محمد علی (اداکار)

محمد علی (اداکار)
فائل:Zeba mali.jpg فلمی اداکار محمد علی و زيبا
معلومات شخصیت
پیدائش	19 اپریل 1931ء   رام پور, بھارت
وفات	19 مارچ 2006ء (75 سال)  لاہور, پاکستان
وجہ وفات	دورۂ قلب
طرز وفات	طبعی موت
قومیت	پاکستانی
دیگر نام	محمد علی بھائی
زوجیت	زیبا، اداکارہ (1967–2006)
عملی زندگی
مادر علمی	گورنمنٹ ایمرسن کالج ملتان
پیشہ	اداکاری, صداکاری
دور فعالیت	1962–1995
اعزازات
تمغۂ حسن کارکردگی, ستارۂ امتیاز
	IMDB پر صفحات

معروف اداکار سید محمد علی جنھیں شہنشاہ جذبات کے لقب سے بھی یاد کیا جاتا ہے۔ پاکستان فلم انڈسٹری کے سنہرے دور کی جب بھی تاریخ لکھی جائے گی تو شہنشاہ جذبات محمد علی کا نام سنہرے حروف میں لکھا جائے گا۔ محمد علی ایک بہت بڑے فنکار اور عظیم انسان تھے۔ انھوں نے اداکاری میں اَنمٹ نقوش چھوڑے ہیں۔

سوانح

ابتدائی حالات

محمد علی 19 اپریل، 1931ء میں بھارت کے شہر رام پور میں پیدا ہوئے۔ چار بھائی بہنوں میں وہ سب سے چھوٹے تھے۔ سب سے بڑے بھائی ارشاد علی تھے۔ محمد علی ابھی تین سال کے تھے کہ ان کی والدہ فوت ہو گئیں۔ ان کے والد سید مرشد علی نے ان کی پرورش کی خاطر دوسری شادی نہیں کی حالانکہ اس وقت ان کی عمر 35 برس تھی۔

محمد علی کا خاندان بہت مذہبی تھا۔ ان کے ہاں انگریزی تعلیم کو اچھا نہیں سمجھا جاتا تھا۔ محمد علی کے والد سید مرشد علی بہت بڑے دینی عالم تھے۔ محمد علی نے 14 سال تک اسکول کی شکل نہ دیکھی وہ صرف مدرسے میں اردو، عربی، فارسی وغیرہ کی تعلیم حاصل کرتے رہے۔

1943 ء میں اپنے خاندان کے ساتھ ہجرت کر کے ملتان آ گئے۔ ملتان کی گڑ منڈی کی ایک مسجد میں محمد علی اپنے والد کے ساتھ 12 سال رہے۔ اس مسجد میں ان کے والد خطیب تھے۔

ملتان آنے کے کچھ عرصے بعد سید مرشد علی کی سوچ میں تبدیلی آئی کہ وقت کے ساتھ چلنے کے لیے انگریزی تعلیم ضروری ہے اس لیے انھوں نے 1949ء میں محمد علی کو اسلامیہ اسکول ملتان میں داخل کرا دیا۔ ان کا ساتویں کلاس میں داخلہ ہوا اس کے ایک برس بعد ملت ہائی اسکول ملتان میں انھیں نویں کلاس میں داخلہ مل گیا۔

محمد علی کے خاندان کے زیادہ تر لوگ حیدرآباد سندھ میں رہتے تھے اس لیے 1955 ء میں وہ اپنے خاندان کے ساتھ حیدرآباد منتقل ہو گئے۔ اور سٹی کالج حیدرآباد سے انٹر پاس کیا۔

محمد علی کو پائلٹ بننے کا شوق تھا اور وہ پائلٹ بن کر ایئر فورس جوائن کرنا چاہتے تھے۔ مگر معاشی حالات تنگ تھے ان کے پاس اتنے پیسے نہیں تھے کہ وہ ایبٹ آباد جاکر ٹرینینگ حاصل کرسکیں۔

انھیں تعلیم کا سلسلہ جاری رکھنا مشکل نظر آ رہا تھا۔ ذریعہ معاش کے لیے انھوں نے کوئی کام کرنے کا سوچا۔ ان کے بڑے بھائی ارشاد علی ریڈیو پاکستان حیدرآباد میں بطور ڈراما آرٹسٹ کام کر رہے تھے۔ انھوں نے ڈرائریکٹر قیوم صاحب سے محمد علی کا تعارف کرایا۔

محمد علی نے اپنے کیرئر کا آغاز ریڈیو پاکستان حیدرآباد، سندھ سے کیا۔ ان کی بھرپور آواز نے انھیں ایک بہترین ریڈیو صداکار کی حیثیت سے منوایا اور انھیں فلمی دنیا تک پہنچانے میں بھی ان کی آواز نے ہی اہم کردار ادا کیا۔

اس وقت ایک ڈرامے کی صدا کاری کے دس روپے ملا کر تے تھے۔ بعد ازاں انھوں نے ریڈیو پاکستان بہاولپور سے بھی پروگرام کیے۔ ان کی آواز سن کر ریڈیو پاکستان کے جرنل ڈرائریکٹر ذوالفقار احمد بخاری المعروف زیڈ۔ اے بخاری صاحب نے انھیں کراچی بلا لیا۔ سونے کو کندن بنانے میں زیڈ۔ اے بخاری مرحوم کا بہت ہاتھ تھا۔ انھوں نے محمد علی کو آواز کے اتار چڑھاؤ، مکالموں کی ادائیگی، جذبات کے اظہار کا انداز بیاں اور مائکرو فون کے استعمال کے تمام گرسکھا دیے۔ زیڈ۔ اے بخاری نے ان کی آواز کی وہ تراش خراش کی کہ صدا کاری میں کوئی ان کا مدمقابل نہ رہا۔

دور عروج

1962ء میں فِلم ’ چراغ جلتا رہا‘ سے فلمی کیرئر کا آغاز کیا۔ فلم کا افتتاح کراچی کے نشاط سینما میں مادر ملت محترمہ فاطمہ جناح نے اپنے ہاتھوں سے کیا۔ فلم زیادہ کامیاب نہ ہو سکی مگر محمد علی کی اداکاری اور مکالمے بولنے کے انداز نے دوسرے فلم سازوں اور ہدایتکاروں کو ضرور متوجہ کر لیا۔ اور جلد ہی ان کا شمار ملک کے معروف فلمی اداکاروں میں کیا جانے لگا۔ پہلی فلم کے بعد محمد علی نے ابتدائی پانچ فلموں میں بطور ولن کام کیا۔ محمد علی کو شہرت 1963 ء میں عید الاضحی پر ریلیز ہونے والی فلم "شرارت" سے ملی۔ انھوں نے درجنوں فلموں میں بحیثیت ہیرو کے کام کیا۔ ان کی فلموں کی زیادہ تر ہیروئن ان کی اپنی اہلیہ زیبا تھیں نیز ان فلموں میں زيادہ تر گانے جو ان پر فلمائے گئے ان کے گلوکار مہدی حسن تھے۔ انھوں نے 300 فلموں میں اداکاری کے جوہر دکھائے۔ "علی زیب" کی جوڑی اتنی کامیاب تھی کہ انھوں تقریباً 75 فلموں میں اکٹھے کام کیا۔

حالات زندگی

محمد علی اور زیبا کی پہلی فلم "چراغ جلتا رہا" تھی۔ اس فلم کے پہلے ٹیک سے ہی محمد علی زیبا کی محبت میں گرفتار ہو گئے۔ لیکن سدھیر نے زیبا کے ساتھ محبت کی پینگیں بڑھائیں اور شادی کر کے زیبا کو لے اڑے اور محمد علی صاحب دیکھتے رہ گئے۔ دوسری طرف لالا سدھیر نے زیبا کو بھی فلموں میں کام کرنے سے منع کر دیا۔ مگر زیبا نے اس پابندی کو قبول نہیں کیا۔ کچھ فلمی دوستوں کی مدد سے وہ بھاگ کر لاہور واپس آ گئیں اور کچھ عرصے بعد ان میں طلاق ہو گئی۔

