مجمع بن زیاد جہنی

آزاد دائرۃ المعارف، ویکیپیڈیا سے
(مجمع جہنی سے رجوع مکرر)
Jump to navigation Jump to search

مجمع بن زیاد جہنی حضرت رسول اکرمؐ کے اصحاب میں سے تھے جنگ بدرواحد میں شریک رہے۔آپ زیاد بن عمرو کے بیٹے تھے۔ واقعہ کربلا کے وقت اگرچہ ضعیف العمر تھے مگر پھر بھی لشکرٍ حسینی میں شامل ہوئے اور شہادت پائی۔ مختلف منابع نے ان کوصحابی رسولؐ اورشہیدکربلا کے عنوان سے ذکرکیا ہے۔ [1]

نسب[ترمیم]

آپ کا نسب یہ ہے۔ مجمّع بن زیاد بن عمروبن عدی بن عمروبن رفاعہ بن کلب بن مودعۃ الجہنی۔ [2]

عہد نبوی[ترمیم]

آپ بہت سی جنگوں میں شریک رہے۔ جنگ بدر و جنگ احد میں بھی شریک تھے۔ [3] [4]

امام حسین کا ساتھ[ترمیم]

جناب مجمع نے کوفہ میں حضرت مسلم کی بیعت کی سب لوگ حضرت مسلم کوچھوڑ گئے لیکن حضرت مجمع ان افراد میں سے تھے جوڈٹے رہے اورکوفہ میں حالات سازگار نہ ہونے کیوجہ سے کربلا میں حضرت امام حسینؑ سے ملحق ہوکریزیدی ارادوں کوخاک میں ملانے کی خاطر حضرت امام حسینؑ کاساتھ دیا یہاں تک کہ اپنی جان قربان کردی دشمن کربلا میں اس مجاہد کوآسانی سے شکست نہ دے سکا توان کامحاصرہ کرلیا جاتا ہے جس کی وجہ سے شہیدہوجاتے ہیں۔ [5]

مجمع خود جہینہ (مدینہ منورہ کے قریب ایک علاقہ) کے مقامی تھے جب امام مدینہ سے مکہ جاتے ہوئے یہاں سے گزرنے لگے تو مجمع دو دوستوں عقبہ بن صلت جہنی و عباد بن مہاجر جہنی اور چند دیگر افراد کے ساتھ امام سے ملحق ہوئے اور آخر تک تا بوقت شہادت امام کے ساتھ تھے۔[6]

منزل زبالہ پر باقی افراد ساتھ چھوڑ گئے مگر یہ تین افراد ساتھ رہے اور پہلے حملے میں خوب دفاع کیا اور لڑےاور تیروں سے چھلنی ہو کر تینوں نے شہادت پائی۔[7]

مزید دیکھیے[ترمیم]

حوالہ جات[ترمیم]

  1. جیسے ذخیرۃ الدارین، حدایق، ابصارالعین، تنقیح المقال، اوروسیلۃ الدارین وغیرہ
  2. کتاب الدوافع الذایتہ نے الاستعیاب سے عبارت نقل کی ہے کہ ہومجمّع بن زیاد بن عمروبن عدی بن عمروبن رفاعہ بن کلب بن مودعۃ الجہنی۔
  3. کتاب الدوافع الذایتہ نے الاستعیاب سے عبارت نقل کی ہے کہ ہومجمّع بن زیاد بن عمرو۔۔۔ شہد بدراً واحد اس کی عبارت کے نقل کرنے کے بعدخود تعریف کرتے ہوئے لکھتے ہیں کہ اَی انّہ صحابیٌ جلیل بناءً علی ذالک۔
  4. تنقیح المقال نے بھی الاصابہ اورالاستعیاب سے اس طرح کی عبارت نقل کی ہے کہ یہ صحابی رسولؐ تھے بدرواحدمیں شریک بھی رہے لیکن ہمارے ہاں موجود الاصابہ میں یہ عبارت موجود نہیں۔
  5. ابصارالعین، ص201
  6. مرضیہ محمدزادہ، شهیدان جاوید، نشر بصیرت، ص 303-304۔
  7. تنقیح المقال فی احوال الرجال، مامقانی، شیخ عبداللہ، نجف: المطبعہ الحیریہ، 1352 ﻫ ق۔، ج2، ص53؛ ابصار العین فی انصار الحسین (ع)، سماوی، محمد بن طاہر، تحقیق محمد جعفر طبنسی، مرکز الدراسات الاسلامیہ لحرس الثورہ۔، ص201؛ الحدائق الوردیہ، محلی شہید، حمیدالدین احمد بن محمد علی، دمشق: دار اسامہ۔، ص122؛ فرسان الہیجاء، محلاتی، ذبیح اللہ، مرکز نشر کتاب، 1390 ہ ق۔، ج1، ص186؛ ذخیرة الدارین، حائری شیرازی، سید عبدالحمید، نجف: مطبعہ المرتضویہ، 1345 ﻫ ق۔، ص259؛ وسیلۃ الدارین فی انصار الحسین، موسوی زنجانی، بیروت: مؤسسہ اعلمی، 1402 ﻫ ق۔ ص192۔

سانچے[ترمیم]