عوامی نیشنل پارٹی

ملي عوامي ګوند
اردو نام	عوامی نيشنل پارٹی
پشتو نام	ملي عوامي ګوند
مخفف	اے این پی
رہنما	افراسیاب خٹک بشری گوہر میاں افتخار حیدر ہوتی
صدر	بخت زمان
جنرل سیکرٹری	میاں افتخار حسین
بانی	خان عبد الولی خان
نعرہ	امن، جمہوریت، اور ترقی
تاسیس	1986
تقسیم از	نیشنل عوامی پارٹی
صدر دفتر	باچا خان مرکز پشاور، پاکستان
طلبا تنظیم	پختون اسٹوڈینٹس فیڈریشن
یوتھ ونگ	نیشنل یوتھ آرگنائزیشن
نظریات	جمہوری اشتراکیت پشتون قوم پرستی سیکولرازم تاریخی:  • مارکسیت
سیاسی حیثیت	وسط بائیں تا بایاں بازو
ایوان بالا	1 / 104
قومی اسمبلی	1 / 342
خیبر پختونخوا اسمبلی	11 / 124
بلوچستان اسمبلی	4 / 65
انتخابی نشان
سرخ ٹوپی
جماعت کا پرچم
ویب سائٹ
عوامی نیشنل پارٹی
سیاست پاکستان

پاکستان
سلسلہ مضامین سیاست و حکومت پاکستان
آئین
پارلیمان سینیٹ چیئرمین: صادق سنجرانی قومی اسمبلی اسپیکر: کوئی نہیں ڈپٹی اسپیکر: کوئی نہیں
حکومت صدر (فہرست) آصف علی زرداری وزیراعظم پاکستان (فہرست) میاں شہباز شریف صوبائی کابینہ
گورنران بلوچستان عبدالولی کاکڑ پنجاب محمد بلیغ الرحمان سندھ کامران ٹیسوری خیبرپختوانخوا حاجی غلام علی گلگت بلتستان سید مہدی شاہ
وزرائے اعلیٰ پنجاب مریم نواز سندھ مراد علی شاہ خیبرپختوانخوا ارشد حسین شاہ بلوچستان میر علی مردان ڈومکی گلگت بلتستان خالد خورشید
عدلیہ سپریم جوڈیشل کونسل پاکستان عدالت عظمٰی منصف اعظم وفاقی شرعی عدالت پاکستان منصفان اعظم عدالت عالیہ اسلام آباد صوبائی عدالت عالیہ بلوچستان عدالت عالیہ پشاور عدالت عالیہ لاہور عدالت عالیہ سندھ عدالت عالیہ ضلعی عدالتیں
سیاسی جماعتیں متحدہ مجلس عمل متحدہ قومی موومنٹ پاکستان پیپلز پارٹی پاکستان مسلم لیگ (ن) پاکستان مسلم لیگ (ق) جماعت اسلامی پاکستان تحریک انصاف عوامی نیشنل پارٹی مجلس وحدت مسلمین چھوٹی جماعتیں
انتخابات الیکشن کمیشن انتخابی عمل حالیہ انتخابات صدارتی: 2008 2007 2004 عام: 2013 2008 2002
انتظامی تقسیم بلوچستان خیبرپختوانخوا پنجاب سندھ دارالحکومتی علاقہ آزاد کشمیر گلگت بلتستان
مقامی حکومت اضلاع تحصیل یونین کونسل
خارجہ تعلقات پاک بھارت تعلقات مسئلہ کشمیر سفارت کاری
دیگر ممالک نقشہ باب سیاست

