ابن ام مکتوم

ابن ام مکتوم
(عربی میں: عبد الله بن أم مكتوم)
مزار عبد اللہ بن ام مکتوم
معلومات شخصیت
مقام پیدائش	مکہ
وفات	سنہ 636  قادسیہ کی لڑائی
وجۂ وفات	لڑائی میں مقتول
شہریت	خلافت راشدہ
طبی کیفیت	اندھا پن
عملی زندگی
پیشہ	مؤذن
شعبۂ عمل	دعوہ
عسکری خدمات
لڑائیاں اور جنگیں	قادسیہ کی لڑائی

عبد اللہ ابن ام مکتوم مسجدنبوی کے نائب مؤذن اور نابینا تھے

نام

معروف صحابی، مؤرخین نے ان کا نام عبد اللہ اور عمر لکھا ہے۔ زیادہ تر اپنی کنیت ابن ام مکتوم سے متعارف ہیں۔ باپ کا نام قیس تھا۔ مادر زاد نابینا تھے۔

غزوہ تبوک کے موقع پرامام

جب حضور غزوہ تبوک میں جانے لگے تو علی کو اہل مدینہ کی حفاظت پر اور عبد الله ابن مکتوم کو نماز کی جماعت کرانے پر مقرر فرمایا،) ابتدائے بعثت میں مکہ میں اسلام قبول کیا۔

سورہ عبس کی وجہ نزول

ایک مرتبہ حضور صلی اللہ علیہ و آلہ وسلم روسائے قریش کو تبلیغ فرما رہے تھے کہ ابن اُم مکتوم آ گئے۔ وہ حضور سے کچھ عرض کرنا چاہتے تھے لیکن حضور قریش کو سمجھانے میں اتنا منہمک تھے کہ توجہ نہ دے سکے۔ اس پر سورہ عبس کی ابتدائی آیات نازل ہوئیں۔ ان آیات کے نزول کے بعد حضور صلی اللہ علیہ و آلہ وسلم خاص طور پر ابنِ اُم مکتوم کا لحاظ فرماتے تھے۔ ہجرت کے بعد آپ بھی مدینہ منورہ چلے گئے۔ اور موذن کا عہدہ عطا ہوا۔ حضور صلی اللہ علیہ و آلہ وسلم جب کبھی باہر تشریف لے جاتے تو اکثر امامت کا شرف ابنِ اُم مکتوم کو حاصل ہوتا۔ آپ قرآن مجید کے حافظ اور مدینہ منورہ میں لوگوں کو قرات سکھاتے تھے۔ آپ سے کئی احادیث منقول ہیں۔

وفات

واقدی کے قول کے مطابق مدینہ منورہ میں وفات پائی۔ لیکن زبیر بن بکار کی روایت ہے کہ جنگ قادسیہ میں شہید ہوئے۔
ایک دن رسول اللہ ﷺ اپنی دو بیویوں ِ امِ سلمہ اور میمونہ کے پاس تشریف فرما تھے کہ اچانک عبد اللہ ابن مکتوم جو نابینا تھے آ گئے حضورصﷺ نے ان دونوں بیویوں سے فرمایا:کہ اِحْتَجِبَامِنْہُ ان سے پردہ کرو۔ انہوں نے عرض کیا یا رسول اللہﷺ یہ تو نابینا ہیں فرمایا تم تو نابینا نہیں ہو۔