پنجاب، بھارت

دیگر استعمالات کے لیے، دیکھیے پنجاب۔

سرکاری نام
اوپر سے نیچے: ہرمندر صاحب، قلعہ مبارک، گاندھی بھون، واہگہ سرحد، جلیانوالا باغ یادگار
عرفیت: پانچ دریاؤں کی سرزمین
بھارت میں مقام
پنجاب کا نقشہ
ملک	بھارت
بنیاد	1 نومبر 1966ء (1966ء-11-01)
دار الحکومت	چندی گڑھ
سب سے بڑا شہر	لدھیانہ
اضلاع	22
حکومت
• گورنر	کپتان سنگھ سولانکی
• چیف منسٹر	پرکاش سنگھ بادل (شرومنی اکالی دل)
• پنجاب قانون ساز اسمبلی	یک ایوانیت (117 نشستیں)
• پارلیمانی حلقے	13
• عدالت عالیہ	عدالت عالیہ پنجاب و ہریانہ
رقبہ
• کل	50,362 کلومیٹر2 (19,445 میل مربع)
رقبہ درجہ	20ویں
بلند ترین  پیمائش	550 میل (1,800 فٹ)
پست ترین  پیمائش	150 میل (490 فٹ)
آبادی (2011)
• کل	27,704,236
• درجہ	بھارت کی ریاستیں بلحاظ آبادی
• کثافت	550/کلومیٹر2 (1,400/میل مربع)
زبانیں
• سرکاری	پنجابی زبان
• دیگر	ہندی، انگریزی
• علاقائی	ماجھی، مالوی، ڈوگری، باگڑی
منطقۂ وقت	بھارتی معیاری وقت (UTC+05:30)
آیزو 3166 رمز	آیزو 3166-2:IN
انسانی ترقیاتی اشاریہ	0.679 (medium)
ایچ ڈی آئی درجہ	9th (2005)
خواندگی	76.68%
ویب سائٹ	پنجاب حکومت
^† ہریانہ کے ساتھ مشترکہ دار الحکومت
Symbols of پنجاب
Emblem	Lion Capital of Ashoka with Wheat stem (above) and Crossed Swords (below)
Language	پنجابی زبان
Dance	بھنگڑا، گدا
Animal
Bird	باز
Tree	شیشم
River	سندھ
Sport	پنجابی کبڈی

پنجاب بھارت کی ایک ریاست ہے جسے عام طور پر مشرقی پنجاب یا بھارتی پنجاب کے نام سے پکارا جاتا ہے۔ اس کی سرحدیں مغرب میں پاکستان کے صوبہ پنجاب، شمال میں جموں و کشمیر، شمال مشرق میں ہماچل پردیش، جنوب میں ہریانہ، جنوب مشرق میں چندی گڑھ اور جنوب مغرب میں راجستھان سے ملتی ہیں۔

ریاست کا کل رقبہ 50 ہزار 362 مربع کلومیٹر جبکہ آبادی 2000ء کے مطابق 24,289,296 ہے۔ بھارتی پنجاب کا دار الحکومت چندی گڑھ ہے جو پڑوسی ریاست ہریانہ کا بھی دار الحکومت ہے۔ دیگر بڑے شہروں میں بھٹینڈہ، امرتسر، جالندھر، لدھیانہ اور پٹیالہ شامل ہیں۔

بیشتر آبادی سکھ مت کی پیروکار ہیں۔

زراعت پنجاب میں سب سے بڑی صنعت ہے۔ دیگر بڑی صنعتوں میں سائنسی آلات، زرعی اجناس، بجلی کا سامان، مالیاتی خدمات، مشینی اوزار، کھیلوں کا سامان، نشاستہ، کھاد، سائیکل، لباس اور سیاحت شامل ہیں۔

