ابو الحسین النوری

آزاد دائرۃ المعارف، ویکیپیڈیا سے
Jump to navigation Jump to search
ابو الحسین احمد بن محمد البغوی النوری
معلومات شخصیت
پیدائش سنہ 840  خاصیت کی حیثیت میں تبدیلی کریں تاریخ پیدائش (P569) ویکی ڈیٹا پر
بغداد
وفات سنہ 907 (66–67 سال)  خاصیت کی حیثیت میں تبدیلی کریں تاریخ وفات (P570) ویکی ڈیٹا پر
بغداد  خاصیت کی حیثیت میں تبدیلی کریں مقام وفات (P20) ویکی ڈیٹا پر
رہائش بغداد میں
شہریت Black flag.svg دولت عباسیہ  خاصیت کی حیثیت میں تبدیلی کریں شہریت (P27) ویکی ڈیٹا پر
مذہب اہل سنت و الجماعت
عملی زندگی
دور ؟؟ - 295ھ
مادر علمی سری سقطی  خاصیت کی حیثیت میں تبدیلی کریں تعلیم از (P69) ویکی ڈیٹا پر
پیشہ ورانہ زبان عربی  خاصیت کی حیثیت میں تبدیلی کریں زبانیں (P1412) ویکی ڈیٹا پر
مؤثر سری سقطی
احمد بن ابی حواری
متاثر ابن الفرغانی
ابو بکر بن ابی سعدان

ابو الحسین النوری یا ابو الحسن النوری کا شمار معروف اور بزرگ صوفیا کرام میں ہوتا ہے۔ آپ کا آبائی وطن افغانستان ہے، جہاں سے بعد میں آپ کے والد گرامی ہجرت فرما کر بغداد تشریف لائے اور آپ کی ولادت باسعادت ہوئی۔ آپ سلسلہ نوریہ کے بانی بھی ہیں۔ مشائخ و صوفیہ آپ کو امیر القلوب کے لقب سے یاد کیا کرتے تھے۔

وجہ تسمیہ[ترمیم]

آپ کو نوری اس لیے کہا جاتا ہے کہ آپ جب بھی رات کی تاریکی میں گفتگو فرماتے تو منہ سے نور (روشنی) کی کرنیں ظاہر ہوتیں، جن سے اس پاس کا سارا ماحول روشن ہو جاتا تھا۔ آپ نور کرامت سے لوگوں کے دلوں کے حالات معلوم کرلیتے، لوگ آپ کی زیارت کو جاتے تو آپ کی جائے مقام سے نور کی شعاعیں دیکھتے جو آسمان کو چھوتیں۔ اندھیری رات میں آسانی کےساتھ اس مقام پر پہنچ جاتے تھے۔

نام و نسب[ترمیم]

آپ کا نام احمد اور آپ کی کنیت ابوالحسین ہے اور آپ کا لقب نوری ہے۔ مکمل نام اس طرح ہے شیخ احمد بن محمد بن الفتوری

ولادت[ترمیم]

آپ کی ولادت 225ھ بمطابق 840ء کو بغداد، عراق میں ہوئی۔

تحصیل علم[ترمیم]

آپ کی ولادت بغداد میں ہوئی۔بغداد اس وقت علم وفن کا اور اسلامی علوم کا گہوارہ تھا۔ جید علما و محدثین و مفسرین اور صوفیا موجود تھے۔ اسی علم و فن کے مرکز میں آنکھ کھولی۔ مختلف شیوخ سے علمی و روحانی استفادہ کیا۔ آپ کا شمار وقت کے جید علما صوفیا میں ہوتا تھا۔

بیعت و خلافت[ترمیم]

آپ شیخ سری سقطی کے مرید وخلیفہ تھے۔ اسی طرح جنید بغدادی کے رفیق خاص تھے۔ شیخ احمد بن ابو حواری سے بھی ملاقات ہوئی۔ ان کے علاوہ بہت سے مشائخ سے ملے۔

سیرت و خصائص[ترمیم]

آپ کا شمار کبار اولیاء کرام اور صوفیا عظام میں ہوتا ہے۔ مشائخ و صوفیہ آپ کو "امیر القلوب" کے لقب سے یاد کیا کرتے تھے۔ بعض صوفیا آپ کو "قمر الصوفیاء" اور "طاؤس العباد" کے نام سے پکارتے تھے ۔ آپ نے سری سقطی سے خرقہ خلافت پایا تھا اور شیخ احمد حواری کی مجالس سے بھی استفادہ کیا، آپ جنید بغدادی کے معاصر تھے خود مجتہد صاحب مذہب امام طریقت اور سلسلہ نوریہ کے بانی تھے۔

اولیاء کی کتب میں ذکر[ترمیم]

فرید الدین عطار نے تذکرہ اولیاء میں، سید علی ہجویری داتا گنج بخش نے کشف المحجوب میں، رسالہ قشیریہ میں ابو القاسم عبد الکریم بن ہوازن قشیری نے اور عبد الوہاب الشعرانی نے طبقات شعرانی میں آپ کو ہدیۂ تحسین پیش کیا ہے۔

وصال[ترمیم]

آپ کا وصال 24 شوال 295ھ بمطابق 908ء کو بغداد میں ہوا۔ آپ کے وصال پر جنید بغدادی نے فرمایا: "نوری کے انتقال سے آدھا علم جاتا رہا"۔

حوالہ جات[ترمیم]

  • صوفی انسائیکلوپیڈیا
  • فیضان صوفیا
  • نفحات الانس:94
  • طبقات الصوفیاء، رسالہ قشیریہ، اے۔ ایچ حبیبی، قاہرہ 1913ء