مہاراج غلام حسین کتھک

مہاراج غلام حسین کتھک
معلومات شخصیت
پیدائش	4 مارچ 1905ء   کولکاتا ،  برطانوی ہند
وفات	سنہ 2001ء (95–96 سال)  لاہور ،  پاکستان
شہریت	برطانوی ہند پاکستان
عملی زندگی
پیشہ	معلم ،  رقاص
اعزازات
تمغائے حسن کارکردگی   نگار اعزاز

مہاراج غلام حسین کتھک (انگریزی: Maharaj Ghulam Hussain Kathak) (پیدائش: 4 مارچ، 1899ء - وفات: 29 جون، 1998ء) پاکستان کے معروف کلاسیکی رقاص تھے۔

حالات زندگی و فنی خدمات

مہاراج غلام حسین کتھک 4 مارچ، 1899ء کو کلکتہ، برطانوی ہندوستان میں پیدا ہوئے۔ ان کے والد کا نام تصدق حسین تھا جو ایک مسجد کے امام تھے۔ ان کے والد رابندر ناتھ ٹیگور کے دوستوں میں شامل تھے جن کے مشورے پر غلام حسین کتھک نے پہلے مصوری، پھر اداکاری اور کلاسیکی رقص کی تربیت حاصل کی۔ رقص میں ان کے استاد لکھنؤ کتھک اسکول کے بانی اچھن مہاراج تھے۔

1950ء میں مہاراج غلام حسین کتھک پاکستان منتقل ہو گئے جہاں وہ پہلے کراچی اور پھر لاہور میں رقص کی تربیت دیتے رہے۔ ان کے معروف شاگردوں میں ریحانہ صدیقی، ناہید صدیقی، نکہت چوہدری، جہاں آرا اخلاق، رفیع انور اور فصیح الرحمٰن کے نام سرفہرست ہیں۔ 1995ء مہاراج غلام حسین نے فلم سرگم میں بھی کام کیا اور اس فلم میں اداکاری پر انھیں بہترین معاون اداکار کا نگار ایوارڈ ملا تھا۔ حکومت پاکستان نے انھیں صدارتی اعزاز برائے حسن کارکردگی بھی عطا کیا تھا۔

وفات

مہاراج غلام حسین کتھک 9 دسمبر ، 1990ء میں لاہور ، پاکستان میں وفات پاگئے قبرستان میانی صاحب میں دفن ہوئے ۔