فلم "تم ملے پیار ملا" کی شوٹنگ کے دوران ہی بروز جمعرات 29ستمبر، 1966 ء کی سہ پہر تین بجے اداکار آزاد کے گھر واقع ناظم آباد میں محمد علی نے زیبا سے نکاح کر لیا۔ علی زیب نے ایک انتہائی خوش گوار بھر پور ازدواجی زندگی گزاری، کئی یادگار فلموں میں اپنی یادگاری کے جوہر دکھائے، نہ صرف پاکستان، بلکہ دوسرے ممالک میں بھی علی زیب ایک قابل احترام جوڑی کے طور پر جانے جاتے ہیں۔ دونوں نے حج بھی کیا اور کئی عمرے بھی ادا کیے۔ اللہ تعالیٰ نے انھیں بے شماردولت، عزت اور شہرت عطا کی، لیکن اولاد جیسی نعمت سے محروم رکھا۔

اس پر بھی محمد علی اﷲ کے شکر گزار تھے اور اس محرومی کو اﷲ کی مصلحت قرار دیتے تھے۔ محمد علی نے زیبا کی بیٹی ثمینہ جو لالا سدھیر سے تھی۔ اسے اپنی سگی بیٹی کی طرح پالا اسے اپنا نام دیا۔ پندرہ سال تک وہ اپنا ایک خیراتی ادارہ چلاتے رہے۔ شادی کے بعد محمد علی اور زیبا نے "علی زیب" کے نام سے اپنا پروڈکشن ہاؤس قائم کیا اور "علی زیب" کے بینر تلے کافی اچھی اور کامیاب فلمیں بنائیں۔

سماجی و سیاسی زندگی

محمد علی نے کبھی سیاست میں حصہ نہیں لیا۔ ان کے ذو الفقار بھٹو کے ساتھ دوستانہ تعلقات تھے۔ 1974ء میں مسلم سربراہی کانفرنس میں شرکت کے لیے آئے ہوئے سلطان قابوس اور شاہ فیصل شہید نے علی زیب ہاؤس میں ہی قیام کیا تھا، اسی دوران فلسطین آزادی کے رہنما یاسر عرفات مرحوم نے بھی محمد علی سے ملنے کی خواہش کی تھی اور مسقط عمان کے سلطان قابوس نے انھیں غیر سرکاری سفیر کی حیثیت سے تعریفی شیلڈ پیش کی، ایران کے شہنشاہ نے پہلوی ایوارڈ دیا۔ اس طرح عالمی سطح پر محمد علی کو مقبولیت حاصل رہی۔ پاکستان میں ہر سربراہ حکومت سے ان کے اچھے اور قریبی تعلقات قائم رہے۔ بھٹو کی حمایت کرنے پر 1977ء میں جنرل ضیاء الحق کے دور حکومت میں انھیں جیل بھی کاٹنی پڑی۔ تاہم حالات ٹھک ہونے کے بعد جنرل ضیاء الحق سے محمد علی کے اچھے اور قریبی تعلقات ہو گئے۔ وہ ضیاء الحق کے ساتھ 1983ء میں بھارت کے دورے پر بھی گئے۔ نواز شریف سے ان کے بہت قریبی تعلقات رہے، وہ ان کے ایڈوائز بھی رہے، محمد علی کو اسی طرح ہمیشہ قومی سطح پر اولیت دی جاتی رہی۔

انھوں نے "علی زیب فاؤنڈیشن" کے تحت سر گودھا، فیصل آباد، ساہیوال اور میانوالی میں تھیلسیمیا میں مبتلا بچوں کے علاج اور کفالت کے لیے ہسپتال قائم کیے، جہاں بلا معاوضہ بچوں کا علاج کیا جاتا ہے۔ اس ادارے کے تمام اخراجات وہ اپنے وسائل سے پورے کرتے تھے۔ "علی زیب فاؤنڈیشن" کے علاوہ محمد علی کئی اداروں کے صدر اور فاؤنڈر ممبر رہے۔ ان تمام امور میں ان کی پیاری بیوی بھی ان کے ہم رکاب رہیں۔ نجی سطح پر بھی علی زیب ضرورت مندوں کی ہر ممکن معاونت کرتے رہتے تھے۔ انھوں نے کئی بیواؤں اور یتیموں کے وظیفے مقرر کر رکھے تھے۔ بہت سے غریبوں کے گھر کے چولہے محمد علی کے امدادی چیک سے جلتے تھے۔ وہ ہمیشہ اپنے ساتھیوں کے، بُرے وقت میں کام آتے تھے۔

فلمیں

محمد علی نے 277 فلموں میں کام کیا جن میں 248 اردو، 17 پنجابی، 8 پشتو، 2 ڈبل وریژن انڈین، 1 بنگالی۔ 28 فلموں میں بطور مہمان اداکار اور ایک ڈاکو منٹری فلم میں کام کیا۔ آرکائیو شدہ بذریعہ mazhar.dk [Mazhar Magzine محمد علی]

