شہباز شریف

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
میاں محمد شہباز شریف

وزیر اعلیٰ شہباز شریف, پاکستان مسلم لیگ (ن)

در منصب
جون 2013ء – تا حال
صدر آصف علی زرداری
وزیرِ اعظم یوسف رضا گیلانی
گورنر محمد سرورِ
لطیف کھوسہ
سلمان تاثیر
پیشرو دوست محمد کھوسہ
انتخابی حلقہ بھکر, صوبہ پنجاب
اکثریت پاکستان مسلم لیگ (ن)

در منصب
20فروری, 1997ء – 12 اکتوبر, 1999ء
صدر محمد رفیق تارڑ
فاروق لغاری
وسیم سجاد
وزیرِ اعظم نواز شریف
گورنر شاہد حامد
ذوالفقار علی کھوسہ

پیدائش 1950 (عمر 60 یا 61 سال)
لاہور, صوبہ پنجاب, مغربی پاکستان
پیدائشی نام میاں محمد شہباز شریف
قومیت پاکستانی
سیاسی جماعت پاکستان مسلم لیگ (ن)
ازواج بیگم نصرت شہباز (1973-1993)
عالیہ ہنی (1993-1994)
تہمینہ درانی (2003 - تا حال)
سکونت وزیراعلیٰ ہاؤس, لاہور (سرکاری)
پیشہ سیاستدان
پیشہ کاروبار
مذہب اسلام

میاں محمد شہباز شریف پاکستان کے مشہور سیاستدان، پاکستان مسلم لیگ (نواز گروپ) کے اہم رکن اور پاکستان کے وزیر اعظم میاں محمد نواز شریف کے بھائی ہیں۔ 1950 میں لاہور میں پیدا ہوئے۔ وہ پاکستان کے سب سے گنجان آباد صوبے پنجاب کے وزیر اعلیٰ ہیں۔ شہباز شریف 20 فروری 1997 سے 12 اکتوبر 1999 تک بھی پنجاب کے وزیر اعلیٰ رہے۔ 1999 میں پرویز مشرف کے حکومت پر قبضہ کر لینے کے بعد وہ سعودی عرب ، میں جلا وطن رہے۔ 11 مئی 2004 کو انہوں نے پاکستان واپس آنے کی کوشش کی مگر لاہور کے علامہ اقبال بین الاقوامی ہوائی اڈے سے انہیں واپس بھیج دیا گیا۔

خاندان[ترمیم]

شہباز شریف مشہور کشمیری صنعت کار میاں محمد شریف کے بیٹے اور میاں محمد نواز شریف سابق وزیر اعظم پاکستان کے بھائی ہیں۔ ان کی پہلی شادی ان کے والد کے اجازت سے 1973 میں ان کی کزن بیگم نصرت شہباز سے ہوئی جن سے ان کے دو بیٹے حمزہ شہباز اور سلمان شہباز اور تین بیٹیاں ہیں۔ حمزہ شہباز سیاستدان ہے اور قومی اسمبلی کے رکن بھی ہیں۔ سلمان شہباز نے آکسفورڈ یونیورسٹی لندن سے تعلیم حاصل کی اور ان کا زیادہ رجحان کاروبار کی طرف ہے۔ انہوں نے 1993 میں دوسری شادی عالیہ ہنی سے کی جن سے ان کی ایک بیٹی خدیجہ ہیں۔ انہوں نے اپنی عالیہ ہنی کو جلاوطنی کے دور میں سعودی عرب میں طلاق دے دی۔ یہ بھی کہا جاتا ہے کہ شہباز شریف نے تیسری شادی تہمینہ درانی سے کی جس کا وہ اقرار نہیں کرتے، یہ دونوں کی تیسری تیسری شادی ہے. [1]

تاریخچہ[ترمیم]

  • صدر ایوانِ صنعت و تجارت لاہور (لاہور چیمبر آف کامرس اینڈ انڈسٹری) 1985
  • رکن پنجاب اسمبلی (ایم پی اے پنجاب) 1988-1990
  • رکن قومی اسمبلی (ایم این اے) 1990-1993
  • رکن پنجاب اسمبلی (ایم پی اے پنجاب) اور قائدِ حزبِ اختلاف 1993-1996
  • رکن پنجاب اسمبلی (ایم پی اے پنجاب) اور وزیر اعلیٰ پنجاب 20 فروری 1997 سے 12 اکتوبر 1999
  • صدر مسلم لیگ نواز گروپ اگست 2002 تا حال
  • فروری 2008ء کے انتخابات کے بعد ضمنی انتخابات میں جیت کر پنجاب کے وزیر اعلیٰ بنے۔
  • مئی 2013 کے انتخابات کے بعد آپ پھر پنجاب کے وزیر اعلیٰ بنے، اور تاحال اسی عہدے پر فائز ہیں۔