عوامی نیشنل پارٹی پاکستان کی ایک سیاسی جماعت ہے۔ اس جماعت کا زیادہ اثر و رسوخ صوبہ خیبر پختونخوا اور بلوچستان کے پشتون علاقوں میں ہے۔ اس کے علاوہ یہ جماعت صوبہ سندھ اور پنجاب میں بھی چھوٹے پیمانے پر اپنا اثر رکھتی ہے۔ یہ جماعت ماضی میں قائم کی گئی نیشنل عوامی پارٹی کی تبدیل شدہ شکل ہے، جو برصغیر کی مشہور خدائی خدمتگار تحریک جو برطانوی دور حکومت میں چلائی گئی تھی سے اخذ شدہ ہے۔

قیام و تاریخ

1986ء میں قومی جمہوری پارٹی دوسری سیاسی جماعتوں اور دھڑوں میں ضم ہوئے تو ایک نئی جماعت تشکیل دی گئی جس کا نام عوامی نیشنل پارٹی رکھا گیا۔ عبدالولی خان اس جماعت کے صدر جبکہ سندھ سے تعلق رکھنے والے قوم پرست رہنما رسول بخش پلیجو جنرل سیکرٹری منتخب کیے گئے۔ اس جماعت نے 1986ء سے 1988ء تک چلائی گئی تحریک برائے بحالی جمہوریت میں کلیدی کردار ادا کیا۔
1988ء کے انتخابات کے بعد عوامی نیشنل پارٹی نے پاکستان پیپلز پارٹی کے ساتھ صوبائی اور وفاقی سطح پر اتحاد قائم کیا۔ یہ اتحاد 1989ء میں اس وقت ختم ہو گیا جب صوبائی معاملات و مالیاتی تقسیم پر سیاسی اختلافات نے جنم لا۔ 1990ء کے انتخابات کے بعد جب نواز شریف کی جماعت نے برتری حاصل کی تو عوامی نیشنل پارٹی نے مسلم لیگ کے ساتھ اتحاد قائم کیا۔ یہ اتحاد تادیر قائم رہا اور 1998ء تک قائم رہا۔ 1998ء میں یہ اتحاد کالا باغ ڈیم اور خیبر پختونخوا کے نام کی تبدیلی کے موضوعات پر اختلافات کی وجہ سے جاری نہ رہ سکا۔ اس جماعت نے تب متحدہ جمہوری اتحاد میں شمولیت اختیار کر لی اور نواز شریف کی حکمرانی میں کیے جانے والی آمرانہ اقدامات کے خلاف صدائے احتجاج بلند کیا۔ پرویز مشرف نے جب فوج کی مدد سے نواز شریف کی حکومت کا خاتمہ کر دیا اور یہ جماعت تب بھی اتحاد برائے بحالی جمہوریت کی فعال رکن رہی، لیکن 11 ستمبر کے امریکا پر ہوئے حملوں کے بعد اتحاد کی طالبان کی حمایت کی وجہ سے الگ ہو گئی۔ 2002ء کے انتخابات میں اس جماعت نے پاکستان پیپلز پارٹی سے دوبارہ اتحاد قائم کیا لیکن صوبہ خیبر پختونخوا میں تب متحدہ مجلس عمل کے نام سے قائم مذہبی جماعتوں کے اتحاد کے ہاتھوں اس اتحاد کو شکست کا سامنا کرنا پڑا۔ متحدہ مجلس عمل کی کامیابی دراصل امریکا مخالف نظریہ پر ممکن ہوئی تھی۔
2008ء کے عام انتخابات میں اس جماعت نے پہلی بار کسی بھی دوسری اتحاد میں شمولیت اختیار نہ کی اور خیبر پختونخوا میں بھاری اکثریت سے کامیاب قرار پائی، اس کے علاوہ گذشتہ 15 سالوں میں پہلی بلوچستان اور جماعتی تاریخ میں صوبہ سندھ کے شہر کراچی میں پہلی بار یہ جماعت نشتیں جیتنے میں کامیاب رہی۔ عوامی نیشنل پارٹی نے انتخابات جیتنے کے بعد وفاق میں بھاری اکثریت حاصل کرنے والی پاکستان پیپلز پارٹی کے ساتھ ایک بار پھر اتحاد قائم کیا اور صوبے اور وفاق میں حکومت قائم کی۔ صوبے میں قائم اتحاد میں صرف پاکستان پیپلز پارٹی اور عوامی نیشنل پارٹی شامل رہے جبکہ وفاق میں ان دونوں جماعتوں کے علاوہ متحدہ قومی موومنٹ اور جمعیت علمائے اسلام بھی اتحاد میں شامل ہیں۔
عوامی نیشنل پارٹی سیاسی طور پر خیبر پختونخوا اور خاص طور پر پشتون علاقوں میں انتہائی مضبوط جماعت تصور کی جاتی ہے۔ اسی وجہ سے اس جماعت کو قوم پرست جماعت بھی گردانا جاتا ہے۔