اداکار محمد علی کی فلمیں

#	جاری	فلم	زبان	ہفتے	مقبولیت	فلم ساز	ہدایت کار	ساتھی فنکار
1	1962	چراغ جلتا رہا	اردو	15/27	سلور جوبلی	فضل کریم فضلی	فضل کریم فضلی	فردوس، محمد علی، ننّھا، زلفی، سلام ممتاز
2	1962	باجی	اردو	5/13	فلاپ	- -	فضل کریم فضلی	رانی، صدیقی، محمد علی، طلعت صدیقی
3	1962	دال میں کالا	اردو	7/19	فلاپ	- -	ایس سلیمان	روزینہ، محمد علی، صوفیہ بانو، حنیف، نرالا
4	1963	سفید خون	اردو	4/16	فلاپ	- -	اقبال یوسف	شبنم، محمد علی، کمار، عالیہ، طالش
5	1963	قتل کے بعد	اردو	3/10	فلاپ	- -	انور کمال پاشا	حسنیٰ، محمد علی، کومل، صدیقی ایرانی، طالش
6	1963	خاندان	اردو	10/31	سلور جوبلی	- -	حسن طارق	سلونی، محمد علی، محمد اسماعیل، ادیب
7	1963	مسٹر ایکس	اردو	3/11	فلاپ	- -	ریاض احمد راجو	سلونی، محمد علی، رخسانہ، رنگیلا، ادیب
8	1963	شرارت	اردو	4/11	فلاپ	- -	ایس اے غفار	ساچندا، محمد علی، فیصل، ببیتا، لہری، انور
9	1963	دل نے تجھے مان لیا	اردو	5/21	فلاپ	- -	جاوید ہاشمی	غزالہ، محمد علی، صابرہ سلطانہ، ادیب، الیاس
10	1964	چھوٹی بہن	اردو	4/17	فلاپ	- -	اے حمید	زیبا، درپن، سلونی، آسیہ، محمد علی (مہمان اداکار)
11	1964	رواج	اردو	10/36	سلور جوبلی	- -	دلجیت مرزا	زیبا، محمد علی، دیبا، اسلم پرویز، طالش
12	1964	بیس دن	اردو	5/14	فلاپ	- -	اعجاز میر	رانی، محمد علی، سنتوش، نرالا، ادیب
13	1964	شیر دی بچی	پنجابی	3/10	فلاپ	- -	جعفر بخاری	نیلو، محمد علی، آصف جاہ، راگنی، ساون
14	1964	خاموش رہو	اردو	12/33	سلور جوبلی	- -	جمیل اختر	دیبا، یوسف خان، محمد علی، مینا
15	1964	دل کے ٹکڑے	اردو	15/28	سلور جوبلی	- -	نذیر اجمیری	شمیم آرا، حبیب، دیبا، محمد علی، ادیب
16	1964	ہیڈ کانسٹیبل	اردو	6/25	سلور جوبلی	- -	نزیر صوفی	زیبا، محمد علی، حبیب، یاسمین، کمار
17	1964	تماشا	اردو	3/12	فلاپ	- -	ایس سلیمان	حسنیٰ، سلطان، نذر، محمد علی (مہمان اداکار)
18	1964	شبنم	اردو	11/28	سلور جوبلی	- -	ایس اے حفیظ	زیبا، کمال، رانی، محمد علی، لہری، کمار
19	1964	عورت کا پیار	اردو	5/13	فلاپ	- -	شباب کیرانوی	رانی، علاؤ الدین، ناصرہ، محمد علی
20	1964	ایسا بھی ہوتا ہے	اردو	14/37	سلور جوبلی	- -	فضل کریم فضلی	زیبا، کمال، لہری، سلونی، محمد علی (مہمان اداکار)
21	1964	غدار	اردو	6/25	سلور جوبلی	- -	ریاض احمد راجو	سلونی، سدھیر، محمد علی، فردوس، مظہر شاہ
22	1965	ہزار داستان	اردو	11/43	سلور جوبلی	- -	عزیز میرٹھی	رانی، محمد علی، اسد، محمد اسماعیل، طالش
23	1965	ناچے ناگن باجے بین	اردو	5/14	فلاپ	- -	حیدر چوہدری	رانی، محمد علی، فردوس، رنگیلا، ادیب
24	1965	جاگ اٹھا انسان	اردو	16/50	گولڈن جوبلی	- -	حسن شیخ	زیبا، وحید مراد، محمد علی، فردوس
25	1965	مجاہد	اردو	3/25	سلور جوبلی	- -	جمیل اختر	محمد علی، لالہ سدھیر اور دیبا
26	1965	معجزہ	اردو	4/16	فلاپ	- -	ایم اے رشید	دیبا، حبیب، درپن، اسلم، محمد علی (مہمان اداکار)
27	1965	ہمراہی	اردو	19/50	گولڈن جوبلی	- -	راجا حفیظ	حنا، خالد , حیدر، سنتوش، محمد علی منور ظریف، رنگیلا
28	1965	بھائی جان	اردو	2/12	فلاپ	- -	راجا حفیظ	رانی، محمد علی، صبا، اسد، اسلم پرویز
29	1965	مسٹر اللہ دتہ	پنجابی	2/10	فلاپ	- -	ریاض شاہد	نیلو، اسد، علاؤ الدین، محمد علی (مہمان اداکار)
30	1965	تصویر	اردو	3/16	فلاپ	- -	ایس سلیمان	صبیحہ، سنتوش، زیبا، اسلم، محمد علی (مہمان اداکار)
31	1965	صنم	اردو	?	فلاپ	- -	ایس اے حفیظ	رانی، کمال، محمد علی، بہار، کمار
32	1965	کنیز	اردو	16/50	گولڈن جوبلی	- -	حسن طارق	زیبا، محمد علی، صبیحہ، اسلم، طالش وحید مراد
33	1966	وطن کا سپاہی	اردو	4/13	فلاپ	- -	اے حمید	فردوس، محمد علی، ننّھا، زلفی، سلام ممتاز
34	1966	اکیلے نہ جانا	اردو	2/10	فلاپ	- -	اے ایچ صدیقی	روزینہ، محمد علی، صوفیہ بانو، حنیف، نرالا
35	1966	عادل	اردو	9/25	سلور جوبلی	- -	احمد بشیر	سلونی، محمد علی، محمد اسماعیل، ادیب
36	1966	جان پہچان	اردو	5/17	فلاپ	- -	فرید احمد	شہ پارہ، محمد علی، ترانہ، قوی
37	1966	وطن کی پکار	اردو	4/33	سلور جوبلی	- -	حسن طارق	رانی، محمد علی، شاہد، ندیم، طالش
38	1966	جانباز	اردو	4/19	فلاپ	- -	ایم اکرم	شیریں، محمد علی، نذر، ساقی، طالش
39	1966	بہادر	اردو	4/25	سلور جوبلی	- -	منور رشید	مسرت نذیر، درپن، محمد علی، ناصرہ
40	1966	گھر کا اجالا	اردو	3/12	فلاپ	- -	ریاض احمد راجو	فردوس، محمد علی، صوفیہ بانو، حبیب، ساقی
41	1966	لوری	اردو	13/52	گولڈن جوبلی	- -	ایس سلیمان	زیبا، سنتوش، محمد علی، سلونی، طلعت صدیقی
42	1966	سجدہ	اردو	4/25	سلور جوبلی	- -	ایس اے حفیظ	دیبا، محمد علی، ترانہ، لہری، ناصرہ، طالش
43	1966	مادر وطن	اردو	4/15	فلاپ	- -	سیف الدین سیف	دیبا، محمد علی، رنگیلا، ادیب، طالش
44	1966	باغی سردار	اردو	6/26	سلور جوبلی	- -	ظہور راجا	سلونی، محمد علی، غزالہ، ظہور راجا، ادیب
45	1966	آئینہ	اردو	17/51	گولڈن جوبلی	- -	شباب کیرانوی	دیبا، محمد علی، منور ظریف، صدیقی ایرانی
46	1966	نغمۂ سحر	اردو	4/21	فلاپ	- -	مقصود احمد	نیلو، سدھیر، محمد علی، علاؤ الدین، ادیب
47	1966	کھوٹا پیسہ	اردو	4/26	سلور جوبلی	- -	راجا حفیظ	سلونی، محمد علی، محمد اسماعیل، اسلم پرویز
48	1966	ملنگی	پنجابی	15/40	سلور جوبلی	- -	رشید اختر	شیریں، اکمل، فردوس، یوسف، محمد علی (مہمان اداکار)
49	1966	آگ کا دریا	اردو	14/52	گولڈن جوبلی	- -	ہمایوں مرزا	شمیم آرا، محمد علی، لہری، ساقی، ناصرہ
50	1967	حاتم طائی	اردو	7/26	سلور جوبلی	- -	اکبر علی	سلونی، محمد علی، رخسانہ، رنگیلا، ادیب
51	1967	لالا رخ	اردو	3/16	فلاپ	- -	عزیز میرٹھی	نیلو، محمد علی، ننّھا، اسلم، ادیب، طالش
52	1967	آگ	اردو	8/43	سلور جوبلی	- -	حسن عسکری	بابرہ شریف، اشعر شاہد، سلطان راہی، محمد علی
53	1967	دل دیا درد لیا	اردو	9/25	سلور جوبلی	- -	کے خورشید	زیبا، محمد علی، غزالہ، رنگیلا، علاؤ الدین
54	1967	ہمراز	اردو	5/18	فلاپ	- -	خورشید انور	شمیم آرا، محمد علی، لہری، نبیلہ، طالش
55	1967	محل	اردو	13/51	گولڈن جوبلی	- -	لقمان	زیبا، محمد علی، غزالہ، لہری، ساقی، ادیب
56	1967	ووہٹی	پنجابی	2/8	فلاپ	- -	لقمان	نیلو، سنتوش، لہری، محمد علی (مہمان اداکار)
57	1967	پاکیزہ	اردو	4/18	فلاپ	- -	لقمان	زیبا، اعجاز، نغمہ، محمد علی، لہری، الیاس
