نابغہ جعدی

آزاد دائرۃ المعارف، ویکیپیڈیا سے
نابغہ جعدی
معلومات شخصیت
پیدائش 7ویں صدی  ویکی ڈیٹا پر (P569) کی خاصیت میں تبدیلی کریں
جزیرہ نما عرب  ویکی ڈیٹا پر (P19) کی خاصیت میں تبدیلی کریں
وفات سنہ 670ء (19–20 سال)  ویکی ڈیٹا پر (P570) کی خاصیت میں تبدیلی کریں
اصفہان  ویکی ڈیٹا پر (P20) کی خاصیت میں تبدیلی کریں
عملی زندگی
پیشہ شاعر[1]  ویکی ڈیٹا پر (P106) کی خاصیت میں تبدیلی کریں

نابغہ جعدی جس کا لقب ابو لیلی ہے لمبی عمر والے عرب کے عظیم شاعراور صحابی ہیں۔

نام میں اختلاف[ترمیم]

نابغہ جعدی کے نام میں اختلاف ہے قيس بن عبد الله بعض نے عبد الله بن قيس لکھاہے۔ ابو عمر نے ان کا نام حيان بن قيس بن عبد الله بن عمرو بن عدس بن ربيعہ بن جعدة بن كعب بن ربيعہ ابن عامر بن صعصعة العامری الجعدی، اوركلبی نے قيس بن عبد الله بن عدس بن ربيعہ لکھاہے ۔

نابغہ کی وجہ تسمیہ[ترمیم]

انھیں نابغہ اس لیے کہا جاتا ہے کہ یہ دور جاہلیت میں اشعار کہتے بعد میں انھیں چھوڑ دیا 30 برس تک کنارہ کش رہے پھر متوجہ ہوئے تو باکمال اشعار کہے جس کی وجہ سے نابغہ (غیر معمولی ذہن والا) کہلائے۔

نابغہ ذیبانی و نابغہ جعدی[ترمیم]

یہ نابغہ ذبیانی سے عمر میں بڑے تھے اور ان سے بعد طویل عرصہ تک زندہ رہے انھوں نے 180 یا 240 برس کی عمر پائی۔

زمانہ جاہلیت[ترمیم]

زمانہ جاہلیت میں دین حنیف (دین ابراہیمی کے پیروکار) شمار ہوتے تھے وہ روزہ رکھتے اور اپنے گناہوں کی معافی مانگتے توحید باری، حشر نشر کا اقرار اور جزا و سزا کا عقیدہ رکھتے تھے۔

قبول اسلام[ترمیم]

  • نابغہ رسول اللہ کی خدمت میں حاضر ہوئے اسلام قبول کیا اور ایک قصیدہ رائیہ پیش کیا جس کا شعر تھا:
  • أتيت رَسُول اللَّهِ إِذْ جَاءَ بِالْهُدَى ... ويتلو كتابا كالمجرة نيرا
  • جب حضور اکرم ہدایت لے کر تشریف لائے تو میں آپ کی خدمت میں پیش ہوا وہ ایسی کتاب پڑھتے ہیں جو کہکشاں سے زیادہ روشن ہے۔
  • نابغہ جعدی نے یہ شعر بھی رسول اکرم کی سامنے پڑھا۔
  • بلغنا السماء، مجدنا وجدودنا ... وإنا لنرجو فوق ذلك مظهرا* ہماری عزت و حرمت آسمان تک پہنچ گئی اب ہم اس سے بڑھ کر ایک اور مقام کے آرزو مند ہیں۔
  • حضور اکرم نے پوچھا وہ کونسا مقام ہے تو عرض کی جنت تو فرمایا درست ان شاء اللہ پھر جب اور شعر بھی پڑھے تو دو مرتبہ فرمایا (صدقت لا يفضض اللَّه فاك)، تونے بڑے پتے کی بات کی اللہ تیرے دانت سلامت رکھے۔
  • اس دعا کے بدلے اتنی طویل عمر میں ان کا کوئی دانت نہ گرا نہ ٹوٹا[2][3]

وفات[ترمیم]

نابغہ جعدی کی وفات 50ھ کے قریب اصفہان میں ہوئی۔[4]

حوالہ جات[ترمیم]

  1. PoetsGate poet ID: https://poetsgate.com/poet.php?pt=46 — اخذ شدہ بتاریخ: 5 اپریل 2022 — عنوان : بوَّابة الشُعراء
  2. الاصابہ فی تمييز الصحابہ ،مؤلف: أبو الفضل ابن حجر العسقلانی ،ناشر: دار الكتب العلميہ بيروت
  3. اسد الغابہ مؤلف عز الدين ابن الاثير، ناشر: دار الفكر بيروت
  4. الاعلام مؤلف: خير الدين زركلی دمشقی ،ناشر، دار العلم للملايين