پارٹی صدور

عوامی نیشنل پارٹی پاکستان کی چند جماعتوں میں شامل ہے جہاں اندرونی طور پر عام انتخابات کا رواج ہے، جو ہر چار سال بعد منعقد کیے جاتے ہیں۔ پارٹی کے قیام سے لے کر مندرجہ زیل صدور پارٹی کی شوریٰ نے منتخب کیے۔

• 1986ء - 1990ء عبدالولی خان
• 1991ء - 1999ء اجمل خٹک
• 1999ء - 2002ء اسفند یار ولی خان
• 2002ء - 2003ء احسان وائن
• 2003ء - 2007ء اسفند یار ولی خان
• 2007ء - تاحال اسفند یار ولی خان

جماعت کے مرکزی رہنما

• افضل خان لالہ
• بیرسٹر باچا
• غلام احمد بلور
• افراسیاب خٹک
• شاہی سید (صوبائی صدر عوامی نیشنل پارٹی سندھ)
• بشیر احمد بلور
• امیر حیدر خان ہوتی صوبائی صدر عوامی نیشنل پارٹی خیبر پختونخوا)
• سینیٹر عبدالنبی بنگش
• باز محمد خان بنوسی
• لطیف آفریدی
• ارباب ظاہر خان
• عبدالمتین خان
• بشریٰ گوہر
• حاجی محمد عدیل
• میاں افتخار
• زاہد خان

ذیلی ترتیب

• پختون سٹوڈنٹ فیڈریشن
• نیشنل یوتھ آگنائزیشن
• ملگری وکیلان (وکلا کی تنظیم)
• ملگری استازان (اساتذہ کی تنظیم)

نظریہ

عوامی نیشنل پارٹی ایک لبرل پختون نظریہ کی حامل جماعت ہے جو صوبائی خود مختاری اور ثقافتی پہلوؤں پر زور دیتی ہے۔ یہ جماعت ہر بار اتحاد میں شامل رہ کر تبدیلی لانے کی خواہاں رہی ہے۔ 2002ء کے انتخابات میں اس جماعت کو بھاری نقصان اٹھانا پڑا اور قومی اسمبلی مین کوئی نشست حاصل کرنے میں ناکام رہی- ان انتخابات میں کھل کر اس جماعت نے افغانستان اور پاکستان میں طالبان کی مخالفت کی اور امریکی حملے کی افغانستان پر حملے کو جائز قرار دیا۔
اس جماعت کے مرکزی اور صوبائی رہنماؤں پر 2007ء سے اب تک طالبان کی جانب سے کئی حملے کیے گئے ہیں۔ ان حملوں کے باوجود اس جماعت نے صوبہ خیبر پختونخوا میں تشدد کے خاتمے کے لیے طالبان سے مذاکرات پر زور دیا ہے۔ کلی طور پر اس جماعت نے القاعدہ اور امریکا دونوں کی جانب سے زور کو مسترد کر دیا۔ 2008ء میں عام انتخابات میں بھاری کامیابی کے بعد سے اب تک یہ جماعت اور اس کے رہنما طالبان کے وحشیانہ حملوں کا نشانہ بنتے رہے ہیں۔ فروری 2009ء کے اعداد و شمار کے مطابق 100 سے زائد جماعتی کارکنان اور عہدیدار تحریک طالبان پاکستان کے حملوں میں خود کش یا قاتلانہ حملوں کے نتیجے میں جان سے ہاتھ دھو بیٹھے۔ عوامی نیشنل پارٹی پاکستان کی مرکزی پالیسیوں پر بھی تنقید کرتی رہی ہے جس کے تحت افغان جنگ اور اس کے خاتمے کے بعد جنگجوؤں کی حمایت کی گئی تھی۔ تحریک طالبان پاکستان کے ساتھ ہوئے مذاکرات میں مالاکنڈ ڈویژن میں شریعت کا نفاذ عمل میں لایا گیا لیکن طالبان کی خودسری اس معائدے کی ناکامی کا سبب بنا اور اب صوبہ خیبر پختونخوا کے مالاکنڈ ڈویژن اور جنوبی وزیرستان میں عوامی نیشنل پارٹی کی صوبائی حکومت کی توثیق سے تحریک طالبان پاکستان کے خلاف فوجی کارروائیاں جاری ہیں۔

