ابن قتیبہ دینوری

ابن قتیبہ دینوری
(عربی میں: أبو محمد بن قتيبة الدينوري)
معلومات شخصیت
پیدائش	سنہ 828ء   کوفہ
وفات	29 اکتوبر 889ء (60–61 سال)  بغداد
شہریت	دولت عباسیہ
عملی زندگی
استاذ	اسحاق بن راہویہ
پیشہ	الٰہیات دان ،  مورخ ،  مفسر قرآن ،  محدث ،  فقیہ ،  قاضی ،  مصنف
پیشہ ورانہ زبان	عربی
شعبۂ عمل	تاریخ ،  تفسیر قرآن ،  علم حدیث ،  فقہ
ملازمت	بغداد

ابن قتیبہ دینوری (پیدائش: 213ھ/ 828ء–بغداد وفات: یکم رجب 276ھ/ 29 اکتوبر 889ء) بغداد نویں صدی عیسوی کے مؤرخ تھے اور ان کی تاریخ کی کتاب ’’المعارف‘‘ ہے۔

پیدائش و تعلیم

سنہ 889۔ 828 ابو محمد عبد اللہ بن مسلم بن قتیبہ الکوفی دینور کے قاضی تھے۔ ان کو اکثر اوقات قتیبیا اور قتبی بھی کہتے ہیں۔ بغدادمیں پیدا ہوئے اور بغداد میں نشو و نما ہوئی۔ اور تعلیم پائی اور پیدائش کی نسبت سے کوفی اور والد کی پیدائش کے لحاظ سے انھیں مروزی بھی کہا جاتا ہے۔ بغداد کے نجومی دبستان کے نمائندہ سمجھے جاتے تھے۔ انھیں جاحظ کی طرح مختلف علوم و فنون میں دستگاہ تھی۔ لیکن اس کے برخلاف درایت کی بجائے روایت کے حامی تھے۔ قرآن اور حدیث کی روشنی میں مذہبی عقائدکو دیکھتے تھے۔ ان کی کئی کتابیں معیاری ہیں۔ وہ شعوبی یعنی محدود قومیت کے مخالف تھے۔

وضاحت

الامامہ و السیاسۃ کے مصنف: اس کتاب کی نسبت ایک بڑے عالم ابن قتیبہ دینوری (213-276/828-889) کی جانب کی جاتی ہے تاہم یہ نسبت درست نہیں ہے(ان کا نام ابراہیم بن قتیبیہ ہے جو شیعہ مسلک سے تعلق رکھتے ہیں ان کی کتاب کا نام بھی المعارف ہے)۔ کتاب کے مطالعے سے معلوم ہوتا ہے کہ اس کے مصنف غالی شیعہ ہیں جبکہ ابن قتیبہ کے بارے میں یہ بات معلوم و معروف ہے کہ وہ اہل تشیع کے سخت مخالف تھے۔ ان کی "الامامۃ و السیاسۃ " نامی کسی کتاب کا سراغ کسی اور ماخذ جیسے فہرست ابن الندیم میں نہیں ملتا ہے اور نہ ہی اس کتاب کا اسلوب بیان ان کی دیگر کتب سے ملتا ہے۔ اس سے واضح ہوتا ہے کہ الامامۃ و السیاسۃ کسی شیعہ عالم کی کتاب ہے۔

تصانیف

• تأویل غریب القرآن۔
• غریب الحدیث۔
• عیون الأخبار۔
• مشکل القرآن۔
• مشکل الحدیث۔
• تأویل مختلف الحدیث۔
• عبارۃ الرؤیا۔
• کتاب المعارف۔
• الأشربۃ۔
• إصلاح الغلط۔
• کتاب التقفیۃ۔
• کتاب الخیل۔
• کتاب إعراب القراءات۔
• کتاب الأنواء۔ (شاید یہ کتاب ابو حنیفہ دینوری کی ہو)
• کتاب المسائل والأجوبۃ۔
• کتاب المیسر والقداح وغیر ذلک۔
• الشعر والشعراء۔
• کتاب المعانی الکبیر۔
• أدب الکاتب