نو افلاطونیت

نَو افلاطونیت (neo-platonism / neoplatonism)، فلسفے میں پیدا ہونے والی ایک تحریکِ نو (نئی) ہے جس میں فلسفیانہ اور مذہبی افکار (بطور خاص باطنیت (mysticism) وغیرہ) آپس میں مخلوط و ریختہ پائے جاتے ہیں؛ بالفاظ دیگر نوافلاطونیت کو ایک ایسا مخلوط العناصر، شعبۂ فلسفہ کہا جا سکتا ہے جس میں فلسفے اور مذہب و روحانیت کے عناصر کو مرکب کیا گیا ہو اور افلاطونیت کی تجدید کی کوشش کی گئی ہو یا اس کو نئے انداز سے سمجھنے کی سعی کی گئی ہو۔ کہا جاتا ہے کہ اس فلسفے اور مذہبی رجحانات کی مخلوط بازی کی ابتدا افلوطین (plotinus) نے کوئی تیسری صدی عیسوی میں رکھی تھی۔ یہاں حرف، نو اور neo سے مراد نئے کی ہے۔