بحیرہ عرب

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
بحیرہ عرب
Arabian Sea
Arabian Sea map.png
جغرافیائی متناسق 18°N 66°E / 18°N 66°E / 18; 66متناسقات: 18°N 66°E / 18°N 66°E / 18; 66
نکاسی طاس ممالک بھارت، ایران، مالدیپ، سلطنت عمان، پاکستان، صومالیہ، یمن
زیادہ سے زیادہ. چوڑائی 2,400 kمیٹر (1,500 mi)
رقبہ سطح 3,862,000 km2 (1,491,000 sq mi)
زیادہ سے زیادہ. گہرائی 4,652 میٹر (15,262 فٹ)
بحیرۂ عرب

بحیرہ عرب بحر ہند کا حصہ ہےجو مشرق میں بھارت، شمال میں پاکستان اور جنوبی ایران، مغرب میں جزیرہ نما عرب اور جنوب میں راس غردافی صومالیہ، سقوطرہ یمن اور کنیاکماری (کیپ کومورن) بھارت کےدرمیان گھرا ہوا ہے۔ بھارت کی تاریخ کےوید دور میں اسےسندھو ساگر کےنام سے پکارا گیا ہے۔


اہم شاخیں اور جزائر[ترمیم]

بحیرہ عرب میں دو اہم شاخیں ہیں ایک جنوب مغرب میں خلیج عدن جہاں باب المندب کے ذریعے بحیرہ احمر بحیرہ عرب سےملتا ہےاور دوسرا شمال مغرب میں خلیج عمان جو خلیج فارس کو اس سےملاتی ہے۔ ان کےعلاوہ بھارتی ساحلوں پر کھمبے اور کچھ کی خلیج بھی واقع ہے۔ بحیرہ عرب میں جزائر کی کمی ہےجن میں سب سےبڑا جزیرہ افریقہ اور عرب کےساحلوں کےساتھ سقوطرہ کا جزیرہ اور بھارتی ساحلوں کےساتھ جزائر لکادیپ شامل ہیں۔

اہم راستے[ترمیم]

کیرالہ، جنوبی بھارت سے بحیرہ عرب کا ایک منظر

زمانہ قدیم میں ہی بحیرہ عرب سمندری تجارتی راستےکی حیثیت رکھتا تھا، جس سے‎ ‎مشرقی افریقہ، ‏‎بھارت‎‏، جنوب مغربی ایشیا اور چین کےدرمیان سمندری تجارت ہوا کرتی تھی۔ بحیرہ عرب یورپ اور بھارت کےدرمیان اہم ترین سمندری راستہ ہے، جو بحیرہ احمر اور بحیرہ روم کو ملانے والی نہر سوئز سےگزرتا ہے۔

رقبہ[ترمیم]

بحیرہ عرب کی زیادہ سےزیادہ چوڑائی دو ہزار 400 کلومیٹر ہےاور زیادہ سےزیادہ گہرائی 4ہزار 652 میٹر ہے۔ دریائے سندھ بحیرہ عرب میں گرنےوالا سب سےبڑا دریا ہےاس کےعلاوہ نرمدہ، تپتی، ماہی اور بھارت کی ریاست کیرالہ کےمختلف دریا بھی اسی سمندر میں گرتےہیں۔ بحیرہ عرب سےمنسلک وسطی بھارت کا ساحل کونکن جبکہ جنوبی بھارت کا ساحل مالابار کہلاتا ہے۔

ساحلی ممالک اور شہر[ترمیم]

بحیرہ عرب میں ساحلی علاقےکےحامل ممالک میں بھارت، ایران، اومان، پاکستان، سری لنکا، یمن، صومالیہ اور مالدیپ شامل ہیں۔

بحیرہ عرب کے کنارے واقع بڑے شہروں میں ممبئی، سورٹھ، منگلور اور کوچی (بھارت)، کراچی اور گوادر (پاکستان) اور عدن (یمن) شامل ہیں۔

Persian sea

مشہور ساحل[ترمیم]

  • کراچی ساحل (پاکستان)
  • ساحل گوا (بھارت)
  • جوہو بیچ ممبئی (بھارت)
  • کوالم بیچ کیرالہ (بھارت)
  • گوادر پورٹ (پاکستان)

تصاویر[ترمیم]

مزید دیکھیے[ترمیم]

بیرونی روابط[ترمیم]