وجہ تسمیہ

پنجاب فارسى زبان كے دو لفظوں پنج بمعنی پانچ (5) اور آب بمعنی پانی سے مل کر بنا ہے۔ یوں اس کا مطلب پانچ دریاؤں کی سرزمین لیا جاتا ہے۔ ان پانچ درياؤں كے نام ہيں: ستلج، بیاس، راوی، چناب اور دریائے جہلم۔یونانی اسے تاریخی طور پھن ٹھاپی سیمیا (Pentapotamia) کہتے تھے، ایک پانچ مرتکز دریاؤں کا اندرون ڈیلٹا۔ نام پنجاب بھارت کے وسطی ایشیائی ترکیائی فاتحین کی طرف سے علاقے کو دیا گیا۔ اور اور ترک-منگول مغلوں میں مقبول رہا۔

تاریخ

تفصیلی مضمون کے لیے تاریخ پنجاب ملاحظہ کریں۔

مزید دیکھیے: خطۂ پنجاب

سکھ سلطنت

تفصیلی مضمون کے لیے سکھ سلطنت ملاحظہ کریں۔

سکھ سلطنت برصغیر میں ایک اہم طاقت تھی جو مہاراجہ رنجیت سنگھ کی قیادت کے تحت ابھری۔جس نے 1799ء میں لاہور پر قبضہ کر لیا اور پنجاب کے ارد گردعلاقوں پر سلطنت قائم کی۔ سلطنت 1799ء سے 1849ء تک قائم رہی۔

صوبہ پنجاب (برطانوی ہند)

تفصیلی مضمون کے لیے صوبہ پنجاب (برطانوی ہند) ملاحظہ کریں۔

برطانوی راج کے دوران میں پنجاب برطانوی ہند کا ایک صوبہ تھا۔1849ء میں ایسٹ انڈیا کمپنی نے اسے برطانوی ہندوستان میں شامل کیا۔ صوبہ پنجاب برطانوی ہندوستان میں شامل ہونے والے آخری علاقوں میں سے ایک ہے۔یہ پانچ ڈویژنز لاہور، دہلی، جالندھر ،راولپنڈی، ملتان اور بہت سی نوابی ریاستوں پر مشتمل تھا۔

حکومت اور سیاست

تفصیلی مضامین کے لیے حکومت پنجاب (بھارت)، پنجاب کی سیاست (بھارت)  اور فہرست اضلاع پنجاب (بھارت) ملاحظہ کریں۔

بھارت کے دیگر صوبوں کی طرح صوبہ پنجاب کا سربراہ بھی ایک گورنر ہوتا ہے جسے مرکزی حکومت کے مشورے سے صدر بھارت منتخب کرتا ہے۔ جبکہ صوبے کا وزیر اعلی حکومت کا سربراہ ہوتا ہے، بیشتر انتظامی اختیارات اسی کے پاس ہوتے ہیں۔ چندی گڑھ شہر صوبہ پنجاب کا دار الحکومت ہے اور یہیں ودھان سبھا (قانون ساز اسمبلی) اور سیکریٹریٹ بھی موجود ہیں۔ نیز چندی گڑھ صوبہ ہریانہ اور بھارت کی یونین علاقہ کا بھی دار الحکومت ہے۔ چندی گڑھ میں واقع پنجاب و ہریانہ عدالت عالیہ کا دائرہ کار پورے صوبہ پر محیط ہے۔

پنجاب کی موجودہ قانون ساز اسمبلی یک ایوانی ہے جس میں 117 ارکان ہیں۔ عام حالات میں اسمبلی کی کل مدت پانچ سال ہوتی ہے۔

ذیلی تقسیم

Districts of Punjab along with their headquarters, before 2007

انتظامیہ ذیلی تقسیم

تفصیلی مضمون کے لیے فہرست اضلاع پنجاب (بھارت) ملاحظہ کریں۔

ریاست پنجاب 22 اضلاع پر مشتمل ہے، جو تحصیلوں اور بلاک میں تقسیم ہیں۔

ضلع امرتسر ضلع برنالہ ضلع بھٹنڈہ ضلع فیروزپور ضلع فاضلکہ ضلع فتح گڑھ صاحب (سرہند-فتح گڑھ) ضلع فریدکوٹ ضلع گرداسپور ضلع ہوشیارپور جالندھر ضلع ضلع کپورتھلہ ضلع پٹھان کوٹ

