احمد سعید ناگی
| احمد سعید ناگی | |
|---|---|
| معلومات شخصیت | |
| پیدائش | 2 فروری 1916ء امرتسر |
| وفات | ستمبر 1، 2006ء کراچی |
| قومیت |  پاکستانی
|
| عملی زندگی | |
| پیشہ | مصور |
| اعزازات | |
| صدارتی تمغا برائے حسن کارکردگی | |
ترمیم  | |
احمد سعید ناگی (انگریزی: Ahmed Saeed Nagi) (پیدائش: 2 فروری، 1916ء - وفات: یکم ستمبر، 2006ء) پاکستان سے تعلق رکھنے والے عالمی شہرت یافتہ مصور تھے۔ انہیں تحریک پاکستان کا سرکاری مصور ہونے کی وجہ سے شہرت حاصل ہے۔
حالات زندگی[ترمیم]
احمد سعید ناگی 2 فروری، 1916ء کوامرتسر، برطانوی ہندوستان میں پیدا ہوئے[1][2]۔ انہوں نے امرتسر، لاہور، دہلی اور پیرس میں تعلیم پائی۔ 1944ء میں انہیں قائد اعظم محمد علی جناح کو روبرو بٹھا کر ان کا پورٹریٹ بنانے کا اعزاز حاصل ہوا۔ احمد سعید ناگی کی مصوری کی نمائش پیرس، لندن، لوزان، نیویارک، زغرب، تہران، دہلی، شملہ، لاہور اور کراچی شہروں میں ہوچکی تھی۔ ان کی بنائی ہوئی پینٹنگز زیارت ریذیڈنسی، گورنر ہاؤس کوئٹہ، گورنر ہاؤس کراچی، موہٹہ پیلس، قصر ناز، گورنر ہاؤس پشاور اور پنجاب اسمبلی بلڈنگ لاہور میں آویزاں ہیں [2]۔ انہیں تحریک پاکستان کا سرکاری مصور بھی کہا جاتا ہے۔[1]
اعزازات[ترمیم]
حکومت پاکستان نے ان کی خدمات کے اعتراف کے طور پر انہیں 14 اگست، 1990ء کو صدارتی تمغا برائے حسن کارکردگی عطا کیا۔[2]
وفات[ترمیم]
احمد سعید ناگی یکم ستمبر، 2006ء کو کراچی، پاکستان میں وفات پا گئے۔[1][2]
حوالہ جات[ترمیم]
- ^ ا ب پ مصور احمد سعید ناگی انتقال کر گئے، روزنامہ ڈان،کراچی، 2 ستمبر 2006ء
- ^ ا ب پ ت ص 974، پاکستان کرونیکل، عقیل عباس جعفری، ورثہ / فضلی سنز، کراچی، 2010ء