58	1967	امام دین گوہاویہ	پنجابی	2/14	فلاپ	- -	ایم سلیم	فردوس، اکمل، یوسف، طالش، محمد علی
59	1967	مجھے جینے دو	اردو	7/27	سلور جوبلی	- -	رزاق	زیبا، محمد علی، رنگیلا، زمرّد، الیاس
60	1967	آگ	اردو	26/55	گولڈن جوبلی	- -	ایس سلیمان	زیبا، محمد علی، لہری، صبیحہ، سنتوش، اسلم
61	1967	یار دوست	پنجابی	3/9	فلاپ	- -	ایس سلیمان	فردوس، اکمل، نغمہ، محمد علی، لہری
62	1967	وقت کی پکار	اردو	4/20	فلاپ	- -	سعید کریم کاظمی	زیبا، طاہر، ادا، صدیقی ایرانی، محمد علی (مہمان اداکار)
63	1968	نیلا پربت	اردو	5/16	فلاپ	- -	آغا ریاض گل	حسنیٰ، محمد علی، کومل، صدیقی ایرانی، طالش
64	1968	سونے کی چڑیا	اردو	2/15	فلاپ	- -	اختر علی	غزالہ، محمد علی، صابرہ سلطانہ، ادیب، الیاس
65	1968	بالم	اردو	3/14	فلاپ	- -	ال حامد	زیبا، درپن، سلونی، آسیہ، محمد علی (مہمان اداکار)
66	1968	شاہی محل	اردو	3/14	فلاپ	- -	اشرف علی	فردوس، محمد علی، ناصرہ، ادیب، اسلم پرویز
67	1968	پرستان	اردو	4/18	فلاپ	- -	عزیز میرٹھی	نیلو، محمد علی، مینا، اسد، نذر، ادیب
68	1968	میرا گھر میری جنت	اردو	6/25	سلور جوبلی	- -	حسن طارق	شمیم آرا، محمد علی، رانی، لہری، الیاس
69	1968	بنو رانی	اردو	12/40	سلور جوبلی	- -	کے خورشید	شبنم، محمد علی، حسنیٰ، رنگیلا، لہری
70	1968	صاعقہ	اردو	21/62	گولڈن جوبلی	شمیم آرا	لئیق اختر	شمیم آرا، محمد علی، درپن، لہری، طالش
71	1968	آسرا	اردو	7/27	سلور جوبلی	- -	رضا میر	شبنم، محمد علی، روزینہ، مصطفیٰ قریشی
72	1968	زندگی کتنی حسین ہے	اردو	8/25	سلور جوبلی	- -	ریاض بخاری	زیبا، محمد علی، غزالہ، مصطفیٰ قریشی
73	1968	پیا ملن کی آس	اردو	4/15	فلاپ	- -	ایس سلیمان	حسنیٰ، محمد علی، زمرّد، لہری، طالش
74	1968	جیسے جانتے نہیں	اردو	9/25	سلور جوبلی	علی زيب پروڈکشن	ایس سلیمان	زیبا، محمد علی، روزینہ، لہری، ساقی، طالش
75	1968	تاج محل	اردو	10/35	سلور جوبلی	- -	ایس ٹی زیدی	زیبا، محمد علی، حبیب، یوسف، عالیہ، طالش
76	1968	تم ملے پیار ملا	اردو	12/41	سلور جوبلی	- -	اقبال یوسف	زیبا، محمد علی، اقبال یوسف، حنیف، رنگیلا
77	1969	دل بیتاب	اردو	9/30	سلور جوبلی	- -	ہمایوں مرزا	شمیم آرا، محمد علی، رانی، یوسف، رنگیلا
78	1969	بازی	اردو	12/35	سلور جوبلی	- -	اقبال شہزاد	نشو، ندیم، محمد علی، قوی، وحیدہ خان
79	1969	پہاریں پھر بھی آئیں گی	-	18/37	ٹاپ	- -	ایس سلیمان	مصطفی قریشی، احمد رشدی، زيبا
80	1969	آنسو بن گے موتی	اردو	8/25	سلور جوبلی	- -	ایم اے رشید	شمیم آرا، محمد علی، نسیمہ خان، ادیب
81	1969	گیت کہیں سنگیت کہیں	اردو	4/18	فلاپ	- -	محسن	نسیمہ خان، محمد علی، رنگیلا، صاعقہ، ادیب
82	1969	انجان	اردو	7/25	سلور جوبلی	- -	منور رشید	زیبا، محمد علی، روزینہ، لہری، رخسانہ، علاؤ الدین
83	1969	آنچ	اردو	5/25	سلور جوبلی	- -	این کے زیدی	شمیم آرا، محمد علی، لہری، قوی، اسلم پرویز
84	1969	بہو رانی	اردو	9/29	سلور جوبلی	- -	ایس ایم یوسف	زیبا، محمد علی، ریحانہ صدیقی، لہری، قوی
85	1969	انسان اور آدمی	اردو	25/57	گولڈن جوبلی	- -	شباب کیرانوی	زیبا، منور ظریف
86	1969	بہاریں پھر بھی آئیں گي	اردو	10/35	سلور جوبلی	شمیم نازلی	ایس سلیمان	زیبا، محمد علی، مصطفیٰ قریشی، احمد رشدی
87	1969	ناز	اردو	18/37	سلور جوبلی	- -	شریف نیئر	شبنم، محمد علی، رنگیلا، ادیب، الیاس
88	1970	یادیں	اردو	3/14	فلاپ	- -	عزیز میرٹھی	زیبا، محمد علی، آسیہ، ناظم، رنگیلا، ریحان
89	1970	بے قصور	اردو	8/25	سلور جوبلی	- -	حیدر چوہدری	دیبا، محمد علی، مسعود اختر، علاؤ الدین
90	1970	وحشی	اردو	9/40	سلور جوبلی	- -	حسن طارق	شمیم آرا، محمد علی، رانی، کیفی، علاؤ الدین
91	1970	نورین	اردو	10/25	سلور جوبلی	- -	لئیق اختر	زیبا، محمد علی، غزالہ، لہری، ترانہ، طالش
92	1970	دنیا نہ مانے	اردو	5/25	سلور جوبلی	- -	لقمان	زیبا، محمد علی، لہری، صاعقہ، مصطفیٰ قریشی
93	1970	نجمہ	اردو	5/20	فلاپ	- -	مسعود پرویز	زیبا، محمد علی، روزینہ، مصطفیٰ قریشی، طالش
94	1970	محبت رنگ لائے گی	اردو	4/20	فلاپ	- -	ایس سلیمان	زیبا، محمد علی، جمال , لہری، صاعقہ، صبیحہ
95	1970	ایک پھول ایک پتھر	اردو	4/25	سلور جوبلی	- -	ایس سلیمان	زیبا، محمد علی، مصطفیٰ قریشی، طالش
96	1970	تیری صورت میری آنکھیں	اردو	19/53	گولڈن جوبلی	- -	ایس سلیمان	زیبا، محمد علی، ارشاد علی , مسعود اختر
97	1970	انصاف اور قانون	اردو	10/32	سلور جوبلی	- -	شباب کیرانوی	زیبا، محمد علی، سنگیتا، لہری، اسلم پرویز
98	1971	خاک اور خون	اردو	7/26	سلور جوبلی	- -	ہمایوں مرزا	شمیم آرا، محمد علی، مصطفیٰ قریشی، طالش
99	1971	کرشمہ	اردو	2/7	فلاپ	- -	جمیل اختر	نیلو، محمد علی، حسنیٰ، لہری، اسلم پرویز
100	1971	الزام	-	7/35	سلور جوبلی	- -	ایس سلیمان	زیبا، محمد علی، سنگیتا، شاہد، قوی
101	1971	میرے ہم سفر	اردو	26/60	گولڈن جوبلی	- -	پرویز ملک	شبنم، محمد علی، لہری، طالش، الیاس
102	1971	دل اور دنیا	اردو	14/75	پلاٹینم جوبلی	- -	رنگیلا	منور ظریف، رنگیلا، ننھا، سلطان راہی، آسیہ، حبیب، صاعقہ،
103	1971	الزام	اردو	7/35	سلور جوبلی	- -	ایس سلیمان	زیبا، محمد علی، سنگیتا، شاہد، مینا، قوی
104	1971	سلام محبت	اردو	5/25	سلور جوبلی	- -	ایس ٹی زیدی	زیبا، محمد علی، سنتوش، سنگیتا، لہری، قوی
105	1971	افسانہ زندگی کا	اردو	13/50	گولڈن جوبلی	- -	شباب کیرانوی	زیبا، محمد علی، زینت، علی اعجاز، ریحان، نکہت
106	1971	آنسو بہائے پتھروں نے	اردو	2/20	فلاپ	- -	ظفر شباب	زیبا، محمد علی، جمال , اسلم پرویز، طالش
107	1972	آس	اردو	12/57	گولڈن جوبلی	علی سفیان آفاقی	علی سفیان آفاقی	شبنم، محمد علی، عقیل، ننّھا، صاعقہ
108	1972	گھرانہ	اردو	22/52	گولڈن جوبلی	- -	کے خورشید	شبنم، محمد علی، شاہد، عندلیب، رنگیلا
109	1972	سرحد کی گود میں	اردو	5/36	سلور جوبلی	- -	ایم اے رشید	فردوس، محمد علی، مصطفیٰ قریشی، طالش
110	1972	محبت	اردو	9/36	سلور جوبلی	- -	ایس سلیمان	زیبا، محمد علی، عندلیب، صبیحہ، سنتوش
111	1972	سبق	اردو	16/52	گولڈن جوبلی	- -	ایس سلیمان	زیبا، محمد علی، حسنیٰ، زمرّد، علاؤ الدین
112	1972	بدلے کی دنیا ساتھی	اردو	5/17	فلاپ	- -	ایس ٹی زیدی	زیبا، محمد علی، اقبال حسن، رانی، تنظیم
113	1972	نیا راستہ	اردو	5/25	سلور جوبلی	- -	ظفر شباب	شبنم، محمد علی، صاعقہ، زینت، علاؤ الدین
