محمد ادریس کاندھلوی

محمد ادریس کاندھلوی
(عربی میں: محمد إدريس الكاندهلوي)
معلومات شخصیت
پیدائش	20 اگست 1899ء  بھوپال
وفات	28 جولا‎ئی 1974ء (75 سال)  لاہور
شہریت	پاکستان برطانوی ہند
اولاد	محمد مالک کاندھلوی
عملی زندگی
مادر علمی	مظاہر علوم سہارنپور دار العلوم دیوبند
استاذ	خلیل احمد انبہٹوی،  محمد رسول خان ہزاروی
پیشہ	عالم،  مصنف،  معلم
کارہائے نمایاں	سیرت مصطفی،  معارف القرآن،  التعلیق الصبیح علی مشکوۃ المصابیح
تحریک	دیو بندی

مضامین سلسلہ
دیوبند مکتب فکر
دار العلوم دیوبند، بھارت
نظریات
درس نظامی ماتریدی الہیات حنفی فقہ
کلیدی شخصیات
مملوک علی نانوتوی امداد اللہ مہاجر مکی رحمت اللہ کیرانوی احمد علی سہارنپوری محمد قاسم نانوتوی رشید احمد گنگوہی محمد یعقوب نانوتوی سید محمد عابد دیوبندی محمود دیوبندی محمد علی مونگیری محمود حسن دیوبندی خلیل احمد انبہٹوی اشرف علی تھانوی عبیداللہ سندھی سید محمد انور شاہ کشمیری کفایت اللہ دہلوی حسین احمد مدنی محمد الیاس کاندھلوی شبیر احمد عثمانی محمد ادریس کاندھلوی محمد زکریا کاندھلوی مزید۔۔۔
اہم ادارے
دار العلوم اور مدارس دار العلوم دیوبند مظاہر علوم دار العلوم ندوۃ العلماء مدرسہ امینیہ جامعہ قاسمیہ مدرسہ شاہی جامعہ اسلامیہ تعلیم الدین ڈابھیل الجامعہ الاہلیہ دارالعلوم معین الاسلام جامعہ اشرفیہ دارالعلوم کراچی جامعہ العلوم الاسلامیہ دارالعلوم بری مدرسہ انعامیہ فہرست مزید۔۔۔
مراکز تبلیغ
بینگلوالی مسجد رائے ونڈ مرکز تاج المساجد مسجد استقلال تاج المساجد مرکزی مسجد، ڈیوزبری کاکریل مسجد جامع مسجد، نیرول مرکز نظام الدین
تنظیمیں
تحریک اسلامی طالبان لشکر جھنگوی تحریک طالبان پاکستان سپاہ صحابہ حفاظت اسلام بنگلہ دیش جمعیت علمائے ہند جمعیت علمائے اسلام تبلیغی جماعت آل انڈیا مسلم پرسنل لا بورڈ اسلامک فقہ اکیڈمی، بھارت

شیخ التفسیر والحدیث مولانا محمد ادریس کاندھلوی معارف القرآن اور سیرت مصطفی کے مصنف ہیں۔

ولادت

آپ 12 ربیع الثانی 1317ھ بمطابق20 اگست 1899ء میں بھوپال میں پیدا ہوئے۔ آپ کاآبائی وطن کاندھلہ تھا۔ آپ کے والد کا نام مولانا حافظ محمد اسماعیل کاندھلوی تھا ،جو صاحب نسبت بزرگ تھے اور حاجی امداداللہ مہاجر مکی کے مرید تھے اور محکمہ جنگلات میں افسر کا کام کرتے تھے۔ (علم تفسیر اور اس کا ارتقا،ص:290) آپ کا سلسلہ نسب حضرت ابو بکر صدیق رضی اللہ عنہ سے جا ملتا ہے۔

