بابا آمٹے

بابا آمٹے Baba Amte
(انگریزی میں: Baba Amte)،(ہندی میں: बाबा आमटे)
بابا آمٹے (2005ء میں)
معلومات شخصیت
پیدائش	26 دسمبر 1914(1914-12-26) ہنگن گھاٹ، وردھا.برطانوی ہند (موجودہ: مہاراشٹر، بھارت)
وفات	9 فروری 2008(2008-20-90) (عمر  93 سال) آنندون، مہاراشٹر، بھارت
وجہ وفات	سرطان
طرز وفات	طبعی موت
قومیت	بھارتی
زوجہ	سادھنا آمٹے
اولاد	وکاس آمٹے پرکاش آمٹے
عملی زندگی
پیشہ	سماجی کارکن،  صحافی،  وکیل
اعزازات
مہاراشٹر بھوشن اعزاز (2004) گاندھی امن انعام  (1999) ٹیمپلٹن انعام (1990) شعبۂ انسانی حقوق کا اقوام متحدہ انعام (1988)  پدم وبھوشن  (1986) رامن میگ سیسے انعام  (1985) جمنا لعل بجاج اعزاز (1979)  پدما شری اعزار برائے سماجیات (1971)
دستخط
ویب سائٹ
ویب سائٹ	http://www.anandwan.in/baba-amte.html

بابا آمٹے ہندوستان کے مشہور سماجی کارکن تھے۔ انھوں نے اپنی زندگی کوڑھ یعنی جذام میں مبتلا مریضوں، غریب اور پسماندہ طبقہ کے بدحال لوگوں اور ترقیاتی منصوبوں کے سبب ہونی والی نقل مکانی سے متاثرہ افراد کی خدمت کے لیے وقف کر رکھی تھی ۔

ابتدائی زندگی

مرلی دھر دیوی داس آمٹے عرف بابا آمٹے کی پیدائش انیس سو چودہ میں مہاراشٹر کے ایک متمول گھرانے میں ہوئی تھی۔ ان کے والد ایک اعلی سرکاری افسر تھے اور ان کا خاندان ایک زمیندار خاندان تھا۔

تعلیم

ان کی ابتدائی تعلیم مسیحی مشنری اسکول ناگ پور میں ہوئی اور پھر قانون کی تعلیم انہوں نے ناگ پور یونیورسٹی سے کی۔ تعلیم مکمل کرنے کے بعد انہوں نے کافی عرصے تک وکالت کی۔

غیر معمولی تبدیلی

شادی کے بعد ان کی زندگی میں غیر معمولی تبدیلی آئی اور انہوں نے اپنی زندگی کو سماجی خدمات کے لیے وقف کر دیا اور سماج کے پسماندہ طبقے کی زندگی میں امید کی روشنی بکھیرنا اپنا نصب العین مقرر کیا۔

خدمتِ خلق

1949ء میں انہوں نے جذام کے مریضوں کے لیے ’مہا روگ سیوا سمیتی‘ بنائی اور ان کی مریضوں کی خدمت میں لگ گئے۔

اعزازات

اس کے بعد انہوں نے سماج کے مختلف طبقوں میں کئی شعبوں میں فلاحی کام کیے۔ ان کی خدمات کے اعتراف میں انیس سو اکہتر میں انہیں اعلی شہری اعزار ’پدم شری‘، انیس سو چھیاسی میں ’پدم وبھوشن‘ اور انیس سو ننانوے میں ’گاندھی شانتی ایوارڈ‘ سے نوازا گیا۔ 9 فروری 2008ء کو ان کا انتقال ہوا۔