ضلع لدھیانہ ضلع مانسہ ضلع موگا ضلع موہالی ضلع سری مکتسر صاحب ضلع پٹیالہ ضلع روپنگر ضلع سنگرور ضلع شہید بھگت سنگھ نگر (نون شہر) ضلع ترن تارن ضلع فاضلکہ اور ضلع پٹھان کوٹ سنہ 2013ء میں بنائے گئے۔ اس طرح اضلاع کی کل تعداد 22 ہوئی۔

معیشت

تفصیلی مضمون کے لیے پنجاب، بھارت کی معیشت ملاحظہ کریں۔

مزید دیکھیے: پنجاب کی زمینی پیمائش

پنجاب کی جی ڈی پی ₹3.17 لاکھ کروڑ (امریکی$47 بلین) ہے۔ پنجاب بھارت میں سب سے زیادہ زرخیز علاقوں میں سے ایک ہے۔ خطہ گندم اگانے کے لیے مثالی ہے۔ چاول، گنا، پھل اور سبزیاں بھی کثرت سے پیدا ہوتے ہیں۔ بھارتی پنجاب بھارت کا اناج گھر یا بھارت کی روٹی کی ٹوکری کہلاتا ہے۔ یہ بھارت کی کپاس کا 10.26 فیصد، بھارت کی گندم کا 19.5٪ اور بھارت کے کل چاول کا 11٪ پیدا کرتا ہے۔

نقل و حمل

تفصیلی مضمون کے لیے پنجاب روڈویز ملاحظہ کریں۔

پنجاب میں عوامی نقل و حمل کے لیے بسیں، آٹو رکشے، بھارت ریلوے اور پاکستان کے ساتھ منسلک سمجھوتہ ایکسپریس بین الاقوامی ریلوے وغیرہ ذرائع نقل و حمل استعمال کیے جاتے ہیں۔ ریاست میں کثیر ٹرانسپورٹیشن سسٹم کا ایک بڑا نیٹ ورک ہے۔

فضائی

پنجاب میں چھ شہری ہوائی اڈے ہیں۔ امرتسر میں سری گرو رام داس جی بین الاقوامی ہوائی اڈا اور اجیت گڑھ میں چندی گڑھ بین الاقوامی ہوائی اڈا یہ دو پنجاب کے بین الاقوامی ہوائی اڈے ہیں۔ دیگر ہوائی اڈوں میں:

• بھٹنڈہ ہوائی اڈا
• پٹھانکوٹ ہوائی اڈا
• پٹیالہ ہوائی اڈا
• سہنیوال ہوائی اڈا

ریلوے

ریاست کے تقریبا تمام بڑے اور چھوٹے شہر ریلوے کے ذریعے منسلک ہیں۔ امرتسر جنکشن پنجاب کا مصروف ترین ریلوے اسٹیشن ہے، اس سے ریاست کے تمام بڑے شہروں کی ریلوے منسلک ہے۔

مذہب

پنجاب، بھارت میں مذہب، (2011)

  سکھ مت (58%)

  ہندو مت (38.5%)

  اسلام (1.9%)

  مسیحیت (1.3%)

  دیگر اور لامذہب (0.60%)

سکھ مت پنجاب کا بڑا مذہب ہے جو پنجاب کی کل آبادی کے 58٪ عوام کا مذہب ہے، دوسرے درجہ پر ہندو مت ہے جس کے پیروکاروں کی تعداد 38.5٪ ہے۔ اسلام کی آمد سے پہلے اور سکھ مذہب کے آغاز سے قبل، ہندومت پنجابی لوگوں کا بنیادی مذہب تھا۔ سکھ مقدس مقامات میں سب سے مقدس مقام، ہرمندر صاحب، پنجاب کے شہر امرتسر میں واقع ہے اور اس کی نگران کمیٹی شرومنی گوردوارہ پربندک کمیٹی بھی امرتسر ہی میں ہے۔

