ضرار بن ازور
| ضرار بن ازور | |
|---|---|
| معلومات شخصیت | |
| مقام پیدائش | مکہ |
| وفات | 7ویں صدی وادی اردن |
| وجہ وفات | طاعون |
| عملی زندگی | |
| پیشہ | عسکری قائد |
| عسکری خدمات | |
| وفاداری | خلافت راشدہ |
| شاخ | خلافت راشدہ کی فوج |
| لڑائیاں اور جنگیں | اسلامی فتح شام |
درستی - ترمیم  | |
ضرار بن الازورصحابی رسول ابو الازور ان کی کنیت ہے بعض نے ابو البلال لکھی ہے۔
نام ونسب
[ترمیم]ضرار نام،ابوازورکنیت، نسب نامہ یہ ہے،ضرار بن مالک(ازور) بن اوس ابن خذیمہ بن ربیعہ بن مالک بن ثعلبہ بن دودان بن اسد بن خزیمہ اسدی۔
اسلام
[ترمیم]ضرار اپنے قبیلہ کے اصحاب ثروت میں تھے، عرب میں سب سے بڑی دولت اونٹ کے گلے تھے، ضرار کے پاس ہزار اونٹوں کا گلہ تھا، اسلام کے جذب وولولے میں تمام مال ودولت چھوڑ کر خالی ہاتھ آستانِ نبوی پر پہنچے قبول اسلام کے بعد آنحضرتﷺ نے بنی صید اوربنی ہذیل کی طرف بھیجا۔
فتنۂ ارتداد
[ترمیم]عہد صدیقی میں فتنۂ ارتداد کے فرو کرنے میں بڑی سر گرمی سے حصہ لیا بنی تمیم کا مشہور مرتد سرغنہ مالک بن نویرہ انھی کے ہاتھوں مارا گیا، اس سلسلہ کی مشہور جنگ یمامہ میں بڑی شجاعت سے لڑے.
وفات
[ترمیم]ضرار یمامہ کی جنگ میں نہایت سخت زخمی ہوئے تھے، مگر شہادت کے بارہ میں روایات مختلف ہیں، بعض یمامہ میں بتاتے ہیں،بعض اجنادین میں اوربعض روایتوں سے معلوم ہوتا ہے کہ عمرفاروق کے زمانہ تک زندہ تھے اورشام کی فتوحات میں شرکت کی،لیکن موسی ٰ بن عقبہ کی روایت کی رو سے اجنادین کے معرکہ میں شہادت پائی، یہ روایت زیادہ مستند ہے۔[1] بڑے شہسوار بہادر اور شاعر تھے جب رسول اللہ کی بارگاہ میں آئے تو ان کے ایک ہزار اونٹ تھے اور وہ خود چرواہے تھے[2]