وزارتِ اعلیٰ پنجاب[ترمیم]

میاں محمد شہباز شریف 20 فروری 1997 سے 12 اکتوبر 1999 تک پنجاب کے وزیر اعلی رہے۔ ان کا دور نہائت سخت انتظام کے لیے مشہور ہے جس میں انہوں نے لاہور کی شکل بدلنے کی کوشش کی۔ خصوصاً ناجائز تجاوزات میں سے بےشمار کو ختم کیا۔ انہوں نے پنجاب کے ایسے سکولوں کے خلاف بھی اقدام اٹھائے جو عرف عام میں بھوت سکول یا گھوسٹ سکول کہلاتے ہیں یعنی وسائل استعمال کرتے ہیں مگر وہاں اساتذہ نہیں ہوتے یا سرے سے سکول ہی نہیں ہوتا۔ انہوں نے ڈھائی سال کے دوران اقربا پروری اور سفارش کے خلاف بھی نمایاں کارکردگی دکھائی اور بوٹی مافیا کے خلاف کام کیا۔ اپنے دور کے اخراجات اپنی جیب سے ادا کیے۔ اور اس دوران پورے پنجاب میں کوئی نئی گاڑی نہیں خریدی گئی۔ پولیس میں پہلی دفعہ پڑھے لکھے جوان لڑکوں کی بھرتی میرٹ کی بنیاد پر کی گئی۔[2]

فروری 2008ء کے انتخابات کے بعد ضمنی انتخاب میں جیت کر دوبارہ صوبہ پنجاب کے وزیر اعلیٰ منتخب ہوئے۔مئی 2013 کے انتخابات کے بعد آپ پھر پنجاب کے وزیر اعلیٰ بنے، اور تاحال اسی عہدے پر فائز ہیں۔

جلا وطنی[ترمیم]

12 اکتوبر 1999 کو پاکستان میں فوج نے اقتدار پر قبضہ کر لیا اور دوسرے لوگوں کے ساتھ شہباز شریف بھی قید میں رہے۔ بعد ازاں انہیں سعودی عرب جلا وطن کر دیا گیا۔ حکومت کے مطابق یہ ایک معاہدہ کے تحت ہوا مگر اس سے شریف خاندان انکار کرتا ہے اور حکومت بھی کوئی ثبوت بھی پیش نہیں کر سکی۔ لاہور ہائی کورٹ نے جب فیصلہ دیا کہ وہ پاکستان آنے میں آزاد ہیں تو انہوں نے 11 مئی 2004 کو انہوں نے پاکستان واپس آنے کی کوشش کی مگر لاہور کے علامہ اقبال بین الاقوامی ہوائی اڈے (علامہ اقبال انٹرنیشنل ائیر پورٹ) پر انہیں گرفتار کر کے واپس سعودی عرب بھیج دیا گیا۔ سعودی عرب سے اب وہ برطانیہ کے دارالحکومت لندن چلے گئے ہیں اور آج کل وہاں سے سیاست کرتے تھے۔ اس کے بعد وہ نواز شریف کے ساتھ لندن منتقل ہو گئے۔ حال ہی میں آل پارٹی کانفرنس میں انہوں نے فعال کردار ادا کیا ہے۔

مسلم لیگ کی صدارت[ترمیم]

سعودی عرب میں قیام کے دوران 3 اگست 2002 کو مسلم لیگ نواز گروپ کا صدر چنا گیا۔ 2 اگست 2006 کو انہیں دوبارہ اگلی مدت کے لیے چنا گیا۔ نواز شریف کے مطابق پاکستانی حکومت نے انہیں اپنے بھائی نواز شریف سے متنفر کرنے کی کوشش بھی کی مگر ناکامی ہوئی۔ شہباز شریف کے مطابق وہ نواز شریف کو اپنے والد کی جگہ سمجھتے ہیں۔

مزید دیکھئے[ترمیم]

حوالہ جات[ترمیم]

بیرونی روابط[ترمیم]

سیاسی دفاتر
پیشرو
میاں محمد افضل حیات
وزیر اعلیٰ پنجاب
1997 – 1999
جانشین
چوہدری پرویز الٰہی
پیشرو
دوست محمد کھوسہ
دوسری مدت
2008 – 2009
جانشین
سلمان تاثیر (نگران)
پیشرو
سلمان تاثیر
دوسری مدت
2008 – 2009
جانشین
سلمان تاثیر (نگران)
پیشرو
سلمان تاثیر
(بحال کر دئیے گئے)
2009–2013
جانشین
نجم سیٹھی
پیشرو
نجم سیٹھی
تیسری مدت
2013
موجودہ
سیاسی جماعتوں کے عہدے
پیشرو
نواز شریف
صدر پاکستان مسلم لیگ (ن)
2002 – تا حال
موجودہ