مسلمان 1.93٪ ہیں، جو زیادہ تر ملیر کوٹلہ میں ہیں۔ مسلم اکثریت کے ساتھ یہ واحد شہر دیگر میں لدھانہ شہر میں مسلمان آباد ہیں۔ دیگر مذاہب میں جیسے مسیحیت 1.3٪ فیصد، بدھ مت 0.12٪ اور جین مت 0.12٪ فیصد آبادی کا مذہب ہے۔

زبان

تفصیلی مضامین کے لیے پنجابی زبان  اور گرمکھی ملاحظہ کریں۔

گرمکھی رسم الخط میں لکھی جانے والی پنجابی زبان ریاستی سرکاری زبان ہے۔ پنجابی دنیا کی دسویں سب سے زیادہ بولی جانے والی اور ایشیا کی پانچویں سب سے زیادہ بولی جانے والی زبان ہے۔

تعلیم

تفصیلی مضمون کے لیے بھارتی پنجاب میں تعلیم ملاحظہ کریں۔

پنجاب میں تعلیم کی تاریخ بہت پرانی ہے۔ پنجاب میں بھارت کے بے شمار مشہور تعلیمی ادارے، اسکول، کالج اور جامعات موجود ہیں جبکہ پنجاب زرعی جامعہ دنیا کی بلند پایہ زرعی جامعات میں شمار کی جاتی ہے۔ پنجاب میں اعلیٰ تعلیم کے بہت سے ادارے موجود ہیں (جن کی فہرست ذیل میں درج ہے)۔ ان اداروں میں عہد حاضر کے تمام شعبے فنون لطیفہ (arts)، بشریات (humanities)، سائنس، انجینئری، طب، قانون اور کاروبار کے نصاب گریجویٹ اور مابعد گریجویٹ کی سطح تک پڑھائے جاتے ہیں۔ مختلف شعبوں میں اعلیٰ تحقیق کے مواقع فراہم کیے جاتے ہیں۔ پنجاب زرعی یونیورسٹی (Punjab Agricultural University) زراعت کے میدان میں دنیا کی اہم اور مستند ترین جامعات میں شمار ہوتی ہے۔ اس یونیورسٹی نے 1960ء اور 1970ء کی دہائی میں پنجاب کے سبز انقلاب میں اہم ترین کردار ادا کیا تھا۔

مزید دیکھیے

3

مزید پڑھیے

• Radhika Chopra. Militant and Migrant: The Politics and Social History of Punjab (2011)
• Harnik Deol. Religion and Nationalism in India: The Case of the Punjab (Routledge Studies in the Modern History of Asia) (2000)
• Harjinder Singh Dilgeer, Encyclopedia of Jalandhar, Sikh University Press, Brussels, Belgium (2005)
• Harjinder Singh Dilgeer, SIKH HISTORY in 10 volumes, Sikh University Press, Brussels, Belgium (2010–11)
• J. S. Grewal. The Sikhs of the Punjab (The New Cambridge History of India) (1998)
• J. S. Grewal. Social and Cultural History of the Punjab: Prehistoric, Ancient and Early Medieval (2004)
• Nazer Singh. Delhi and Punjab: Essays in history and historiography (1995)
• Tai Yong Tan. The Garrison State: Military, Government and Society in Colonial Punjab, 1849–1947 (Sage Series in Modern Indian History) (2005)

اولین مآخذ

• J. C. Aggarwal and S. P. Agrawal, eds. Modern History of Punjab: Relevant Select Documents (1992)
• R. M. Chopra, " The Legacy of The Punjab ", 1997, Punjabee Bradree, Calcutta.

بیرونی روابط

• دفتری ویب سائٹ
• Punjab (India) سفری معلومات ویکی سفر پر