فارابی

فارابی
(فارسی میں: ابونصر محمد بن محمد فارابی)
معلومات شخصیت
پیدائش	سنہ 870ء   فاراب
وفات	سنہ 950ء (79–80 سال)  دمشق
رہائش	بخارا
شہریت	دولت عباسیہ
مذہب	اسلام ،  اہل تشیع
عملی زندگی
پیشہ	فلسفی ،  طبیعیات دان ،  موسیقی کا نظریہ ساز ،  منطقی ،  ماہر فلکیات
مادری زبان	ترکی
پیشہ ورانہ زبان	عربی ،  فارسی ،  سغدی زبان
شعبۂ عمل	فطری تاریخ ،  ماوراء الطبیعیات ،  ریاضی ،  منطق ،  فلکیات ،  طب ،  اخلاقیات ،  سیاسیات ،  نفسیات
مؤثر	ارسطو ،  افلاطون ،  فلاطینوس

اہم ایرانی فلاسفہ

ایرانی فلسفیوں کی فہرست سید حسین نصر بزرگمہر مانی جاماسپ کندی فارابی ابن سینا ابن ہیثم ابن مسکویہ خیام ابن طفیل رازی طبرستانی سہروردی ابن رشد شیخ بہائی ملا صدرا میر داماد علامہ حسن زادہ آملی علامہ طباطبائی دینانی مرتضی مطہری محمدتقی جعفری احمد فردید رضا داوری اردکانی

باب فلسفہ

ابو نصر فارابی (Pharabius) معلّم ثانی۔ ابونصرفارابی کا پورا نام ’’محمد بن ترخان ابو نصر‘‘ ابن ابی اُصیبیہ نے اس کا نام ’’ابو نصر محمد بن اوزیغ بن طرخان‘‘ لکھا ہے۔

ابتدائی حالات

ترکستان کے مقام ’’فاراب‘‘ میں 872ء میں پیدا ہوا۔

فارابی کی ابتدائی زندگی نہایت ہی غربت اور تنگدستی میں گذری، مگر غربت و تنگدستی اس کے علم و جستجو پر غالب نہ ہو سکی۔

ابتدائی دور میں یہ ایک دفعہ رات کے وقت مطالعہ میں مصروف تھا کہ تیل ختم ہونے سے چراغ بجھ گیا۔ اس میں اتنی مالی وسعت نہ تھی کہ تیل خریدتا۔ مگر شوق مطالعہ اسے کھینچ کر باہر لے آیا اور گشت کر تے ہوئے پہرے دار کے سامنے لا کھڑا کیا۔ فارابی نے پہریدار سے سارا ماجرا کہہ سنایا اور اُے وہاں تھوڑی دیر رکنے کی گزارش کی تاکہ وہ اپنا سبق یاد کر لے۔ پہریدار اس دن مان گیا، مگر دوسرے دن اس نے رکنے سے صاف انکارکر دیا۔ مگر فارابی نے گزارش کی کہ وہ اس کے پیچھے پیچھے چلتا رہے گا تاکہ اس کی لالٹین کی روشنی میں مطالعہ کر سکے۔ کچھ دنوں تک یہ سلسلہ چلتا رہا مگر ایک دن پہریدار نے اس کی علمی لگن اور جستجو سے متاثر ہو کر اسے نئی لالٹین لاکر دے دی۔ فارابی کے حصول علم کا یہ بے مثال واقعہ رہتی دنیا تک ایک مشعل راہ ہے۔ انھوں نے تقریباً 50 سال حصولِ علم میں صرف کیے۔

انھوں نے مسیحی طبیب یو حنا بن حیلان سے بھی استفادہ کیا۔ اس کے بعد تحقیق و تدریس کی طرف متوجہ ہو کر سیف الدولہ ہمدانی کے دربار سے وابستہ ہو گیا۔

کا رہائے نمایاں

علم ریاضی، طب، فلسفہ اور موسیقی میں تحقیق و تحاریر۔ منطق (logic) کی علمی گروہ بندی کی۔ ان کو ارسطو کے بعد دوسرا بڑا فلسفی بھی کہا جاتا ہے۔ انھوں نے علم طبیعیات میں وجود خلا پر اہم تحقیقات کیں۔ اس کے علاوہ ماہر عمرانیات، سیاسیات و موسیقیات بھی تھے۔ فارابی ارسطو اور افلاطون سے بے حد متاثر تھے۔ انھوں نے ارسطو کی اکثر کتابوں کی شروحات لکھیں، اسی وجہ سے انہيں ’’معلّم ثانی‘‘ بھی کہا جاتا ہے۔ ان شرحو ں میں شرح ’’ایساغوجی‘‘ اور بطلیموس کی ’’المجسطی‘‘ بہت مشہور ہیں۔

فارابی نہ صرف حکیم اور فلسفی تھے بلکہ سائنس، نجوم اور موسیقی کے علوم پر بھی انہيں دسترس تھی۔ ان کی دیگر تصانیف میں الموسیقی الکبیرہ، معافی العقل اور ’’ارا ء اہل المدینۃ الفاضلہ‘‘ اور ’’السیرۃ الفاضلہ‘‘ معروف ہیں۔ ان کی تصانیف کی تعداد سینکڑوں تک پہنچتی ہیں ۔

فارابی شاعر بھی تھے۔ ان کی ایک طویل دعا بھی بہت مشہور و معروف ہے، جسے بعض تذکرہ نگاروں نے نقل کیا ہے۔

وفات

انھوں نے 950ء میں دمشق میں وفات پائی۔

حوالہ جات

• ڈاکٹرابو طالب انصاری (ستمبر 2006 ؁۔ء)۔ "ابونصر فارابی(معلّم ثانی )"۔ اجالے ماضی کے۔ http://www.kitaabghar.com۔ صفحہ: 54 

== بیرونی روابط ==

• اسٹینفورڈ دائرہ المعارف پر خلا (void) کے بارے میں ایک حوالہ
• Muslim's Achievements in Science & Technology (700-1300)آرکائیو شدہ بذریعہ metaexistence.org