114	1972	دل اک آئینہ	اردو	4/42	سلور جوبلی	- -	شباب کیرانوی	زیبا، محمد علی، شاہد، سنگیتا، ساقی، قوی
115	1973	آبرو	اردو	13/38	سلور جوبلی	- -	علی سفیان آفاقی	شبنم، محمد علی، لہری، مصطفیٰ قریشی
116	1973	زخمی	اردو	2/18	فلاپ	- -	فیاض شیخ	شبنم، محمد علی، طارق عزیز، اسلم پرویز
117	1973	ٹائیگر گینگ	اردو	2/20	فلاپ	- -	اقبال شہزاد	زیبا، محمد علی، نشو، علی اعجاز، قوی
118	1973	سماج	اردو	17/50	گولڈن جوبلی	- -	جعفر بخاری	نشو، محمد علی، ندیم، نیّر سلطانہ
119	1973	پرچھائیاں	اردو	3/19	فلاپ	- -	لقمان	زیبا، محمد علی، ارشاد علی، روشن، زینت
120	1973	تم سلامت رہو	اردو	15/51	گولڈن جوبلی	- -	ایم اے رشید	آسیہ، محمد علی، ممتاز، وحید مراد
121	1973	ندیا کے پار	اردو	3/25	سلور جوبلی	- -	ایس اے حفیظ	زیبا، محمد علی، لہری، طالش، مصطفیٰ قریشی
122	1973	خوشیا	پنجابی	4/20	فلاپ	- -	حیدر چوہدری	سنگیتا، حبیب، منور ظریف
123	1973	دامن اور چنگاری	اردو	14/63	گولڈن جوبلی	- -	شباب کیرانوی	زیبا، محمد علی، ندیم، عالیہ، اسلم پرویز منورظریف، علاوالدین
124	1973	آئینہ اور صورت	اردو	20/55	گولڈن جوبلی	- -	شباب کیرانوی	شبنم، محمد علی، اسلم پرویز، علاؤ الدین
125	1974	ملاپ	اردو	3/19	فلاپ	- -	اے ایچ صدیقی	شبنم، محمد علی، کمار، عالیہ، طالش
126	1974	دیدار	اردو	?	فلاپ	- -	حسن طارق	رانی، وحید مراد، شاہد، محمد علی
127	1974	تیرے میرے سپنے	اردو	13/75	پلاٹینم جوبلی	- -	اقبال رضوی	سنگیتا، محمد علی، کویتا، شاہد، قوی
128	1974	معاشرہ	اردو	3/25	سلور جوبلی	- -	جعفر بخاری	سنگیتا، محمد علی، ندیم، شاہد، نشو
129	1974	ننھا فرشتہ	اردو	4/28	سلور جوبلی	- -	کے خورشید	دیبا، محمد علی، وحید مراد، نیّر سلطانہ منور ظریف
130	1974	حقیقت	اردو	10/39	سلور جوبلی	- -	نذر الاسلام	بابرہ، محمد علی، وحید مراد، دیبا، طالش
131	1974	دشمن	اردو	15/54	گولڈن جوبلی	- -	پرویز ملک	ممتاز، وحید مراد، محمد علی، زیبا، ادیب
132	1974	آرزو	اردو	15/60	گولڈن جوبلی	- -	رضا میر	زیبا، محمد علی، حسنیٰ، اسلم، مصطفیٰ قریشی
133	1974	گمراہ	اردو	4/23	فلاپ	- -	ایس سلیمان	زیبا، محمد علی، ندیم، نیّر سلطانہ
134	1974	قسمت	اردو	14/50	گولڈن جوبلی	- -	ظفر شباب	شبنم، محمد علی، صبیحہ، علاؤ الدین، ننّھا
135	1974	شکوہ	اردو	5/25	سلور جوبلی	- -	ظفر شباب	دیبا، محمد علی، غلام محی الدین، نشو
136	1974	بن بادل برسات	اردو	16/54	گولڈن جوبلی	- -	زینت	زیبا، محمد علی، شاہد، سنگیتا، لہری، الیاس
137	1974	پھول میرے گلشن کا	اردو	20/62	گولڈن جوبلی	- -	اقبال اختر	زیبا، محمد علی، وحید مراد، ندیم، لہری
138	1974	بے مثال	اردو	4/28	سلور جوبلی	- -	شباب کیرانوی	شبنم، محمد علی، علاؤ الدین، رضا مراد
139	1974	شیریں ف رہاد	اردو	4/25	سلور جوبلی	- -	شریف نیئر	زیبا، محمد علی، طالش، ادیب، علاؤ الدین
140	1974	شمع	اردو	21/65	گولڈن جوبلی	- -	نذر شباب	دیبا، محمد علی، وحید مراد، ندیم، زیبا
141	1975	اجنبی	اردو	2/20	فلاپ	- -	علی سفیان آفاقی	دیبا، محمد علی، قوی، بابرہ شریف، شاہ نواز
142	1975	آگ اور آنسو	اردو	2/16	فلاپ	- -	علی سفیان آفاقی	دیبا، محمد علی، بابرہ، غلام محی الدین
143	1975	بدل گیا انسان	اردو	2/18	فلاپ	- -	حیدر	شبنم، محمد علی، حیدر، صاعقہ، لہری، طالش
144	1975	اک گناہ اور سہی	اردو	20/52	گولڈن جوبلی	- -	حسن طارق	رانی، محمد علی، شاہد، درپن، اسلم، صبیحہ
145	1975	صورت اور سیرت	اردو	6/50	گولڈن جوبلی	- -	اقبال یوسف	ممتاز، سدھیر، محمد علی، وحید مراد، نشو
146	1975	عورت اک پہیلی	اردو	9/36	سلور جوبلی	- -	جعفر بخاری	زیبا، محمد علی، سنگیتا، اسلم، علاؤ الدین سنگیتا، زيبا
147	1975	پیسہ	اردو	5/25	سلور جوبلی	- -	کے خورشید	شبنم، محمد علی، نشو، قوی، لہری
148	1975	داغ	اردو	3/18	فلاپ	- -	کے خورشید	شبنم، محمد علی، اسلم، منور ظریف
149	1975	بکھرے موتی	اردو	8/31	سلور جوبلی	- -	کیفی	شبنم، محمد علی، نشو، کیفی، صبیحہ، طالش
150	1975	ایثار	اردو	3/25	سلور جوبلی	- -	لئیق اختر	زیبا، محمد علی، صبیحہ، قوی، لہری، اسلم
151	1975	راستے کا پتھر	اردو	3/23	فلاپ	- -	ایم اے رشید	نشو، وحید، سلطان راہی، محمد علی (مہمان اداکار)
152	1975	جب جب پھول کھلے	-	11/59	گولڈن جوبلی	- -	اقبال اختر	زیبا، محمد علی، ندیم، وحید مراد
153	1975	پروفیسر	اردو	3/20	فلاپ	- -	رضا میر	نشو، محمد علی، شاہد، قوی، نیّر سلطانہ
154	1975	نیک پروین	اردو	5/25	سلور جوبلی	- -	ایس ایم یوسف	نشو، محمد علی، سنگیتا، رحمان، اسلم
155	1975	دامن کی آگ	اردو	2/22	فلاپ	- -	ظفر شباب	شبنم، محمد علی، ندیم، صاعقہ، علاؤ الدین
156	1975	جب جب پھول کھلے	اردو	11/59	گولڈن جوبلی	- -	اقبال اختر	زیبا، محمد علی، ندیم، وحید مراد
157	1975	نوکر	اردو	16/68	گولڈن جوبلی	- -	شباب کیرانوی	زیبا، محمد علی، بابرہ شریف، ننّھا، شاہ نواز
158	1975	پالکی	اردو	3/27	سلور جوبلی	- -	قمر زیدی	زیبا، محمد علی , ندیم، لہری، روحی بانو
159	1975	محبت زندگی ہے	اردو	12/59	گولڈن جوبلی	- -	اقبال اختر	زیبا، محمد علی، وحید مراد، ممتاز، قوی
160	1976	پہلی نظر	اردو	5/36	سلور جوبلی	- -	اسلم ڈار	بابرہ شریف، ندیم، محمد علی، آسیہ،
161	1976	ان داتا	اردو	10/68	گولڈن جوبلی	- -	اقبال یوسف	ممتاز، سدھیر، محمد علی، سلطان راہی، مصطفی قریشی
162	1976	جینے کی راہ	اردو	3/25	سلور جوبلی	- -	اقبال یوسف	آسیہ، سدھیر، محمد علی، ممتاز، غلام محی الدین۔
163	1976	خریدار	اردو	3/28	سلور جوبلی	- -	جمشید نقوی	دیبا، محمد علی، وحید مراد، حبیب، اسلم
164	1976	نیا سورج	اردو	2/17	فلاپ	- -	مسعود پرویز	شبنم، محمد علی، منور، مصطفیٰ قریشی
165	1976	پھول اور شعلے	-	-	-	- -	--	-
166	1976	پھول اور شعلے	اردو	6/35	سلور جوبلی	- -	ریاض بخاری	زیبا، محمد علی، یوسف خان، آصف خان، افضال
167	1976	گونج اٹھی شہنائی	اردو	6/39	سلور جوبلی	- -	ایس ایم یوسف	زیبا، محمد علی، وحید مراد، روحی بانو
168	1976	دھڑکن	اردو	4/28	سلور جوبلی	- -	سید حفیظ احمد	زیبا، محمد علی، شاہد، نشو، منور سعید
169	1976	آپ کا خادم	اردو	3/25	سلور جوبلی	- -	وزیر علی	زیبا، محمد علی، وحید مراد، رنگیلا
170	1976	بھروسا	اردو	18/74	گولڈن جوبلی	علی زیب پروڈکشن	ظفر شباب	زیبا، محمد علی، مسرت شاہین، ننّھا، تمنّا
171	1976	نشیمن	اردو	7/40	سلور جوبلی	- -	شباب کیرانوی	بابرہ شریف، محمد علی، ننّھا، اسلم، علی اعجاز
