جنوبی امریکہ

آزاد دائرۃ المعارف، ویکیپیڈیا سے
:چھلانگ بطرف رہنمائی، تلاش
براعظم جنوبی امریکہ

جنوبی امریکہ مغربی نصف کرہ میں واقع ایک براعظم ہے جس کا بیشتر حصہ جنوبی کرہ ارض میں واقع ہے۔ مغرب میں اس براعظم کی سرحدیں بحر الکاہل اور شمال اور مشرق میں بحر اوقیانوس اور شمالی امریکہ اور شمال مغرب میں بحیرہ کیریبیئن سے ملتی ہیں۔

جنوبی امریکہ کا نام شمالی امریکہ کی طرح یورپی جہاز راں امریگو ویسپوچی کے نام پر رکھا گیا جس نے پہلی مرتبہ یہ انکشاف کیا کہ امریکہ دراصل ہندوستان نہیں بلکہ ایک نئی دنیا ہے جسے یورپی نہیں جانتے۔

جغرافیہ[ترمیم]

انڈیز کا عظیم پہاڑی سلسلہ
ایمیزن کے گھنے جنگلات کا ایک دریا

جنوبی امریکہ کا کل رقبہ 17،840،000 مربع کلومیٹر (6890،000 مربع میل) ہے جو زمین کے کل رقبے کا 3.5 فیصد بنتا ہے۔ 2005ء کے مطابق براعظم کی آبادی 371،000،000 ہے۔ جنوبی امریکہ رقبے کے لحاظ سے (ایشیاء، افریقہ اور شمالی امریکہ کے بعد) چوتھا اور آبادی کے لحاظ سے (ایشیاء، افریقہ، یورپ اور شمالی امریکہ کے بعد) چوتھا بڑا براعظم ہے۔

جنوبی امریکہ کو عام طور پر ایک براعظم تسلیم کیا جاتا ہے جو امریکین کا جنوبی حصہ ہے۔ یہ نہر پاناما کےجنوب اور مشرق میں واقع ہے جو خاکنائے پاناما سے گذرتی ہے۔ کسی زمانے میں شمالی و جنوبی امریکہ کو ایک براعظم تسلیم کیا جاتا تھا اور دونوں کو برصغیر مانا جاتا تھا۔ ارضیاتی طور پر جنوبی امریکہ کا تقریباً تمام حصہ جنوبی امریکی پرت پر قائم ہے جبکہ سیاسی طور پر خاکنائے پاناما میں نہر پاناما کے مشرق کے علاوہ پورا پانامہ براعظم شمالی امریکہ کا حصہ سمجھا جاتا ہے اور وسطی امریکہ کا ایک ملک قرار دیا جاتا ہے۔

براعظم جنوبی امریکہ خاکنائے پاناما کے ذریعے شمالی امریکہ سے منسلک ہے۔ انڈیز یہاں کا سب سے بڑا پہاڑی سلسلہ ہے جبکہ براعظم کے مشرقی علاقے میں دریائے ایمیزون کے ساتھ ساتھ کا علاقہ جنگلات سے اٹا پڑا ہے۔

اس براعظم کے مغرب میں بحر الکاہل کے ساتھ ساتھ انڈیز کا عظیم سلسلہ کوہ واقع ہے۔ براعظم کے وسط میں ایمیزن کا عظیم جنگل واقع ہے جو دریائے ایمیزن اور اس کے معاون دریاؤں کے کناروں کے ساتھ ساتھ پھیلا ہوا ہے۔ یہ عظیم جنگل 2510000 مربع میل کے رقبے پر پھیلا ہوا ہے اور اندازاً دنیا کی کل معلوم زندہ جانداروں کا کم از کم نصف یہاں پایا جاتا ہے۔ [1]۔

دریائے ایمیزن اور پارانا یہاں کے بڑے دریا ہیں جو بحر اوقیانوس میں جا گرتے ہیں۔ انڈیز کے پہاڑی سلسلے میں آتش فشاں بھی ہیں جن میں براعظم کا سب سے بڑا اور متحرک آتش فشاں کوٹوپاکسی بھی شامل ہے جس کی بلند 19347 فٹ ہے۔ یہ آتش فشاں مغربی ملک ایکویڈور میں واقع ہے۔ انڈیز کا یہ عظیم پہاڑی سلسلہ شمالاً جنوباً تقریباً پورے براعظم پر پھیلا ہوا ہے اور اس کی لمبائی 4500 میل ہے۔ اس طرح یہ دنیا کا طویل ترین پہاڑی سلسلہ ہے۔

براعظم میں صحرائی علاقے بھی ہیں جن میں پیٹاگونیا اور صحرائے ایٹاکاما معروف ہیں۔

دنیا کی سب سے بلند آبشار "اینجل آبشار"، حجم کے اعتبار سے سب سے بڑا دریا "دریائے ایمیزون"، طویل ترین پہاڑی سلسلہ "انڈیز"، روئے زمین کا خشک ترین مقام "صحرائے ایٹاکاما"، سب سے بڑا جنگل "ایمیزن جنگل"، سطح سمندر سے بلند ترین دارالحکومت "لاپاز، بولیویا"، دنیا کی سب سے بلند جھیل "جھیل ٹیٹیکاکا" اور جنوب میں دنیا کا سب سے دور شہر "پورٹو ٹورٹو، چلی" اسی براعظم میں واقع ہیں۔

