ابی بن کعب
| ابی بن کعب | |
|---|---|
| (عربی میں: أبي بن كعب) | |
| معلومات شخصیت | |
| پیدائش | 1 ہزاریہ مدینہ منورہ |
| وفات | سنہ 649 (48–49 سال) مدینہ منورہ |
| شہریت |  خلافت راشدہ
|
| عملی زندگی | |
| پیشہ | امام، کاتب، قاری، فقیہ |
| شعبۂ عمل | تفسیر قرآن، فقہ، قرأت |
| عسکری خدمات | |
| لڑائیاں اور جنگیں | غزوۂ بدر، غزوہ احد، غزوہ خندق |
ترمیم  | |
ابی بن کعب انصاری بخاری کاتب وحی، فاضل قرآن محمد بن عبد اللہ کے صحابہ میں سے ایک ہیں۔[1] ابی بن کعب بیعت عقبہ ثانیہ میں موجود تھے، غزوہ بدر اور دوسرے غزوات میں شرکت کی۔ محمد بن عبد اللہ کی مشہور حدیث کے مطابق جن چار قاریوں سے قرآن پڑھا جانا چائیے۔ ان میں سے ایک ابی بن کعب تھے۔[2]
فہرست
نام ونسب اور ابتدائی حالات[ترمیم]
ابی نام،ابوالمنذر وابوالطفیل کنیت، سید القراء،سیدالانصار اورسید المسلمین القاب ہیں،قبیلہ نجار(خزرج) کے خاندان معاویہ سے تھے جو بنی حدیلہ کے نام سے مشہورتھا (حدیلہ معاویہ کی ماں کا نام تھا جو جشم بن خزرج کی اولاد میں تھی سلسلہ نسب یہ ہے : ابی بن کعب بن قیس بن عبید بن زیاد بن معاویہ بن عمر بن مالک بن نجار، [3] والدہ کا نام صہیلہ تھا جو عدی بن نذر کے سلسلہ سے تعلق رکھتی تھیں اور ابو طلحہ انصاری کی حقیقی پھوپھی تھیں اس بنا پر ابوطلحہ اور ابی پھوپھی زاد بھائی تھے۔ ابی کی دو کنیتیں تھیں، ابوالمنذر اورابوالطفیل ،پہلی کنیت آنحضرتﷺ نے رکھی تھی اور دوسری سیدناعمرنے ان کے بیٹے طفیل کے نام کی مناسبت سے پسند فرمائی۔
اسلام[ترمیم]
مدینہ کے جن انصار نے مکہ جاکر آنحضرتﷺ کے دست مبارک پر عقبہ ثانیہ میں بیعت کی تھی ان میں ابی بھی تھے آپ ان چھ صحابہ میں سے ہیں جنہوں نے زمانہ نبوی میں قرآن مجید حفظ کیا اور ان فقہا صحابہ میں سے ہیں جو زمانہ نبوی میں فتویٰ دیتے تھے صحابہ میں بڑے قاری تھے۔[4]
مواخات[ترمیم]
ہجرت کے بعد مہاجرین اور انصار میں برادری ومواخات قائم ہوئی تھی، اس میں سعیدبن زید بن عمرو بن نفیل سے جو عشرہ مبشرہ میں تھے ان کی مواخات ہوئی۔
غزوات میں شریک[ترمیم]
بدر سے طائف تک کے تمام غزوات میں شریک ہوئے۔
تدوین قرآن[ترمیم]
ابوبکر کے عہد خلاف میں قرآن مجید کی ترتیب و تدوین شروع ہوئی تو اس خدمت پر جو لوگ مامور ہوئے ان میں آپ بھی شامل تھے۔ عمر کے زمانے میں مجلس شوریٰ کے رکن بھی رہے۔ ابتدا میں قرآن کی قرات میں بعض فروعی اختلافات تھے۔ آخر میں عثمان نے قرات قرآنی کے ممتاز ماہرین کی جانچ کے بعد اُبی بن کعب کے طریقہ کو پسند فرمایا۔ اور اسی قرات کے مطابق کلام مجید کے چار نسخے لکھو کر مختلف شہروں میں بجھوا دیے۔ انہی نسخوں کی آج تک پیروی کی جا رہی ہے۔
وفات[ترمیم]
39ھ میں عمر طبعی کو پہنچ کر عثمان غنی کے زمانہ خلافت میں جمعہ کے دن مدینہ میں وفات پائی۔ عثمان نے نماز جنازہ پڑھائی اور مدینہ منورہ میں دفن گئے گئے۔
حوالہ جات[ترمیم]
- ↑ انسائیکلوپیڈیا قرآنیات، قسط 5، صفحہ 15، سید قاسم محمود، اگست 2009ء، شاہکار بک فاؤنڈیشن، لاہور۔
- ↑ اطہر مبارک پوری، قاضی، خیر القرون کی درسگائیں اور ان کا نظام تعلیم و تربیت، صفحہ 148، ادارہ اسلامیات لاہور-کراچی، اکتوبر 2000ء
- ↑ مسند احمد:5/113
- ↑ مرأۃ المناجیح شرح مشکوۃ المصابیح جلد 8 صفحہ583
