برنباس

آزاد دائرۃ المعارف، ویکیپیڈیا سے
(برناباس سے رجوع مکرر)
یہاں جائیں: رہنمائی، تلاش کریں
برناباس
Barnabas.jpg
مقدس برنباس کی شبیہ
نبی، شاگرد، کپرس اور اطاکیہ کی طرف پیغمبر، مشنری، اور شہید
پیدائش
کپرس
وفات 61ء
سلامیس
احترام در رومن کیتھولک، مشرقی راسخ الاعتقاد کلیسیا، اورینٹل راسخ الاعتقاد کلیسیا، انگلیکان کمیونین، لوتھریت
قداست قبل اجتماع
اہم روضہ خانقاہ مقدس برناباس فاماگوستا، قبرص[1]
تہوار 11 جون
منسوب خصوصیات متی کی انجیل
سرپرستی قبرص، انطاکیہ

برناباس یا برنباس یسوع المسیح کے ایک رسول، جنہوں نے پولس سے اختلافات کے بعد گمنامی میں زندگی گزاری۔ اِنہوں نے بھی ایک انجیل لکھی جو انجیل برنباس کے نام سے مشہور ہے۔ یہ کپرس (قبرص) میں پیدا ہوئے اور ایک لاوی تھے۔ اِنہوں نے ابتدائی دور میں ہی مسیحیت قبول کر لی تھی۔ انہوں نے یروشلم کے غریب ارکان کی مدد کے لیے اپنا کھیت بیچا۔[2] عہد نامہ جدید میں انہیں ایک نیک مرد اور روح القدس اور ایمان سے معمور بیا کیا گیا ہے۔ انہی صفات نے ان کو قیادت کا اہل بنا دیا ہے۔ جب یروشلم میں کلیسیا پولس رسول کو اپنی رفاقت میں شامل کرنے سے ہچکچائی تو برناباس نے پولس کی حمایت کی اور کلیسیا کے خدشات کو دور کیا۔[3]

برنباس کا اصلی نام یوسف تھا۔ یسوع کے رسولوں نے اس کا لقب برنباس رکھا۔ برنباس کا معنی نصیحت کا فرزند ہے۔(اعمال باب 4 آیت 36)۔ مقدس برنباس کے اخلاص و کرامات دیکھ کر اس زمانے کے لوگوں برنباس کو ایک اور معزز خطاب بخشا' جس کا ذکر اعمال باب 14 آیت 12 میں ہے لوگ برنباس کو دیوتا سمجھتے تھے اور اس کے نام کی قربانیاں کرنے کو تیار ہوجاتے تھے' اس زمانے میں سب سے بڑا دیوتا زیوس نامی تھا۔ ان لوگوں نے برنباس کو زیوس کا معزز خطاب بھی دیا' جیسا کہ اعمال کے باب 14 میں مذکور ہے۔ برنباس کی معرفت بہت بڑے نشان اور عجیب کام ظاہر ہوئے۔(اعمال باب 15 آیت 25)۔[4]

مزید دیکھیے[ترمیم]

حوالہ جات[ترمیم]

  1. خانقاہ سینٹ برناباس
  2. کتاب اعمال، باب 4، ورس 36-37، پاکستان بائبل سوسائٹی، لاہور
  3. کتاب اعمال باب 9، ورس 27، پاکستان بائبل سوسائٹی، لاہور
  4. مقدمہ انجیل برنباس از محمد امین صفدر صاحب اوکاڑوی صفحہ 52