اعتراضات

9 مئی 2008ء کو پاکستان کے انگریزی اخبار ڈان نے سفارتی ذرائع کے توسط سے بتایا کہ جماعت کے صدر اسفند یار ولی خان نے امریکا کا خفیہ دورہ کیا ہے اور امریکا کی مرکزی قیادت سے رابطہ کیا۔ یہ خبر جماعت کے لیے ایک دھچکہ تھا کیونکہ پشتون قبائل میں امریکا کے خلاف پائی جانے والی نفرت ان اعتراضات کو جنم دے رہی ہے کہ عوامی نیشنل پارٹی کو ملنی والی اکثریت ہرگز امریکا نواز پالیسیوں کے نفاذ کے لیے نہ تھی۔
دہشت پر جنگ کے بعد سے جماعت کی امریکی حمایت سابق صدر بیگم نسیم ولی خان کو بھی حیران کرتی ہے۔ عوامی نیشنل پارٹی کے مخالفین اس بات کا دعویٰ کرتے ہیں کہ اس جماعت نے پاکستان مخالف اجتماع اور صوبہ خیبر پختونخوا کے اکثر شہروں میں پاکستان مخالف اشتہار تقسیم کیے۔
عوامی نیشنل پارٹی ملک بھر میں منشیات اوراسلحہ بھی سپلائی کرتی ہے۔۔ جماعت کو اس کی سخت قوم پرست نظریات کی بنا پر صوبہ اور قومی سطح پر تنقید کا نشانہ بنایا جاتا ہے۔ کراچی میں اس جماعت کے حامی پشتونوں کو نسلی فسادات کا بھی مورد الزام ٹھہرایا جاتا ہے۔ 2008ء میں صوبہ خیبر پختونخوا میں حکومت قائم ہونے کے بعد اس جماعت پر وسیع پیمانے پر بدعنوانی اور مالی بے قاعدگیوں کے الزامات بھی لگائے گئے ہیں-

انتخابات میں کارکردگی

انتخابات	قومی اسمبلی میں نشستیں	صوبہ خیبر پختونخوا کی صوبائی اسمبلی میں نشستیں	حاصل کردہ ووٹوں کا تناسب
2008ء	13	48 + (کراچی اور بلوچستان میں بھی 3 نشستوں پر کامیاب قرار پائی)
2002	0	7	1.0%
1997	10	32	2.31
1993	03	18	1.67%
1990	06	23	1.68%
1988	02	10	2.80%

مزید دیکھیے

• پختونخوا
• خان عبدالغفار خان
• ڈاکٹر خان صاحب

بیرونی روابط

عوامی نیشنل پارٹی کا موقع جال آرکائیو شدہ بذریعہ awaminationalparty.org عوامي نيشنل پارټي پاکستان