تعلیم

آپ نے کاندھلہ میںقرآن مجید حفظ کیا۔ پر دینی تعلیم کے لیے مدرسہ اشرفیہ تھانہ بھون میں داخل ہوئے اور درس نظامی کی ابتدائی کتابیں حکیم الامت حضرت مولانااشرف علی تھانوی ؒسے پڑھیں۔ پھر مدرسہ مظاہر علوم سہارنپور میں تفسیر میں تفسیر و حدیث، فقہ کلام، منطق و فلسفہ اور دیگر علوم دینیہ کی تکمیل کی۔ 19 برس کی عمر میں تمام علوم و فنون کی تعلیم سے فراغت حاصل کی۔ لیکن پھر دار العلوم دیوبند تشریف لے گئے اور دوبارہ دورہ حدیث سے کیا۔

مشہور اساتذہ

علمائے دین خلیل احمد سہارنپوری، حافظ عبد اللطیف، مولانا ثابت علی، اشرف علی تھانوی، علامہ انور شاہ کشمیری علامہ شبیر احمد عثمانی، عزیز الرحمٰن عثمانی، میاں اصغر حسین دیوبندی، آپ کے اساتذہ ہیں۔

تدریس

فراغت کے بعد 1921ء میں مفتی کفایت اللہ دہلوی کے مدرسہ امینیہ دہلی میں ایک سال مدرس رہے۔ پھر دار العلوم دیوبند سے وابستہ ہوئے اور تقریباً 9 برس تک درس و تدریس دیتے رہے۔ پھر حیدرآباد، دکن میں تشریف لے گئے جہاں 9 برس تک قیام فرمایا۔ 1939ء میں دوبارہ دار العلوم میں شیخ التفسیرکے طور ر تعینات ہوئے اور یہاں بیضاوی ،تفسیر ابن کثیر سنن ابی داود اور طحاوی کی مشکل الآثار پڑھائیں۔ آپ دو قومی نظریہ کے زبردست حامی تھے۔ پھر1949ء میں پاکستان تشریف لائے اور 2 برس جامعہ عباسیہ بہاولپور میں شیخ الجامعہ کی حیثیت سے قیام فرمایا۔ پھر لاہور میں جامعہ اشرفیہ میں شیخ الحدیث کے عہدہ پر فائز ہوئے اور تا دم زندگی اسی سے وابستہ رہے۔

بیعت و اجازت

آپ کو روحانی سلسہ اشرف علی تھانوی سے منسلک تھا۔

تصانیف

• تفسیر معارف القرآن، (22 پارے)
• التعلیق الصبیح علی مشکوۃ المصابیح(عربی)، (8 جلد)
• سیرت مصطفیٰﷺ (4 جلد)
• الفتح السماوی بتوضیح تفسیر البیضاوی،(22 جلد/ عربی)
• احکام القرآن (جلد خامس)،
• عقائد اسلام،
• علم الکلام،
• خلافت راشدہ،
• ختم نبوت ،
• حجیت حدیث ،
• تحفۃ القاری بحل مشکلات البخاری
• دلائل الفرقان علی مذہب النعمان (عربی)
• اعجاز القرآن
• القول والحکم
• لطائف الحکم فی اسرار نزول عیسی بن مریم
• اسلام اور مرزائیت کا اصولی اختلاف
• مقدمہ الحدیث
• شرائط مفسر و مترجم (اردو)
• مواعظ حسنہ

اہم کارنامے

• آپ نے کراچی سے خیبر تک تبلیغی دورے کیے اور اعلائے کلمہ الحق بلند کیا۔ لاکھوں مسلمانوں کی اصلاح فرمائی۔
• آخری دم تک پاکستان میں نطام اسلام کے نفاذ کے لیے کوشاں رہے۔
• تحریک ختم نبوتﷺ میں بھر پور حصہ لیا اور تحریر و تقریر کے ذریعہ قادیانیت کی تردید کرتے رہے۔

وفات

8رجب المرجب 1394ھ بمطابق28 جولائی 1974ء کو اپنے خالق حقیقی سے جاملےآپ کی نماز جنازہ آپ کے بیٹے مولانا محمد مالک کاندھلوی نے پڑھائی