تاریخ[ترمیم]

17 ویں صدی میں اسپین اور پرتگال کے جہاز رانوں کی جانب سے اس زمین کی "دریافت" کے بعد دونوں ممالک نے یہاں کی سرزمین پر قبضہ کر لیا اور یوں یہ ممالک طویل غلامی میں چلے گئے۔ اسپین اور پرتگال نے جنوبی امریکہ پر اپنی ثقافت کی گہری چھاپ چھوڑی جو آج بھی دیکھی جا سکتی ہے۔ جنوبی امریکہ کے ممالک میں برازیل میں پرتگیزی جبکہ دیگر تقریباً تمام ممالک میں ہسپانوی زبان بولی جاتی ہے۔ شمال میں سرینام اور گیانا کے چھوٹے ممالک نیدرلینڈز اور برطانیہ کی غلامی میں رہے ہیں جبکہ فرانسیسی گیانا فرانس کے قبضے میں رہا۔ طویل غلامی کے باعث یہاں مختلف النسل لوگ پائے جاتے ہیں جن میں یورپی، آبائی امریکی اور افریقی النسل شامل ہیں۔ چند اصل امریکی افراد آج بھی ایمیزن کے گھنے جنگلات میں رہتے ہیں۔

آبادی[ترمیم]

Luiz Inácio Lula da Silva.jpg Michelle Bachelet Banda.jpeg
Beneditadasilva11012007.jpg Tabaré26022007.jpg Gisele Bundchen3.jpg
Emorales.jpg ShakiraRipoll cropped 2.jpg
جنوبی امریکہ کی مشہور شخصیات

براعظم کی آبادی کی اکثریت ساحلی علاقوں پر رہائش پذیر ہے۔ برازیل رقبے اور آبادی دونوں کے لحاظ سے براعظم کا سب سے بڑا ملک ہے اور براعظم کی کل آبادی کے نصف کا تعلق یہاں سے ہے۔ جنوبی امریکہ کی آبادی کا بیشتر حصہ شہروں میں رہتا ہے۔ جن میں سے کئی شہر انتہائی گنجان آباد اور ناقص رہائشی سہولیات کے باعث مسائل کا شکار ہں۔ برازیل کا شہر ساؤ پاؤلو دنیا کے تیزی سے بڑھتے ہوئے شہروں میں سے ایک ہے اور اس براعظم کا سب سے بڑا شہر ہے۔ وسطی علاقوں میں ایمیزن کے جنگلات اور مغرب میں انڈیز کے پہاڑی سلسلے کے ارد گرد کے علاقوں میں آبادی نہ ہونے کے برابر ہے۔

معیشت[ترمیم]

بیونس آئرس، ارجنٹائن، براعظم کا دوسرا سب سے بڑا شہر
بگوٹا، کولمبیا، براعظم کا تیسرا سب سے بڑا شہر

ارجنٹائن براعظم کا سب سے امیر ملک ہے جہاں کے عوام کا معیار زندگی انتہائی بلند ہے۔ جبکہ گیانا اور بولیویا کمزور معیشت کے باعث غریب ممالک میں شمار ہوتے ہیں اور ان کا زیادہ تر انحصار خام مالوں کی ترسیل پر ہوتا ہے۔ کولمبیا اور متصل ممالک میں منشیات کے کالے دھندے کے باعث جرائم اور بد عنوانی بہت زیادہ ہے۔

جنوبی امریکہ میں زراعت سب سے اہم ذریعہ روزگار ہے اور کافی اور کوکو کی کاشت کے علاوہ مویشی پروری بھی کی جاتی ہے۔ سب سے زیادہ صنعتیں برازیل میں ہیں جس کے بعد ارجنٹائن، وینیزویلا اور چلی آتے ہیں۔ ساحلوں پر واقع عظیم شہروں ریو ڈی جنیرو، لیما، ساؤ پاؤلو اور بیونس آئرس میں سب سے زیادہ روزگار ملتا ہے اس لیے یہ شہر دیہات سے شہروں کو نقل مکانی کرنے والے افراد کی آماجگاہ ہیں۔ علاوہ ازیں ساؤ پاؤلو برازیل کا سب سے بڑا صنعتی شہر ہے جہاں لوہا سازی، کار سازی، کیمیا مادے، پارچہ بافی اور چمڑے کی مصنوعات تیار کی جاتی ہیں۔ بولیویا اور کولمبیا کے پہاڑی علاقوں میں کوکا کے پودے کاشت کر کے اس سے کوکین تیار کی جاتی ہے جس سے یہاں غیر قانونی منشیات کا کالا دھندہ بہت زیادہ ہے۔ وینیزویلا میں جھیل ماراکائبو تیل کے ذخائر سے مالا مال ہے اور یہ اس براعظم کا سب سے بڑا ذخیرہ تیل ہے۔ تیل کی دریافت سے وینیزویلا روزبروز ترقی کر رہا ہے اور اس کی معیشت بہت مضبوط ہو گئی ہے۔ علاوہ ازیں جنوبی امریکہ معدنی وسائل سے بھی مالا مال ہے جہاں تیل کے علاوہ کوئلے اور تانبے کی کانیں بھی پائی جاتی ہیں۔

