حمزہ بن عبد المطلب

حمزہ بن عبد المطلب
(عربی میں: حمزة بن عبد المطلب)
معلومات شخصیت
پیدائش	سنہ 570  مکہ
وفات	30 مارچ 625 (54–55 سال)  جبل احد
وجۂ وفات	لڑائی میں مقتول
قاتل	وحشی بن حرب
زوجہ	سلمیٰ بنت عمیس
اولاد	امامہ بنت حمزہ
والد	عبد المطلب
والدہ	ہالہ بنت وہب
بہن/بھائی	صفیہ بنت عبد المطلب،عبد اللہ بن عبد المطلب،عباس بن عبد المطلب،ابو طالب،حارث بن عبدالمطلب،ابولہب،زبیر بن عبد المطلب
عملی زندگی
پیشہ	شکاری
عسکری خدمات
لڑائیاں اور جنگیں	غزوہ احد،سریہ حمزہ ابن عبد المطلب،غزوۂ بدر

حمزہ بن عبد المطلب (پیدائش: 568ء یا 570ء– وفات: 30 مارچ 625ء) حضور صلی اللہ علیہ و آلہ و سلم کے چچا اور رضاعی بھائی ہیں دونوں نے ثویبہ جو ابو لہب کی لونڈی تھی کا دودھ پیا تھا۔ بعثت کے دو برس بعد جب ابوجہلحضور صلی اللہ علیہ و آلہ و سلم کی مخالفت میں حد سے تجاوز کر گیا تو حضور صلی اللہ علیہ و آلہ و سلم کی حمایت کے جوش میں اسلام قبول کر لیا۔ بے حد جری اور دلیر تھے۔ دوسرے مسلمانوں کے ساتھ مدینہ کو ہجرت کی۔ جنگ بدر میں حصہ لیا اور خوب داد شجاعت دی۔

شہادت

جنگ احد میں وحشی نامی غلام کے ہاتھوں شہید ہوئے۔ ابوسفیان کی بیوی ہندہ نے غزوہ احد میں اپنے ایک غلام وحشی کو ان کے قتل پر مامور کیا جس نے آپ پر چھپ کر نیزہ پھینکا۔ جب وہ شہید ہو گئے تو اس نے ان کا کلیجا نکال کر کچا چبایا اور ان کی لاش کا مثلہ کیا۔ اس کا حضور صلی اللہ علیہ و آلہ وسلم کو بے حد رنج تھا۔

سید الشہداء

• امامہ بنت حمزہ

عباس سے روایت ہے کہ نبی کریم ﷺ نے فرمایاکہ سَيِّدُ الشُّهَدَاءِ يَوْمَ الْقِيَامَۃ حَمْزَةُ بْنُ عَبْدِ الْمُطَّلِبِ، وَرَجُلٌ قَامَ إِلَى إِمَامٍ جَائِرٍ، فَنَهَاهُ وَأَمَرَهُ، فَقَتَلَہ قیامت کے دن سید الشہداء (شہید وں کے سردار) حمزہ بن عبد المطلب ہیں اور دوسرا وہ شخص ہے جس نے ظالم بادشاہ کو نیکی کا حکم دیا اور برائی سے منع کیا تو بادشاہ نے اسے قتل کروا دیا۔ دوسری صحیح حدیث میں ہے سَيِّدُ الشُّهَدَاءِ عِنْدَ اللَّهِ تَعَالَى يَوْمَ الْقِيَامَۃ حَمْزَةُ اللہ تعالیٰ کے نزدیک قیامت کے دن سید الشہداء حضرت حمزہ ہوں گے۔ فاطمہ خزاعیہ کا بیان ہے کہ میں ایک دن حضرت سید الشہداء جناب حمزہ کے مزار اقدس کی زیارت کے لیے گئی اورمیں نے قبر منور کے سامنے کھڑے ہو کر اَلسَّلَامُ عَلَیْکَ یَا عَمَّ رَسُوْلِ اللہ کہا تو آ پ نے بآواز بلند قبر کے اندر سے میرے سلام کا جواب دیا جس کو میں نے اپنے کانوں سے سنا۔