درگئی ریلوے اسٹیشن
درگئی ریلوے اسٹیشن Durgai railway station | |
|---|---|
| مالک | وزارت ريلوے |
| لائن(لائنیں) | نوشہرہ-درگئی ریلوے |
| دیگر معلومات | |
| اسٹیشن کوڈ | DRY |
| تاریخ | |
| سابقہ نام | گریٹ انڈین جزیرہ نما ریلوے |
درگئی ریلوے اسٹیشن پاکستان میں واقع ہے۔ درگئی ریلوے اسٹیشن کو برطانوی حکومت نے اج سے 132 سال پہلے 1886 میں تعمیر کرکے پاکستان کے قیام کے بعد 1992 تک یہ ریلوے اسٹشین مکمل طور پر فعال رہا،اور یہاں روزانہ مال گاڑی پہنچنے کے علاوہ پسینجر سروس بھی باقعدگی سے پہنچتا رہا ۔ریلوے اسٹیشن درگئی میں موجود ریکارڈ کے مطابق اس ریلوے اسٹیشن تک اخری گاڑی اٹھ سال قبل یعنی 14 اپریل 2010 میں پہنچی تھی جس کے بعد اس اسٹیشن کو درست حالت میں نامعلوم وجوہات کی بناء پر بند کرکے عوام کو اس سہولت سے محروم کردیا گیا۔ ریلوے اسٹیشن میں موجود ریکارڈ کے مطابق اپریل 2010 میں جو اخری بوگی یہاں وزیر مینشن کراچی سے پہنچی تھی اس بوگی میں پڑے ہوئے سامان (مال) کاٹوٹل کرایہ اس وقت 35000 روپے وصول کیا گیا تھا جو اس وقت اگر ریل گاڑی یا مال گاڑی کی بجائے ٹرکوں میں یہاں پہنچایا جاتا تو اس کا کرایہ عام گاڑیوں کی حساب سے ڈھائی لاکھ روپے بنتی۔ مگر ریل گاڑی کی امدر فت بند کرنے پر نہ اسمان ٹوٹا اور نہ زمین دھنس گئی۔ درگئی ریلوے اسٹیشن تک ٹرین امدن بند ہونے سے صرف ملاکنڈ ڈویژن کے سات اضلاع کو نہیں بلکہ ضلع مردان کے کئی چھوٹی بڑی دیہات اور قصبات کو بھی اس سہولت سے محروم کردیا گیا۔کیونکہ نوشہرہ سے درگئی تک راستے میں گیارہ چھوٹے بڑے اسٹیشن یا جنکشن اب بھی موجود ہے، ریلوے ذرائع کے مطابق نوشہرہ سے درگئی تک اٹھ ریلوے اسٹیشن رشکئی، مردان، رسالپور، گوجر گڑھی، ہاتھیان، کلپانئی، اور درگئی سٹینشوں کا عملہ اب بھی موجو دہے اور وہ محکمہ ریلوے سے تنخواہیں بھی وصو ل کرتی ہے،ذرائع کے مطابق دیگر اسٹیشنوں سمیت درگئی ریلوے اسٹیشن کی اثاثوں پر قبضہ مافیا نے قبضہ جمانا شروع کردیا ہے، درگی اسٹیشن کے ریلوے کے 29 رہائشی کوارٹر ز میں چند ایک کے علاوہ باقی پر اؤٹ سائیڈر قابض ہے، نوشہرہ اوردرگئی کے مقام کے علاوہ باقی اسٹیشنوں اور جنکشنوں پر قبضہ مافیا کا راج ہے جبکہ درگئی میں انگریز وں کا نصب شدہ اس دور کے سب سے بہترین ٹربائن (جس پر انجن کو گھما کر واپس کیا جاتا ہے) اب بھی درست حالت میں ہے، جبکہ اسٹیشن میں موجود انتظار گاہ، فٹ پاتھ، ٹکٹ گھر، ریکارڈ روم کو معمولی مرمت کے بعد دوبارہ فعال کیا جاسکتا ہے۔
ریلوے ذرائع کے مطابق عام گاڑی اور ٹرین کی کرایہ میں چار گنا پانچ گنا اضافہ ہوتا ہے۔ نوشہرہ سے درگئی تک ریلوے ٹریک یا ریل پاٹلی ابھی تک درست اور صحیح حالت میں ہے۔
نوشہرہ-درگئی ریلوے لائن پر اسٹیشنز[ترمیم]
- نوشہرہ جنکشن ریلوے اسٹیشن
- رسالپور کینٹ ریلوے اسٹیشن
- رشکے ریلوے اسٹیشن
- مردان جنکشن ریلوے اسٹیشن > چارسدہ تک
- گوجر گڑھی ریلوے اسٹیشن
- کلپانی ریلوے اسٹیشن
- تخت بھائی ریلوے اسٹیشن
- ہاتھیاں ریلوے اسٹیشن
- سخاکوٹ ریلوے اسٹیشن
- درگئی ریلوے اسٹیشن
مزید دیکھیے[ترمیم]
بیرونی روابط[ترمیم]
| پاکستان ریلویز | ||
|---|---|---|
| پچھلا اسٹیشن |
درگئی ریلوے اسٹیشن | اگلا اسٹیشن ' |
