عبداللہ ہاتفی

عبداللہ ہاتفی
معلومات شخصیت
پیدائش	سنہ 1454ء   خرجرد
وفات	سنہ 1521ء (66–67 سال)  خرجرد
مدفن	خرجرد
شہریت	ایران
عملی زندگی
پیشہ	شاعر ،  مصنف
پیشہ ورانہ زبان	فارسی

ہفت منظر نامی تصنیف سے ایک عکس ـ (1538ء)

مولانا عبد اللہ ہاتفی خرجردی خراسانی (پیدائش: 1454ء— وفات: 1521ء) نویں صدی ہجری میں فارسی زبان کے مشہور شاعر اور مولانا نورالدین عبدالرحمٰن جامی کے بھانجے تھے۔ ہاتفی کی وجہ شہرت اُن کی تقلید نظامی گنجوی اور خمسہ ہیں۔

سوانح

عبد اللہ ہاتفی 1454ء میں تربت جام کے قصبہ خرجرد میں پیدا ہوئے اور تمام عمر اِسی گاؤں میں بسر کی۔ خرجرد میں وہ مزار قاسم انوار کے متولی کی حیثیت سے مقیم رہے جسے تیموری وزیر میر علی شیرنوائی نے تعمیر کروایا تھا۔ وہ ہرات میں دربارِ تیموری میں اپنے ماموں مولانا نورالدین عبدالرحمٰن جامی کی وساطت سے داخل ہوئے اور شعرائے ہرات میں بلند مقام حاصل کیا۔ مولانا نورالدین عبدالرحمٰن جامی کی نسبت ہاتفی بااعتبارِ مسلک شیعہ تھے، جس کی بنا پر شاہ اسماعیل صفوی اُن سے ملاقات کے لیے خرجرد کے چارباغ آیا اور اُن سے وہاں ملاقات کی۔ پندرہویں صدی کے اواخر سالوں میں ہاتفی آذربائیجان اور عراق کے سفر کو چلے گئے۔ سفر عراق میں اُن کی ملاقات مشہور فارسی شاعر امیر ہمایوں اسفرائینی سے بھی ہوئی۔

وفات

ہاتفی کی وفات 66 سال کی عمر میں 1521ء میں ہوئی۔ تدفین ہرات میں کی گئی۔

شاعری

فارسی زبان کے مشہور کتب ہائے تذکرہ سے معلوم ہوتا ہے کہ ہاتفی کی شہرت بحیثیتِ شاعر تھی اور اِس صنف میں خمسہ اُن کی وجہ شہرت تھی۔ خمسہ میں وہ نظامی گنجوی کی پیروی کیا کرتے تھے۔ شاعری میں مدت دراز تک مولانا نورالدین عبدالرحمٰن جامی سے استفادہ حاصل کیا۔

تصانیف

• لیلیٰ و مجنوں
• شیریں و خسرو
• ہفت منظر
• ظفرنامہ
• فتوحاتِ شاہی