172	1976	اللہ اکبر	اردو	1/13	فلاپ	- -	رفیق چمن	صداکاری از محمد علی
173	1976	راجا جانی	اردو	9/38	سلور جوبلی	- -	ایس اے حفیظ	شبنم، محمد علی، حسنیٰ، منور سعید
174	1977	سلاخیں	اردو	11/50	گولڈن جوبلی	- -	حسن عسکری	بابرہ شریف، محمد علی، غلام محی الدین
175	1977	کالو	اردو	6/50	گولڈن جوبلی	- -	حسن طارق	رانی، محمد علی، شاہد، کویتا، صبیحہ، اسلم
176	1977	روٹی کپڑا اور انسان	اردو	7/38	سلور جوبلی	- -	کیفی	دیبا، محمد علی، کیفی، نجمہ، ندیم
177	1977	ملن	اردو	9/50	گولڈن جوبلی	- -	ایم اے رشید	شبنم، محمد علی، رحمان، نیّر سلطانہ
178	1977	امبر	اردو	25/91	پلاٹینم جوبلی	- -	نذر الاسلام	ممتاز، ندیم، دیبا، محمد علی، لہری
179	1977	انتخاب	اردو	18/76	پلاٹینم جوبلی	- -	پرویز ملک	شبنم، محمد علی، غلام محمد، تمنّا
180	1977	دل کے داغ	اردو	3/25	سلور جوبلی	- -	رضا میر	نشو، محمد علی، لہری، صاعقہ، مسعود اختر
181	1977	ٹیپو سلطان	اردو	4/25	سلور جوبلی	- -	رزاق قیصر	روحی بانو، محمد علی، نیّر سلطانہ، بدر منیر
182	1977	آگ اور زندگی	اردو	3/27	سلور جوبلی	- -	ایس سلیمان	ممتاز، محمد علی، دیبا، طالش، صبیحہ، عشرت
183	1977	بارات	اردو	3/26	سلور جوبلی	- -	ایس اے حفیظ	بابرہ شریف، شاہد، غلام محمد، محمد علی
184	1977	اپنے ہوئے پرائے	اردو	6/32	سلور جوبلی	- -	اقبال اختر	ممتاز، وحید مراد، محمد علی، گلّو
185	1978	سیتا مریم مارگریٹ	اردو	4/26	سلور جوبلی	- -	حسن طارق	رانی، محمد علی، دیبا، شاہد، الیاس، طالش
186	1978	ٹکراؤ	اردو	9/44	سلور جوبلی	- -	اقبال یوسف	زیبا، محمد علی، یوسف خان، چکوری، آصف خان
187	1978	خدا اور محبت	اردو	10/41	گولڈن جوبلی	- -	اقبال یوسف	بابرہ، وحید مراد، محمد علی، روحی بانو
188	1978	کورا کاغذ	اردو	4/27	سلور جوبلی	- -	ایم اکرم	زیبا، محمد علی، بابرہ شریف، زبیر، قوی، افضال
189	1978	انقلاب	اردو	2/18	فلاپ	- -	ایم اشرف	نیلو، محمد علی، مسرت شاہین، آصف، طالش
190	1978	حیدر علی	اردو	6/40	سلور جوبلی	- -	مسعود پرویز	ممتاز، محمد علی، صبیحہ، حبیب، ادیب، طالش
191	1978	بہن بھائی	اردو	10/52	گولڈن جوبلی	- -	نذر شباب	رانی، وحید مراد، محمد علی، ننّھا، علی اعجاز
192	1978	دو ڈاکو	پنجابی	3/44	سلور جوبلی	- -	رحمت علی	دیبا، سلطان راہی، محمد علی، بدر منیر، آصف
193	1978	چوری چوری	اردو	9/50	گولڈن جوبلی	اطہر شاہ جیدی	ایس ٹی زیدی	زیبا، محمد علی، قوی، نرالا، ساقی، خالد سلیم موٹا
194	1978	آواز	اردو	30/93	پلاٹینم جوبلی	- -	ظفر شباب	شبنم، وحید مراد، محمد علی، نغمہ
195	1978	اچھے میاں	اردو	10/55	گولڈن جوبلی	- -	اقبال اختر	شبنم، محمد علی، جمشید انصاری، مسعود اختر
196	1978	نقش قدم	اردو	4/30	سلور جوبلی	- -	اقبال اختر	رانی، محمد علی، غلام محی الدین، آصف خان
197	1978	وعدے کی زنجیر	اردو	5/33	سلور جوبلی	- -	شباب کیرانوی	انجمن، وحید مراد، محمد علی، صبیحہ
198	1978	آدمی	اردو	3/28	سلور جوبلی	- -	ایم اے رشید	محمد علی، سنگیتا وحید مراد کویتا، نشو، طالش
199	1979	عبادت	اردو	8/31	سلور جوبلی	- -	حسن طارق	زیبا، محمد علی، رانی، شاہد، کویتا، ساقی
200	1979	راجا کی آئے گی بارات	اردو	2/18	فلاپ	- -	افتخار خان	ممتاز، محمد علی، وحید مراد، صبیحہ
201	1979	جوش	اردو	7/50	گولڈن جوبلی	- -	اقبال یوسف	رانی، محمد علی، بابرہ شریف، شاہد، اسلم، ادیب
202	1979	دہشت	پنجابی	2/17	فلاپ	- -	ایم انیس	چکوری، سلطان راہی، کیفی، محمد علی (مہمان اداکار)
203	1979	آپ سے کیا پردہ	اردو	8/50	گولڈن جوبلی	- -	ظفر شباب	انجمن، محمد علی، رنگیلا، علی اعجاز، شاہ نواز
204	1979	ضمیر	اردو	4/28	سلور جوبلی	- -	اقبال اختر	دیبا، محمد علی، وحید مراد، روحی بانو
205	1979	جنرل بخت خان	اردو	2/21	فلاپ	- -	سرشار ملک	نیلو، سلطان راہی، سدھیر، یوسف، محمد علی (مہمان اداکار)
206	1981	کھوٹے سکے	اردو	8/34	سلور جوبلی	- -	عزیز تبسم	بابرہ شریف، غلام محی الدین، محمد علی
207	1981	گھیراؤ	اردو	5/35	سلور جوبلی	- -	اقبال یوسف	شبنم، محمد علی، وحید مراد، آصف خان
208	1981	نصیب	اردو	13/75	پلاٹینم جوبلی	- -	ایم اے رشید	شبنم، محمد علی، غلام محمد، بازغہ
209	1981	مہربانی	اردو	9/64	گولڈن جوبلی	- -	پرویز ملک	بابرہ شریف، ندیم، محمد علی، نیّر سلطانہ
210	1981	وطن	-	4/33	-	- -	حسن طارق	رانی، شاہد، ندیم، طالش، محمد علی
211	1981	فاصلے	اردو	?	فلاپ	- -	ظفر شباب	شبنم، محمد علی، بازغہ، ننّھا
212	1981	کرن اور کلی	اردو	11/58	گولڈن جوبلی	- -	زاہد شاہ	شبنم، محمد علی، وحید مراد، لہری
213	1981	ٹانگے والی	اردو	4/42	سلور جوبلی	- -	ایم جے رانا	شبنم، محمد علی، نشو، بندیا، افضال، ننّھا
214	1981	شیراں دا پتر شیر	پنجابی	3/18	فلاپ	- -	مقصود بٹ	آسیہ، سلطان راہی، مصطفیٰ قریشی، محمد علی (مہمان اداکار)
215	1982	مانگ میری بھر دو	اردو	3/25	سلور جوبلی	- -	گوہر	شبنم، محمد علی، وحید مراد، لہری، عشرت
216	1982	کنارا	اردو	3/33	سلور جوبلی	- -	حسن عسکری	رانی، محمد علی، غلام محی الدین، سلطان راہی
217	1982	اک دوجے کے لیے	اردو	10/58	گولڈن جوبلی	- -	حسن عسکری	بابرہ شریف، ایاز، زمرّد، افضال، محمد علی
218	1982	بگڑی نسلیں	اردو	3/28	سلور جوبلی	- -	محمد طارق	رانی، شاہد، بہار، قوی، علاؤ الدین، محمد علی
219	1982	ذرا سی بات	اردو	12/55	گولڈن جوبلی	- -	نذر شباب	شبنم، محمد علی، ممتاز، وسیم عباس
220	1982	سہارے	اردو	2/25	سلور جوبلی	- -	وزیر علی	شبنم، محمد علی، نشو، فیصل اقبال، شازیہ
221	1982	آج کی رات	اردو	3/25	سلور جوبلی	- -	اقبال اختر	شبنم، محمد علی، زمرّد، لہری، علاؤ الدین
222	1982	تیرے بنا کیا جینا	اردو	9/50	گولڈن جوبلی	- -	ایس سلیمان	بابرہ شریف، عمران، طالش، محمد علی
223	1982	نصیب والی	اردو	3/27	سلور جوبلی	- -	شمس چوہدری	شبنم، شفیع محمد، محمد علی
224	1983	بارڈر بلٹ	اردو	2/20	فلاپ	- -	انور کمال پاشا	بابرہ شریف، یوسف خان، محمد علی، مصطفیٰ قریشی
225	1983	وڈا خان	پنجابی	3/17	فلاپ	- -	دلجیت مرزا	رانی، یوسف، سلطان راہی، محمد علی، مصطفیٰ قریشی
226	1983	دوریاں	اردو	7/50	گولڈن جوبلی	- -	حسن عسکری	شبنم، محمد علی، فیصل، آرزو، طالش
227	1983	مقدر کا سکندر	اردو	4/31	سلور جوبلی	- -	اقبال کاشمیری	ممتاز، محمد علی، سلطان راہی، بندیا، علی اعجاز
