سعد بن خیثمہ

آزاد دائرۃ المعارف، ویکیپیڈیا سے
Jump to navigation Jump to search

سعد بن خيثمہبیعت عقبہ ثانیہ میں شریک اور غزوہ بدر کے شہداء میں شامل ہیں۔

نام ونسب[ترمیم]

سعد بن خیثمہ بن الحارث بن مالك ابن صعب بن النحاط بن كعب بن حارثہ بن غنم بن السلم بن امرئ القيس بن مالك بن الأوس الأنصاری الأوسی کنیت ابو خيثمہ یا ابو عبد اللہ تھی ۔ والدخیثمہ صحابی تھے،غزوۂ احد میں شہادت پائی۔ یہ عمرو بن عوف کے نقیب بنا کر بھیجے گئے تھے۔

قباء کے میزبان[ترمیم]

جب رسول اللہﷺ ہجر ت کرکے مدینہ تشریف لائے تو اولاً قبیلہ عمرو بن عوف میں قیام کیا اور کلثوم بن الدہم کے گھر میں میں ٹھہرے اس دوران میں ملاقات کے لیے سعد کا مکان تجویز فرمایا، آنحضرتﷺ مہاجرین وانصار سے انہی کے مکان میں ملتے تھے، اسی بنا پر بعض لوگوں نے لکھا ہے کہ سعد بن خیثمہ کے ہاں آپ نے قیام فرمایا تھا سعدکا گھر منزل العزاب (العزاب) کے نام سے مشہور تھا۔ جو مہاجرین مکہ سے آتے تو ان کے ہاں ٹھہرتے۔

غزوہ بدر میں شرکت[ترمیم]

جب یہ غزوہ بدر کے لیے نکلنے لگے توان کے والد خیثمہ نے فیصلہ کیا کہ ایک غزوہ میں شریک ہو دوسرا گھر میں رہے پھر باپ بیٹے میں بحث ہوئی کہ کون جائے بحث کو ختم کرنے کے لیے قرعہ ڈالا گیا قرعہ مین بیٹے سعد کا نام نکلا والد نے کہا کہ اپنا حق مجھے دے دیں لیکن سعد نے کہا اگر جنت کے علاوہ کوئی اور چیز ہوتی تو میں اپنا حق دے سکتا تھا لہذا بدر میں آئے اور شہادت حاصل کی انہیں طعيمہ بن عدی یا عمرو بن عبد ود نے قتل کیا۔[1][2]

حوالہ جات[ترمیم]

  1. طبقات ابن سعد، جلد 2 صفحہ379- ناشر : دار الاشاعت اردو بازار کراچی پاکستان
  2. اسد الغابہ جلد 1 صفحہ 887 حصہ چہارم،مؤلف: ابو الحسن عز الدين ابن الاثير ،ناشر: المیزان ناشران و تاجران کتب لاہور