محمد سردار احمد قادری

آزاد دائرۃ المعارف، ویکیپیڈیا سے
یہاں جائیں: رہنمائی، تلاش کریں
محدث اعظم پاکستان مولانا محمد سردار احمد قادری
Sunni Rizwi Masjid.jpg
جامع مسجد سنی رضوی مع مزار محدث اعظم پاکستان مولانا محمد سردار احمد قادری

معلومات شخصیت
مذہب اسلام
عملی زندگی
مادر علمی جامعہ حزب الاحناف لاہور

محدث اعظم پاکستان مولانا محمد سردار احمد قادری ایک عالم دین تھے جنہوں نے اسلام کی بہت خدمت کی اور تحریک پاکستان میں بھی حصہ لیا ان کے بیٹے حاجی فضل کریم بھی سیاست میں رہے اب ان کے پوتے حامد رضا موجودہ جانشین ہیں

اسم گرامی[ترمیم]

والدین نے آپ کا نام (باقی بھائیوں کے ناموں کی مناسبت سے) سردار محمد رکھا۔ لیکن جب آپ علم دین کے حصول کیلئے بریلی تشریف لے گئے تو وہاں کے اکابر اساتذہ ، احباب اور ہم درس طلبہ آپ کو سردار احمد کے نام سے یاد کرتے تھے ۔ اس صورت حال میں آپ نے والدین کا تجویز کردہ نام بھی ترک نہ فرمایا اور اساتذہ کرام کا عطا کردہ نام بھی استعمال میں رکھا ۔ یوں آپ اپنا نام محمد سردار احمد تحریر فرمایا کرتے تھے۔

کنیت[ترمیم]

صاحبزادہ محمد فضل رسول صاحب کی ولادت پر ابو الفضل ہوئی اور بمقتضائے " الاَسْمَاءُ تَتَنَزَّلُ مِنَ السَّمَائِ" اس عظیم المرتبت صاحب علم و فضل کے لئے یہی کنیت موزوں بھی تھی۔

نائبِ دینِ نبی سردار احمد تیرا نام یعنی تو فضل خدا سے قوم کا سردار ہے

بچپن[ترمیم]

محدث اعظم پاکستان مولانا ابو الفضل محمد سردار احمد 1323ھ /١1905ء کو موضع دیال گڑھ ضلع گورداسپور (مشرقی پنجاب ، انڈیا) میں پیدا ہوئے۔ دیال گڑھ ضلع گورداسپور کا مشہور قصبہ ہے جو بٹالہ سے چار میل کے فاصلے پر ہے۔

تعلیم[ترمیم]

ابتدائی تعلیم گورداسپور سے اور اعلیٰ تعلیم لاہورگورنمنٹ کالج لاہور سے حاصل کی۔ پھر جامعہ رضویہ منظر اسلام بریلی سے مفتیِ اعظم ہند الشاہ مصطفی رضا خان اور سید نعیم الدین مراد آبادی کی زیر نگرانی دینی وعلوم میں مہارت حاصل کی۔

تنظیم[ترمیم]

انہوں نے تحریک پاکستان کے لیے بھی کام کیا۔ اور آل انڈیا سنی کانفرنس میں بھی شامل ہوئے۔

تدریس[ترمیم]

پاکستان بن جانے کے بعد فیصل آباد آ کر یہاں ایک دینی جامعہ رضویہ مظہر الاسلام اور سنی رضوی جامع مسجد کی بنیاد رکھی۔ جو ہزاروں تشنگان علم کی پیاس بجھانے کا سبب ثابت ہوئی۔ مفتی محمد عبدالحکیم شرف قادری آپ کے شاگردوں میں سے ایک ہیں۔

وفات[ترمیم]

یکم شعبان المعظم29 دسمبر 1962ء 1382ھکو وفات پائی۔

مزار[ترمیم]

مولانا سردار احمد قادری کا مزار فیصل آباد میں مرجع خاص و عام ہے۔

اولاد امجاد[ترمیم]

ان کو چھ لڑکے محمد فضل رسول، محمد فضل رحیم، محمد فضل احمد رضااور محمد فضل کریم تھے۔ محمد فضل رحیم کا بچپن ہی میں انتقال ہوگیا تھا۔ جبکہ تینوں صاحبزادگان اور چھ صاحبزادیاں محمد سردار احمد قادری کے وصال کے وقت بقید حیات تھیں۔[1]

بیرونی روابط[ترمیم]

http://www.panoramio.com/photo/6048307