228	1983	ٹینا	اردو	7/77	پلاٹینم جوبلی	- -	جان محمد	بابرہ شریف، وسیم عباس، محمد علی، لہری
229	1983	بھیگے بدن	اردو	2/25	سلور جوبلی	- -	رائے رفیق	سونیا، ویکی، محمد علی، ننّھا، طارق شاہ
230	1983	کائنات	اردو	7/39	سلور جوبلی	- -	ایس اے بخاری	بابرہ شریف، غلام محی الدین، محمد علی، روحی بانو
231	1983	نام میرا بدنام	اردو	9/43	سلور جوبلی	- -	سنگیتا	شبنم، محمد علی، سنگیتا، ایاز، کویتا
232	1983	بدلتے رشتے	اردو	3/26	سلور جوبلی	- -	شمس چوہدری	بابرہ شریف، وسیم عباس، محمد علی، افضال
233	1983	ہیبت خان	پنجابی	8/27	سلور جوبلی	- -	ظہور گیلانی	ممتاز، سلطان راہی، محمد علی، بدر منیر
234	1984	آگ کا سمندر	اردو	2/25	سلور جوبلی	- -	اقبال یوسف	رانی، محمد علی، شاہد، ساقی، اسلم پرویز
235	1984	دل ماں دا	اردو	2/12	فلاپ	- -	محمد سلیم	سنگیتا، شہباز، سلطان راہی، محمد علی (مہمان اداکار)
236	1984	اک دلہن	اردو	4/34	سلور جوبلی	- -	ممتاز علی خان	رانی، بدر منیر، محمد علی، نعمت سرحدی
237	1984	بوبی	اردو	28/140	ڈائمنڈ جوبلی	- -	نذر شباب	سبیتا، جاوید، محمد علی، سکندر شاہین
238	1984	آندھی اور طوفان	اردو	6/39	سلور جوبلی	- -	ایس اے حفیظ	شبنم، غلام محی الدین، محمد علی، حبیب
239	1984	جینے نہیں دوں گی	اردو	7/55	گولڈن جوبلی	- -	سنگیتا	سنگیتا، جاوید شیخ، محمد علی، فیصل، افضال
240	1984	خون اور پانی	اردو	6/61	گولڈن جوبلی	- -	یونس ملک	رانی، محمد علی، بابرہ شریف، غلام محی الدین
241	1984	مہک	اردو	3/29	سلور جوبلی	- -	ظفر شباب	بابرہ شریف، فیصل، صبیحہ، زمرّد، محمد علی
242	1984	باردو	اردو	5/35	سلور جوبلی	- -	رائے رفیق	شبنم، محمد علی، سلطان راہی، آصف خان
243	1985	زمن پیغام	پشتو	1/3	فلاپ	- -	عزیز تبسم	بابرہ شریف، غلام محی الدین، محمد علی
244	1985	غلامی	پنجابی	4/19	فلاپ	- -	حسنین	رانی، سلطان راہی، یوسف، مصطفیٰ قریشی، محمد علی
245	1985	ہم ایک ہیں	اردو	11/65	گولڈن جوبلی	- -	اقبال کاشمیری	سلمیٰ آغا، جاوید شیخ، محمد علی (مہمان اداکار)
246	1985	ڈائریکٹ حوالدار	اردو	7/54	گولڈن جوبلی	- -	عرفان کھوسٹ	سونیا، بابر، عرفان کھوسٹ، محمد علی (مہمان اداکار)
247	1985	شاہ بہرام	پنجابی	4/25	سلور جوبلی	- -	کیفی	انجمن، سلطان راہی، کیفی، محمد علی
248	1985	بات بن جائے	اردو	3/28	سلور جوبلی	- -	مسرت شاہین	سنگیتا، محمد علی، مسرت نذیر، فیصل، سویرا
249	1985	زنجیر	اردو	7/42	سلور جوبلی	- -	پرویز ملک	ممتاز، جاوید شیخ، محمد علی، نذر، ادیب
250	1985	شک	اردو	3/19	فلاپ	- -	تحسین خان	مسرت شاہین، آصف، بدر منیر، محمد علی (مہمان اداکار)
251	1986	میاں بیوی اور وہ	اردو	3/25	سلور جوبلی	- -	فاروق خان	سنگیتا، آصف، بدر منیر، فردوس، محمد علی
252	1986	اک رشتہ	اردو	3/28	سلور جوبلی	- -	حسنین	بابرہ شریف، جاوید شیخ، زمرّد، محمد علی
253	1986	قاتل کی تلاش	اردو	8/43	سلور جوبلی	- -	ایم اے رشید	بابرہ شریف، ندیم، محمد علی، ممتاز
254	1986	قرض	پنجابی	5/19	فلاپ	- -	مقصود بٹ	انجمن، سلطان راہی، مصطفی قریشی، محمد علی
255	1986	آگ اور شعلے	اردو	2/21	فلاپ	- -	ایس اے حفیظ	انجانا، جاوید شیخ، محمد علی، غلام محمد
256	1986	وائٹ گولڈ	اردو	3/28	سلور جوبلی	- -	ظفر شباب	وجیرہ، نور نغمی، محمد علی، ننّھا
257	1987	دیوار	اردو	4/26	سلور جوبلی	- -	امن مرزا	بابرہ شریف، جاوید شیخ، محمد علی، طالش
258	1987	روکی دادا	اردو	2/18	فلاپ	- -	ارشد قریشی	سونیا، شاہد، محمد علی، حبیب، ادیب، بہار
259	1987	مستی خان	اردو	4/25	سلور جوبلی	- -	اصغر علی	شبنم، غلام محی الدین، محمد علی
260	1987	چن پنجاب دا	پنجابی	?/?	فلاپ	- -	محمد سلیم	ستارہ , شہباز، اکمل، شاہد، نازلی، محمد علی
261	1987	ڈوئے ڈاکو (پشتو)	پشتو	2/4	فلاپ	- -	رحمت علی	دیبا، سلطان راہی، محمد علی، بدر منیر، آصف
262	1987	تیری بانہوں میں	اردو	3/25	سلور جوبلی	- -	یونس راٹھور	سونیا، بابر، شبنم، محمد علی، رنگیلا
263	1987	قسم منے دی	اردو	4/26	سلور جوبلی	- -	سنگیتا	بابرہ شریف، فیصل، سنگیتا، محمد علی، افضال
264	1988	داپلر ارمان	پشتو	1/2	فلاپ	- -	فاروق خان	سنگیتا، آصف، بدر منیر، فردوس، محمد علی
265	1988	کرائے کے قاتل	اردو	2/17	فلاپ	- -	فضا حسین قریشی	بابرہ شریف، اسماعیل شاہ، محمد علی، دیبا
266	1988	محبت ہو تو ایسی	اردو	2/9	فلاپ	- -	فیروز	زیبا، محمد علی، شیری ملک، صبیحہ، اسلم
267	1988	دپلار ارمان ( پشتو)	-	-	-	- -	--	-
268	1989	جانے انجانے ( بنگالی)	بنگالی	?/88	پلاٹینم جوبلی	- -	اکبر علی	ساچندا، محمد علی، فیصل، ببیتا، لہری، انور
269	1989	جنون	اردو	2/13	فلاپ	- -	علی بھائی	ریٹا، بدر منیر، محمد علی (مہمان اداکار)
270	1989	بدنام	اردو	8/41	سلور جوبلی	- -	اقبال یوسف	بابرہ، وحید مراد، رانی، محمد علی، نغمہ
271	1989	گن مین	اردو	4/32	سلور جوبلی	- -	اقبال یوسف	بابرہ، محمد علی، وحید مراد، ممتاز، رانی
272	1989	کلرک ( انڈین )	ہندی	?/?	فلاپ	- -	منوج کمار	زیبا، محمد علی، اشوک کمار، راجندر کمار
273	1989	منزل	اردو	14/85	پلاٹینم جوبلی	- -	ایس سلیمان	بابرہ شریف، وسیم عباس، ممتاز، محمد علی
274	1989	شانی	اردو	8/43	سلور جوبلی	- -	سعید رظوی	بابرہ شریف، شیری ملک، محمد علی، طالش، آصف
275	1989	بڑا آدمی	اردو	9/60	گولڈن جوبلی	- -	شمس چوہدری	بابرہ شریف، شاہد، محمد علی، روحی بانو، بندیا
276	1989	سنگرام	اردو	7/50	گولڈن جوبلی	- -	اقبال یوسف	ممتاز، محمد علی، آصف، ادیب، نیّر سلطانہ
277	1990	دامور انتقام ( پشتو)	پشتو	1/2	فلاپ	- -	اقبال کاشمیری	سلمیٰ آغا، جاوید شیخ، محمد علی (مہمان اداکار)
278	1990	کفر و اسلام	پشتو	2/3	فلاپ	- -	اقبال یوسف	ممتاز، محمد علی، آصف، ادیب، نیّر سلطانہ
279	1990	ٹرک ڈرائیور ( پشتو)	پشتو	1/3	فلاپ	- -	محمد طارق	رانی، شاہد، بہار، قوی، علاؤ الدین، محمد علی
280	1991	یوہناوے	پشتو	1/2	فلاپ	- -	ممتاز علی خان	رانی، بدر منیر، محمد علی، نعمت سرحدی
281	1991	دشمن کاکا	پشتو	1/3	فلاپ	- -	تحسین خان	مسرت شاہین، بدر منیر، محمد علی (مہمان اداکار)
282	1992	حسینوں کی بارات ( مہمان اداکار)	P./اردو	6/23	فلاپ	- -	اقبال کاشمیری	انجمن، سلطان راہی، جاوید، محمد علی (مہمان اداکار)
283	1995	دم مست قلندر ( مہمان اداکار )	P./اردو	3/13	فلاپ	- -	ظہور گیلانی	انجمن، سلطان راہی، مدیحہ، محمد علی (مہمان اداکار)

