عبد العلیم صدیقی

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
عبد العلیم صدیقی
معلومات شخصیت
تاریخ پیدائش سنہ 1892[1][2]  خاصیت کی حیثیت میں تبدیلی کریں تاریخ پیدائش (P569) ویکی ڈیٹا پر
تاریخ وفات سنہ 1954 (61–62 سال)[1][2]  خاصیت کی حیثیت میں تبدیلی کریں تاریخ وفات (P570) ویکی ڈیٹا پر

عبدالعلیم صدیقی مولانا شاہ احمد نورانی کے والد اور ایک بلند پایہ عالم دین تھے۔

پیدائش[ترمیم]

محمد عبد العلیم صدیقی قادری 15 رمضان المبارک 1310ھ بمطابق 3 اپریل 1893ء کو شہرِ میرٹھ یوپی بھارت میں قاضی مفتی شاہ عبد الحکیم صدیقی قادری علیہ الرحمہ کے ہاں پیدا ہوئے۔

خاندان[ترمیم]

معروف ادیب و شاعر حضرت مولانا اسماعیل میرٹھی ان کے چچا تھے۔ شاہ عبد العلیم صدیقی نجیب الطرفین صدیقی تھے۔ چنانچہ آپ کا سلسلۂنسب 36 ویں پشت میں حضرت محمد بن ابو بکر صدیق رضی اللہ تعالیٰ عنہما تک اور سلسلۂحسب 32 ویں پشت میں حضرت ابو بکر صدیق رضی اللہ تعالیٰ عنہ تک پہنچتا ہے۔ آپ کے مورث اعلیٰ حضرت مولانا قاضی حمید الدین صدیقی خجندی 1525ء میں ظہیر الدین محمد بابر بادشاہ کے ہمراہ ہندوستان تشریف لائے تھے۔اس طرح آپ کے آبا و اجداد میں سے کئی حضرات قاضی القضات کے منصب پر فائز رہے۔

تعلیم و تربیت[ترمیم]

آپ نے اردو، عربی اور فارسی کی ابتدائی تعلیم گھر پر ہی اپنے والد بزرگوار سے حاصل کی چار سال دس ماہ کی عمر میں قرآن مجید ناظرہ ختم کیا اور صرف سات سال کی عمر میں قرآن پاک مکمل حفظ کر لیا۔ بعد ازاں، مدرسۂ عربیہ اسلامیہ، میرٹھ، میں داخل ہوئے۔ تین جمادی الاخریٰ 1322ھ (اگست 1904ء) کو والد ماجد کا سایہ سر سے اٹھا، تو بقیہ تعلیم و تربیت آپ کے بھائی علامہ احمد مختار صدیقی نے کی۔ پھر انہوں نے مدرسہ قومیہ عربیہ، میرٹھ، میں داخلہ لیا اور 1326ھ میں امتیازی حیثیت سے درسِ نظامی کی سند حاصل کی۔ دینیات کے موضوع پر نیشنل عربک انسٹی ٹیوٹ سے ڈپلوما کیا۔ بعدازاں بی۔اے کیا اور پھر وکالت کا امتحان پاس کر کے الٰہ آباد یونیورسٹی سے ایل۔ایل۔ بی کی سند حاصل کی۔ میرٹھ کے مشہور حکیم احتشام الدین صاحب سے فن حکمت (علمِ طب) سیکھا

بیرونی حوالہ جات[ترمیم]

علامہ شاہ محمد عبد العلیم صدیقی ۔۔۔ والد ماجد امام شاہ احمد نورانی از قلم ندیم احمد ندیم قادری نورانی

بریلوی تحریک

  1. ^ 1.0 1.1 ذکر شدہ : National Library of Australia — آسٹریلیا شخصی آئی ڈی: http://trove.nla.gov.au/people/1306922 — اخذ شدہ بتاریخ: 9 اکتوبر 2017 — https://doi.org/10.13039/501100001074
  2. ^ 2.0 2.1 ذکر شدہ : اوپن لائبریری — او ایل آئی ڈی: https://openlibrary.org/works/OL677908A — اخذ شدہ بتاریخ: 9 اکتوبر 2017 — مصنف: Aaron Swartz — اجازت نامہ: AGPL-3.0