قذافی اسٹیڈیم

قذافی اسٹیڈیم

میدان کی معلومات
مقام	لاہور، پنجاب، پاکستان
جغرافیائی متناسق نظام	31°30′48″N 74°20′0″E
تاسیس	1959ء
گنجائش	27٫000
ملکیت	پاکستان کرکٹ بورڈ
مشتغل	لاہور سٹی کرکٹ ایسوسی ایشن
متصرف	لاہور کرکٹ ٹیم، لاہور لائنز، لاہور ایگلز پی آئی اے، پاکستان
اینڈ نیم
پویلین اینڈ کالج اینڈ
بین الاقوامی معلومات
پہلا ٹیسٹ	21–26 نومبر 1959ء: پاکستان بمقابلہ آسٹریلیا
آخری ٹیسٹ	1–2 مارچ 2009ء: پاکستان بمقابلہ سری لنکا
پہلا ایک روزہ	13 جنوری 1978ء: پاکستان بمقابلہ انگلستان
آخری ایک روزہ	31 مئی 2015ء: پاکستان بمقابلہ زمبابوے
پہلا ٹی20	22 مئی 2015ء: پاکستان بمقابلہ زمبابوے
آخری ٹی20	29 اکتوبر 2017ء: پاکستان بمقابلہ سری لنکا
بمطابق 29 اکتوبر 2017ء ماخذ: کرک انفو

قذافی اسٹیڈیم (Gaddafi Stadium) لاہور، پاکستان میں واقع سب سے بڑا کھیل کا میدان ہے۔ یہاں کرکٹ کے مقابلے منعقد ہوتے ہیں۔ قذافی اسٹیڈیم میں پاکستانی کرکٹ ٹیم اور لاہور کی مقامی کرکٹ ٹیمیں کھیلتی ہیں۔

یہ اسٹیڈیم 1959ء میں تعمیر ہوا اور اس کا ڈیزائن نصر الدین مراد خان نے مکمل کیا۔ اس میدان پر پہلا کرکٹ ٹیسٹ میچ پاکستان اور آسٹریلیا کی ٹیموں کے مابین سنہ انیس سو انسٹھ میں اکیس سے چھبیس نومبر کے دوران میں کھیلا گیا۔ اور اس میں 60 ہزار تماشائیوں کے بیٹھنے کی گنجائش ہے جس کی بدولت یہ ملک کا سب سے بڑا کھیل کا میدان ہے۔ اس کا نام لیبیا کے صدر معمر القذافی کے نام پر رکھا گبا۔

میدان کے بارے میں حقائق

• قذافی اسٹیڈیم کا اصل نام لاہور اسٹیڈیم رکھا گیا تھا۔ جس کا ڈیزائن آرکیٹیکٹ مراد خان نے تیار کیا تھا۔ جس کو 1974ء میں تبدیل کیا گیا جب لیبیا کے صدر معمر القذافی نے اسلامی کانفرنس میں پاکستان کے نیوکلیائی ہتھیاروں کے حق میں خطاب کیا تھا۔
• پاکستان کرکٹ بورڈ کاآفس بھی قذافی اسٹیڈیم میں واقع ہے۔

اسٹیڈیم کو 1995–1996 میں کرکٹ عالمی کپ کے لیے دوبارہ مرمت کیا گیا تھا۔ 1996ء کے عالمی کرکٹ کپ کا فائنل یہاں پر کھیلا گیا تھا۔ نیر علی دادا نے اس کا نقشہ بنایا تھا۔

ریکارڈز

اسی میدان پر سنہ انیس سو چھیانوے کے کرکٹ عالمی کپ کا فائنل سری لنکا اور آسٹریلیا کے درمیان میں کھیلا گیا تھا جو سری لنکا نے اروندا ڈی سلوا کی سنچری کی بدولت جیتا تھا اور سری لنکا کے کپتان ارجنا رانا تنگے نے اسوقت کی وزیر اعظم بے نظیر بھٹو سے ٹرافی وصول کی تھی۔

پاکستانی کرکٹ ٹیم کے محمد یوسف قذافی سٹیڈیم میں سب سے زیادہ ٹیسٹ اور ون ڈے رنز بنانے والے بیٹسمین ہیں جبکہ ٹیسٹ میچوں میں عمران خان اور ون ڈے میں وسیم اکرم سب سے زیادہ وکٹیں حاصل کرنے والے بولر ہیں۔ پاکستان کی جانب سے پہلی ٹیسٹ ہیٹ ٹرک وسیم اکرم نے اسی میدان میں مکمل کی تھی۔ جاوید میانداد نے اپنے شاندار ٹیسٹ کیریئر کا آغاز اسی میدان پر سنچری بنا کر کیا تھا۔ انضمام الحق نے نیوزی لینڈ کے خلاف ٹرپل سنچری اسکور کی اور عمران خان نے سری لنکا کے خلاف میچ میں چودہ وکٹیں حاصل کیں جو ٹیسٹ کرکٹ میں کسی بھی پاکستانی بولر کی میچ میں سب سے بہترین کارکردگی ہے۔

اس سال جب سری لنکا کی ٹیم لاہور میں دہشت گردی کا نشانہ بنی تو اس وقت قذافی سٹیڈیم میں ٹیسٹ میچ جاری تھا جسے ختم کرکے سری لنکن کرکٹرز کو فوجی ہیلی کاپٹر میں سوار کراکر وطن کے لیے روانہ کر دیا گیا

کھلاڑی کا نام	ملک	بقابلہ	تاریخ
پیٹر پیتھرک	نیوزی لینڈ	پاکستان	6 اکتوبر 1976
وسیم اکرم	پاکستان	سری لنکا	6 مارچ 1999
محمد سمیع	پاکستان	سری لنکا	8 مارچ 2002