تاثرات

1983ء میں بھارت کے دورے پر گئے۔ اس دورے کے دوران اندرا گاندھی نے ان کے ہمراہی جنرل ضیاء الحق سے خواہش ظاہر کی کہ محمد علی ہماری فلموں میں کام کریں، تاکہ فلموں کے ذریعے ہمارے تعلقات بہتر ہو سکیں، لہٰذا پاکستان آنے کے بعد ضیاء الحق نے خصوصی طور پر محمد علی کو ملاقات کے لیے بلایا اور بھارتی فلموں میں کا م کرنے کے لیے راضی کیا، یوں انھوں نے اپنی بیوی زیبا کے ساتھ منوج کمار کی فلم "کلرک" میں کام کیا لیکن جب منوج کمار نے فلم دیکھی تو محمد علی کی اداکاری کے سامنے خود کو بونا محسوس کیا اس لیے اپنے تعصب کی بنا پرمحمد علی کا سارا اہم کام کاٹ کر ان کا کردار ثانوی کر دیا، جس کے باعث فلم بھی ناکام ہو گئی۔

مسلم سربراہی کانفرنس 1974ء کے دوران فلسطین آزادی کے رہنما یاسر عرفات مرحوم نے محمد علی سے ملنے کی خواہش کی تھی۔

اعزازات

مسلم سربراہی کانفرنس 1974ء کے دوران ہی مسقط عمان کے سلطان قابوس نے انھیں غیر سرکاری سفیر کی حیثیت سے تعریفی شیلڈ پیش کی اور ایران کے شہنشاہ نے پہلوی ایوارڈ دیا۔

فنی خدمات کے اعتراف میں محمد علی کو پرائیڈ آف پرفارمنس اور تمغا امتیاز سمیت بے شمار ایوارڈز اور اعزازات سے نوازا گیا

وفات

وہ 19 مارچ، 2006ء کو اچانک دل کا دررہ پڑنے پر دنیا سے کوچ کر گئے۔ انھیں لاہور میں صوفی بزرگ میاں میر کے مزار سے ملحق قبرستان میں دفن کیا گیا۔