بوچھال کلاں

آزاد دائرۃ المعارف، ویکیپیڈیا سے
Jump to navigation Jump to search
بوچھال کلاں
گاؤں and union council
ملک پاکستان
صوبہ پنجاب
ضلع چکوال
منطقۂ وقت پاکستان کا معیاری وقت (UTC+5)

بوچھال کلاں (انگریزی: Buchal Kalan) پاکستان کا ایک پاکستان کی یونین کونسلیں جو ضلع چکوال میں واقع ہے۔[1] کلر کہار سے سرگودھا جانے والی سڑک پر 8 کلو میٹر کے فاصلے پر واقع ہے۔ اسے سب تحصیل کا درجہ حاصل ہے۔ علاقہ ونہار میں اسے مرکزی حیثیت حاصل ہے۔ مقامی لوگ اس قصبہ کی وجہ تسمیہ یہ بیان کرتے ہیں کہ اسے بہاؤالدین عرف بُوچھ نامی شخص نے آباد کیا تھا۔ اس کے سب سے بڑے بیٹے کا نام کیصر تھا، جس کی اولاد یہیں آباد ہے۔ دوسرے نمبر پر باسی تھا، جس کی اولاد بوچھال خورد میں آباد ہے، اسے یونین کونسل کا درجہ حاصل ہے اور اس کے ساتھ چھ قریبی دیہات بھی منسلک ہیں۔ مشرقی محلہ، مغربی محلہ، محلہ مہدھور اور محلہ مصبال یہاں کی رہائشی بستیاں جبکہ مین بازار چوک والا کاروباری مرکز ہے۔ یہاں کی پولیس چوکی 1931ء سے قائم ہے۔ یہاں طلبہ کا ڈگری کالج، طالبات کا ہائیرسکینڈری سکول، جناح اکیڈمی سمیت متعدد پرائیویٹ تعلیمی ادارے، واٹرسپلائی، ٹیلیفون ایکسچینج، دیہی مرکز صحت اور دفتر یونین کونسل موجود ہیں۔ کالج 1963ء میں انٹر کی سطح پر قائم ہوا۔ 1989ء میں ڈگری کا درجہ حاصل ہوا۔ یہاں کے تقریباً ہر گھر کا کوئی نہ کوئی فرد غیر ممالک میں روزگارکے لیے گیا ہوا ہے یا پھر فوج میں ملازم ہے۔ گندم اور جوار علاقے کی اہم فصلیں ہیں۔[2]

مزید دیکھیے[ترمیم]

حوالہ جات[ترمیم]

  1. انگریزی ویکیپیڈیا کے مشارکین۔ "Buchal Kalan"۔
  2. اسد سلیم شیخ کی تصنیف ’’نگر نگر پنجاب:شہروں اور قصبات کا جغرافیائی، تاریخی، ثقافتی اور ادبی انسائیکلوپیڈیا‘‘