برصغیر

بر صغیر

Indian Subcontinent (orthographic projection).svg
رقبہ	4.4 million km2 (1.7 million sq mi)
آبادی	1.710 billion (2015)
کثافت آبادی	389/km2
ممالک	بنگلہ دیش بھوٹان بھارت مالدیپ نیپال پاکستان سری لنکا

پاک و ہند کا نقشہ

برصغیر کا خلائی منظر

برصغیر کے معنی چھوٹا خشک علاقہ یا زمین کا ٹکڑا ہے، لفظ صغیر عربی سے ماخوذ ہے. یہ براعظم ایشیا میں ایک بڑا جزیرہ نما خطہ ہے، جو بحر ہند کے شمال میں واقع ہے۔ اس خطے کو برصغیر اس لیے کہا جاتا ہے کہ جغرافیائی اور علم ارضیات کے مطابق یہ براعظم کے دیگر علاقوں سے مختلف اور الگ تھلگ ہے۔

برصغیر میں مندرجہ ذیل ممالک شامل ہیں:

• بھارت
• پاکستان
• بنگلہ دیش
• بھوٹان
• مالدیپ
• نیپال
• سری لنکا

جغرافیائی طور پر برصغیر کو ان حصوں میں تقسیم کیا جاسکتا ہے:

• ہمالیہ/ ہمالیائی ریاستیں
• دریائے گنگا کا میدان
• جزیرہ نما بھارت/ سطح مرتفع دکن
• دریائے سندھ کا میدان
• بحر ہند کی ریاستیں

جغرافیائی تعریف

انڈین اور یوریشین پرتیں پاکستان اور کشمیر سے گذرتی ہیں جو یہاں زلزلوں کا باعث ہے

برصغیر کسی براعظم سے منسلک ایک وسیع علاقے کو کہتے ہیں، تاہم برصغیر کی کوئی واضح تعریف نہیں۔ برصغیر کسی پہاڑی علاقے یا زمینی پرت کے ذریعے براعظم سے جدا علاقے کو کہہ سکتے ہیں، تاہم عام طور پر برصغیر کا مطلب جنوبی ایشیا یا برصغیر پاک و ہند ہی لیا جاتا ہے۔

قشر ارض کی ساخت کے علم کے مطابق کسی چھوٹی براعظمی پرت کو پہاڑی سلسلوں کی بنا پر کسی بڑی براعظمی پرت سے الگ تھلگ رہنے کی وجہ سے اسے برصغیر کہہ سکتے ہیں، یوں برصغیر براعظم ایشیا سے الگ انڈین پرت اور عربی پرت پر واقع ہے اور برصغیر کہلایا جاسکتا ہے۔

زمینی تاریخ

برصغیر لاکھوں سال قبل مڈگاسکر پلیٹ سے جُڑا ہوا تھا، پھر آہستہ آہستہ یہ شمال کی طرف چلتی رہی پھر جا کر یورازین پلیٹ سے جا ملی، اسی وجہ سے آج کل ہمالیہ اور قراقرم کے پہاڑ موجود ہیں

متعلقہ مضامین

• جنوبی ایشیا