دنیا میں پائے جانے والے کئی پودے اصل میں جنوبی امریکہ کی پیداوار ہیں جن میں ٹماٹر اور آلو قابل ذکر ہیں۔ آج کل کافی، کوکوا، ربڑ، سویا، مکئی اور گنا یہاں کی اہم ترین کاشت ہیں جبکہ انڈیز کی وادیوں میں انگور بھی کاشت کیا جاتا ہے۔

براعظم جنوبی امریکہ کا انتہائی جنوبی حصہ انٹارکٹیکا کے قریب ہونے کے باعث بہت سرد علاقہ ہے۔

ملک جی ڈی پی (پی پی پی) از 2006ء جی ڈی پی (پی پی پی) از 2006ء جی ڈی پی (پی پی پی) فی کس از 2005ء ایچ ڈی آئی از 2004ء
Flag of Argentina.svg ارجنٹائن 212702 558860 14838 Red Arrow Down.svg 0.863
Flag of Bolivia.svg بولیویا 10828 26087 2945 Green Arrow Up Darker.svg 0.692
Flag of Brazil.svg برازیل 1067706 1594482 9108 Straight Line Steady.svg 0.792
Flag of chile (bordered).svg چلی 145205 196401 13254 Red Arrow Down.svg 0.859
Flag of Colombia.svg کولمبیا 135075 350797 7630 Green Arrow Up Darker.svg 0.790
Flag of Ecuador.svg ایکواڈور 40447 60173 4475 Green Arrow Up Darker.svg 0.765
Flag of Guyana.svg گیانا 0870 3456 4799 Green Arrow Up Darker.svg 0.725
Flag of Paraguay.svg پیراگوئے 8773 29297 4799 Green Arrow Up Darker.svg 0.757
Flag of Peru.svg پیرو 93268 170089 6173 Green Arrow Up Darker.svg 0.767
Flag of Suriname.svg 2112 3018 5883 Green Arrow Up Darker.svg 0.759
Flag of Uruguay.svg یوراگوئے 19221 34620 10103 Green Arrow Up Darker.svg 0.851
Flag of Venezuela.svg وینیزویلا 181608 174604 5777 Green Arrow Up Darker.svg 0.784

ممالک[ترمیم]

اقوام متحدہ کے مطابق مندرجہ ذیل ممالک براعظم جنوبی امریکہ میں شمار ہوتے ہیں۔

SACN member states.jpg
ملک کا نام بمعہ
پرچم
رقبہ
(مربع کلومیٹر)
آبادی
(بمطابق یکم جولائی 2005ء)
کثافت آبادی
(فی مربع کلومیٹر)
دارالحکومت
Flag of Argentina.svg
ارجنٹائن
2,766,890 39,537,943 14.3 بیونس آئرس
Flag of Bolivia.svg
بولیویا
1,098,580 8,857,870 8.1 لاپاز
Flag of Brazil.svg
برازیل
8,514,877 187,550,726 22.0 براسیلیا
Flag of Chile.svg
چلی
756,950 15,980,912 21.1 سانتیاگو
Flag of Colombia.svg
کولمبیا
1,138,910 42,954,279 37.7 بگوٹا
Flag of Ecuador.svg
ایکواڈور
283,560 13,363,593 47.1 کوئٹو
Flag of the Falkland Islands.svg
جزائر فاک لینڈ (برطانیہ)
12,173 2,967 0.24 اسٹینلے، جزائر فاکلینڈ
Flag of French Guiana.svg
فرانسیسی گیانا (فرانس)
91,000 195,506 2.1 کائین
Flag of Guyana.svg
گیانا
214,970 765,283 3.6 جارج ٹاؤن، گیانا
Flag of Paraguay.svg
پیراگوئے
406,750 6,347,884 15.6 اسونسیون
Flag of Peru.svg
پیرو
1,285,220 27,925,628 21.7 لیما
Flag of South Georgia and the South Sandwich Islands.svg
جنوبی جارجیا و جزائر جنوبی سینڈوچ
3,093 کنگ ایڈورڈ پوائنٹ
Flag of Suriname.svg
سورینام
163,270 438,144 2.7 پاراماریبو
Flag of Uruguay.svg
یوراگوئے
176,220 3,415,920 19.4 مونٹیویڈیو
Flag of Venezuela.svg
وینیزویلا
912,050 25,375,281 27.8 کراکس
وسطی امریکہ
Flag of Panama.svg
پاناما
25,347 540,433 21.3 پاناما شہر
کل 17,846,948 371,814,437 20.8

حوالہ جات[ترمیم]

  1. ^ ڈی کے اسٹوڈنٹس اٹلس، ناشر: ڈی کے پبلشنگ انکارپوریٹڈ، آئی ایس بی این 0789490528