نیشنل اسٹیڈیم، کراچی

نیشنل اسٹیڈیم

میدان کی معلومات
مقام	کراچی، سندھ، پاکستان
جغرافیائی متناسق نظام	24°53′46″N 67°4′53″E
تاسیس	21 اپریل 1955ء
گنجائش	34,228
ملکیت	پاکستان کرکٹ بورڈ
مشتغل	سندھ کرکٹ ایسوسی ایشن
متصرف	پاکستان کرکٹ ٹیم سندھ کرکٹ ٹیم کراچی کنگز
اینڈ نیم
پویلین اینڈ یونیورسٹی ایند
بین الاقوامی معلومات
پہلا ٹیسٹ	26 فروری – 1 مارچ 1956: پاکستان بمقابلہ بھارت
آخری ٹیسٹ	26–30 جنوری 2021: پاکستان بمقابلہ جنوبی افریقا
پہلا ایک روزہ	21 نومبر 1980: پاکستان بمقابلہ سری لنکا
آخری ایک روزہ	2 اکتوبر 2019: پاکستان بمقابلہ سری لنکا
پہلا ٹی20	20 اپریل 2008: پاکستان بمقابلہ بنگلادیش
آخری ٹی20	3 اپریل 2018: پاکستان بمقابلہ ویسٹ انڈیز
واحدخواتین ٹیسٹ	15–19 مارچ 2004: پاکستان بمقابلہ ویسٹ انڈیز
پہلا خواتین ایک روزہ	9 اپریل 2001: پاکستان بمقابلہ نیدرلینڈز
آخری خواتین ایک روزہ	26 اکتوبر 2008: پاکستان بمقابلہ ویسٹ انڈیز
پہلا خواتین ٹی20	28 اکتوبر 2008: پاکستان بمقابلہ ویسٹ انڈیز
آخری خواتین ٹی20	31 اکتوبر 2008: پاکستان بمقابلہ ویسٹ انڈیز
بمطابق 26 جنوری 2021 ماخذ: http://content-usa.cricinfo.com/pakistan/content/ground/58956.html Cricinfo

نیشنل اسٹیڈیم پاکستان کے شہر کراچی کا سب سے بڑا کھیل کا میدان ہے۔ یہاں کرکٹ کے مقابلے منعقد ہوتے ہیں۔

اسٹیڈیم میں 40 ہزار تماشائیوں کے بیٹھنے کی گنجائش ہے جس کی بدولت یہ لاہور کے قذافی اسٹیڈیم کے بعد ملک کا دوسرا سب سے بڑا کھیل کا میدان ہے۔

کراچی کی کثیر آبادی کے باعث اسٹیڈیم میں توسیع کے منصوبہ جات زیر غور ہیں جس میں تماشائیوں کی گنجائش میں مزید اضافہ کیا جائے گا۔

نیشنل اسٹیڈیم کراچی کا پانچواں اور پاکستان کا گیارہواں فرسٹ کلاس میدان ہے۔

یہاں برقی قمقمے اور عظیم الجثہ ٹیلی اسکرین بھی نصب ہے جس کی بدولت یہ دنیا کے جدید ترین میدانوں میں شمار ہوتا ہے۔

اس میدان پر کرکٹ عالمی کپ 1996ء کا ایک کوارٹر فائنل مقابلہ بھی منعقد ہوا۔

اولین مقابلے

نیشنل اسٹیڈیم میں پہلا ٹیسٹ 26 فروری 1955ء کو پاکستان اور بھارت کے درمیان کھیلا گیا جبکہ پہلا ایک روزہ بین الاقوامی مقابلہ 21 نومبر 1980ء میں پاکستان اور ویسٹ انڈیز کے درمیان ہوا۔

پاکستان کا شاندار ٹیسٹ ریکارڈ

نیشنل اسٹیڈیم پاکستان کرکٹ ٹیم کا مضبوط قلعہ سمجھا جاتا ہے جہاں پاکستان 1955ء میں اولین میچ سے 2000ء تک کھیلے گئے 34 میں سے 17 مقابلوں میں فتحیاب ہوا اور کبھی شکست نہیں کھائی۔ اس میدان پر پاکستان کو واحد شکست دسمبر 2000ء میں انگلستان کے ہاتھوں ہوئی۔

اب تک یہاں کھیلے گئے 39 ٹیسٹ میچوں میں سے 21 میں پاکستان کامیاب ہوا اور اس کی واحد شکست انگلستان کے خلاف مذکورہ بالا شکست تھی۔

ریکارڈز

ٹیسٹ

• کسی بھی ٹیم کا زیادہ سے زیادہ اسکور: 599، پاکستان، بھارت کے خلاف 2006ء
• کسی بھی ٹیم کا کم سے کم اسکور: 80، آسٹریلیا، پاکستان کے خلاف، 1956ء
• سب سے طویل انفرادی اننگ: 211 رنز، جاوید میانداد، آسٹریلیا کے خلاف، 1988ء

ایک روزہ بین الاقوامی

• کسی بھی ٹیم کا زیادہ سے زیادہ اسکور:360، ویسٹ انڈیز، سری لنکا کے خلاف، 13 اکتوبر 1987ء
• کسی بھی ٹیم کا کم سے کم اسکور: 122، نیوزی لینڈ، پاکستان کے خلاف، 21 اپریل 2002ء
• سب سے طویل انفرادی اننگ: 181، ویوین رچرڈز، سری لنکا کے خلاف، 13 اکتوبر 1987ء

متعلقہ مضامین

قذافی اسٹیڈیم

کراچی

کرکٹ

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔

بیرونی روابط

1. نیشنل اسٹیڈیم کراچی، کرک انفو پر