تحصیل ڈسکہ

تحصیل ڈسکہ ضلع سیالکوٹ، پنجاب، پاکستان کی چار تحصیلوں میں سے ایک تحصیل ہے۔ اس تحصیل کا صدر مقام ڈسکہ ہے۔

تعارف

تحصیل ڈسکہ کے بارے میں کہتے ہیں کہ یہ تحصیل اس کے تمام بڑے شہروں ﴿پسرور، سیالکوٹ، وزیرآباد اور گوجرانوالا﴾ سے دس کوہ کے فاصلے پر تھی اس لیے اس کو دس کوہ کے نام سے جانا جاتا تھا۔ دس کوہ بگڑتے بگڑتے ڈسکہ بن گیا۔ تحصیل ڈسکہ کی آبادی تقریباً 2 لاکھ ہے۔

مندرانوالہ

تحصیل کا سب سے بڑا گاؤں مندرانوالہ ہے جس کی آبادی تقریباً پچاس ہزار سے زائد ہے، مندرانوالہ ڈسکہ شہر کے ساتھ جڑا ہو اہے۔ اس کا نام ایک سکھ کے نام پر رکھا گیا جس کا نام مندر سنگھ تھا، آج تک اس گاؤں کا نام مندرانوالہ ہی رہ گیا۔ اس کے علاوہ یہ بھی مشہور ہے کہ اس گاؤں کا نام یہاں کے کسی بڑے بوڑھے کے نام پر رکھا گیا تھا وہ اس لیےٴ کہ وہ بہت زیادہ مُندریاں ﴿انگوٹھیاں﴾ پہنتا تھا اور پھر مشہور ہو گیا کہ یہ مندریاں والے کا گاؤں ہے؛ کچھ لوگ یہ خیال کرتے ہیں کہ یہ گاؤں مندروں کے نام پہ مشہور ہے لیکن یہ بات درست نہیں ہے کیونکہ اگر ایسا ہوتا تو یہاں کہیں کوئی مندر بھی ہوتا اس لیےٴ یہاں کسی مندر کا نہ ہونا اس بات کی دلیل ہے کہ اس گاؤں کا نام مندروں کے نام پر نہیں ہے۔

اس گاوں کے لوگ پیار اور محبت کے ساتھ رھتے ہیں۔

اس گاؤں کی آبادی تقریباً پچاس ہزار سے بھی زیادہ ہے اس گاؤں میں زیادہ تر جاٹ ساہی و چیمہ ،سیّد، منہاس اور آرائیں خاندان بسے ہوئے ہیں۔ مندرانوالہ میں بسنے والے لوگ اہل تشیع، اہل سنت اور اہل حدیث ہیں اور کچھ مسیحی برادری بھی ہے۔

==صوفیاء==

ڈسکہ میں کئی سلاسل کے مشائخ و صوفیا کے خلفاء موجود ہیں ۔ مگر یہاں کی مشہور روحانی شخصیت پیر صوفی غلام سرور صدیقی نقشبندی مدظلہ العالی ہیں جو خواجہ پیر علاوالدین صدیقی رحمتہ اللہ علیہ (آستانہ عالیہ نیریاں شریف) کے منظور نظر اور خلیفہ مجاز ہیں۔ آپ ڈسکہ میں بسطامی مارکیٹ کے اونر بھی ہیں۔

ضلع سیالکوٹ کی دیگر تحصیلیں

• تحصیل سیالکوٹ
• تحصیل سمبڑیال
• تحصیل پسرور

مزید دیکھیے

• سیالکوٹ
• ضلع سیالکوٹ

بیرونی روابط

• ضلع سیالکوٹ کے بارے میں