997ء (95 سال)
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
پیشہ	شاعر ،  مصنف
پیشہ ورانہ زبان	کنڑ زبان
اعزازات
گیان پیٹھ انعام   (1977)  پدم بھوشن

کوٹا شیوارام کارناتھ (انگریزی: K. Shivaram Karanth) (10 اکتوبر 1902ء-9 دسمبر 1997ء) ایک بھارتی جامع العلوم تھے۔ وہ کنڑ زبان کے ناول نگار، ڈراما نویس اور محافظ ماحولیات بھی تھے۔ رامچندر گوہا کہتے ہیں “وہ عہد جدید کے رابندرناتھ ہیں اور آزادی کے بعد کے بہترین ناول نگاروں اور سماجی کارکنوں میں سے ایک ہیں۔“ وہ کنڑ زبان کے تیسرے لکھاری تھے جنہیں گیان پیٹھ انعام سے نوازا گیا ہے۔

ابتدائی زندگی

شیوارام کارناتھ کی ولادت 10 اکتوبر 1902ء کو بھارت کی ریاست کرناٹک کے اڈوپی ضلع کے اڈوپی شہر کے ایک کنڑ زبان بولنے والے خاندان میں ہوئی۔ والد کا نام شیشا کارناتھ اور والدہ کا نام لکشھمما تھا۔ شیوارام والدین کی 5ویں اولاد تھے۔ ان کی ابتدائی تعلیم کنڈاپور اور منگلور میں ہوئی۔ وہ گاندھیت سے بہت زیادہ متاثر تھے اور انھوں نے گاندھی کی تحریک آزادی ہند میں حصہ لیا۔ وہ ان کے کالج کا زمانہ تھا۔ تحریک عدم تعاون کی وجہ سے وہ کالج کی تعلیم مکمل نہ کرسکے اور 1922ء میں تعلیم ترک کردی۔ وہ کھادی پہننے لگے اور سودیشی تحریک کا حصہ بن گئے۔ وہ اس میں پانچ برس تک ملوث رہے۔ اسی زمانہ میں انھوں نے لکھنا شروع کر دی اور کئی ناول اور ڈرامے لکھے۔ ۔

کیرئر

کارناتھ نے 1924ء میں لکھنا شروع کیا اور بہت جلد اپنی کتاب راشٹرگیت سودھاکر شائع کردی۔ یہ شاعری کا مجموعہ تھا۔ ان کا پہلا ناول وچتر کوٹ تھا۔ اس کے بعد انھوں نے نربھاگیہ جنم اور سولیا سامسرا جیسی کتابیں لکھیں جو غربت اور سماج میں پھیلی غربت کی برائیوں پر مبنی تھی۔ 1928ء میں ان کا شاہکار دیودوتارو شائع ہوا جو عصری بھارت کا ایک تنقیدی جائزہ تھا۔

وفات

انھیں 2 دسمبر 1997ء کو کستوربا میڈیکل کالج، منی پال میں داخل کیا گیا۔ انھیں نزلہ کی شکایت تھی۔ ایک دن بعد انھیں حرکت قلب میں ہریشانی ہوئی اور کومہ میں چلے گئے۔ 8 دسمبر کو ان کے گردے جواب دینے لگے۔ بھارتی معیاری وقت کے مطابق 11:35 صبح 95 سال کی عمر میں ان کا انتقال ہو گیا حکومت کرناٹک نے دو دن کے ماتم کا اعلان کیا۔