ثمینہ احمد

ثمینہ احمد
معلومات شخصیت
پیدائش	11 فروری 1946 Karachi Pakistan
شریک حیات	فرید احمد، طلاق: 1993 منظر صہبائی، شادی: اپریل 2020
عملی زندگی
پیشہ	اداکار، فلمی ہدایت کار، فلم پروڈیوسر
دور فعالیت	1980- حال

ثمینہ احمد (انگریزی: Samina Ahmad) پاکستانی اداکارہ، اسٹیج پرفارمر، پروڈیوسر اور ہدایتکار ہیں۔ ثمینہ ایک تجربہ کار اداکارہ ہیں جن کو اردو انٹرٹینمنٹ انڈسٹری میں 50 سال سے زیادہ کام کرنے کا تجربہ ہے۔ انھوں نے پی ٹی وی کی بہت سی کامیاب سیریز کے لئےکام کیا ہے. ثمینہ کو اپنی خدمات کے لئے حکومت پاکستان نے 2011ء میں پرائڈ آف پرفارمنس سے نوازا تھا۔ انکا مزاحیہ ڈرامہ فیملی فرنٹ ناظرین میں بے حد مقبول ہوا جس میں انکے ساتھ صبا حمید اور وسیم عبّاس نے اپنی اداکاری کے جوہر دکھاے تھے۔ ثمینہ کا کردار نصرت ناظرین میں بے حد مقبول ہوا۔ یہ ڈرامہ 1997ء میں پی ٹی وی سے نشر ہوا تھا.

ابتدایی زندگی

ثمینہ احمد کی پیدائش 11 فروری 1946ء کو لاہور میں ہوئی۔ ان کے والد پاکستان کے مغربی علاقے میں فاریسٹ ڈائریکٹر (Forest director) تھے اور والدہ گھریلو خاتون تھیں۔ ثمینہ کے والد کا انتقال 1965ء میں اور والدہ کا انتقال 2018ء میں ہوا۔ ثمینہ اپنے پانچ بہن بھائیوں میں سب سے بڑی ہیں۔ ثمینہ نے ہوم اکنامکس میں ماسٹر کیا ہے۔

ذاتی زندگی

ثمینہ احمد نے پاکستانی فلمساز فریدالدین احمد سے شادی کی جو تجربہ کار فلمساز وحیدالدین ضیاالدین احمد کے بیٹے تھے۔ جنھوں نے ایک مشہور پاکستانی فلم وعدہ (1957ء) بنائی تھی۔ اس جوڑے کا ایک بیٹا اور ایک بیٹی ہے۔ 1993 میں اپنی موت سے چند سال قبل فرید الدین نے ثمینہ کو طلاق دے دی تھی۔

ثمینہ احمد نے 4 اپریل 2020ء کو اداکار منظر صہبائی سے لاہور میں شادی کی۔

مزید دیکھیے

• فہرست پاکستانی اداکارائیں
• پاکستانی سنیما

حوالہ جات

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