حارث بن مالک

آزاد دائرۃ المعارف، ویکیپیڈیا سے
Jump to navigation Jump to search
حارث بن مالک
(عربی میں: أبو واقد الليثي ویکی ڈیٹا پر (P1559) کی خاصیت میں تبدیلی کریں
معلومات شخصیت
مذہب اسلام[1]  ویکی ڈیٹا پر (P140) کی خاصیت میں تبدیلی کریں

حارث بن مالک غزوہ بدر میں شامل ہونے والے مہاجر صحابی ہیں یہ ابو واقد لیثی سے بھی مشہور ہیں۔

نام ونسب[ترمیم]

حارث نام، ابو واقد کنیت، نسب نامہ یہ ہے،حارث بن مالک بن اسید بن جابر بن حوثرہ بن عبد مناۃ بن الاشجع بن لیث لیثی

اسلام و غزوات[ترمیم]

ابو واقد ہجرت کے ابتدائی سالوں میں اسلام لائے،قبولِ اسلام کے بعد سب سے اول غزوہ بدر میں ان کی تلوار بے نیام ہوئی،ان کا بیان ہے کہ میں نے بدر میں ایک مشرک کا تعاقب کیامگر قبل اس کے کہ میں وار کروں، ایک دوسرے مسلمان نے اس کا کام تمام کر دیا [2] بدر کے بعد صلحِ حدیبیہ، فتح مکہ اور حنین وغیرہ میں شریک ہوتے رہے۔ ساری عمر مدینہ میں قیام رہا وفات سے کچھ دنون پیشتر مکہ چلے گئے تھے۔

جنگ یرموک[ترمیم]

شام کی فوج کشی میں مجاہدانہ شریک ہوئے،اس سلسلہ کی مشہور جنگ یرموک میں موجود تھے۔

وفات[ترمیم]

مکہ کی خاکِ پاک مقدر میں تھی اس لیے آخر عمر میں مکہ چلے گئے اور یہاں آنے کے ایک سال بعد 68ھ میں وفات پائی، [3][4]

اولاد[ترمیم]

وفات کے بعد دو لڑکے واقد اور عبدالملک یاد گار چھوڑے۔

فضل وکمال[ترمیم]

فضل وکمال میں کوئی امتیاز ی پایہ نہ تھا، تاہم اعمال واقوالِ نبویﷺ سے باخبر تھے،آنحضرتﷺ کے اعمال کے بارہ میں کبھی کبھی حضرت عمرؓ ان سے استفادہ کرتے تھے ایک مرتبہ آپ کو یہ معلوم کرنے کی ضرورت پیش آئی کہ آنحضرتﷺ عید کی نماز میں کون کون سی سورتیں تلاوت فرماتے تھے،تو آپ نے اس بارہ میں ابو واقد کی طرف رجوع کیا،انہوں نے بتایا کہ آقربیت الساعۃ اورق والقرآن المجید تلاوت فرماتے تھے [5] ان کی مرفوع روایات کی تعداد چوبیس ہے [6] ان سے روایت کرنے والوں میں ان کے لڑکے واقد اورعبدالملک اورعام رواۃ مین عبید اللہ ابن عبد اللہ ،ابو مرہ عطاء بن یسار، سنان بن ابی سنان اور عروہ بن زبیر لائق ذکر ہیں۔ [7]

حوالہ جات[ترمیم]

  1. http://muslimscholars.info/manage2.php?submit=scholar&ID=4044
  2. الاصابہ فی تمیز الصحابہ 5/212 مؤلف: ابن حجر العسقلانی ناشر: دار الكتب العلمیہ - بیروت
  3. اسد الغابہ جلد 3 صفحہ 659حصہ دہم مؤلف: ابو الحسن عز الدين ابن الاثير ،ناشر: المیزان ناشران و تاجران کتب لاہور
  4. صحاب بدر،صفحہ 128،قاضی محمد سلیمان منصور پوری، مکتبہ اسلامیہ اردو بازار لاہو
  5. (مسلم کتاب صلوٰۃ العیدین باب مایقرء فی صلوٰۃ العیدین)
  6. (تہذیب الکمال :462)
  7. (تہذیب التہذیب:12/270)